رد: يوم من عمرى
السلام عليكم جميعا
اولا شكرا لصاحب الموضوع ( موضوع فعلا رائع )
ثانيا شكرا لراؤل على التدبيسه اللذيذه ديه
والله يا شباب الايام كتير جدا
منها ايام فرح كتير وايام حزن برده كتير
هو ده حال الدنيا مش كلها فرح ومش كلها حزن
بصراحه اليومين اللى مستحيل انساهم
يوم وفاه اخويا عليه رحمه الله
ويوم ولاده ابنى ربنا يخليه ليا
ومش عايز اتكلم عن اليومين دول خالص
فحكيلكم يوم تانى من ايام الجامعه وده برده مستحيل انساه
كنت فى سنه اولى كليه حقوق
جامعه القاهره فرع بنى سويف
وكان امتحان اللغه ( فرنساوى + انجليزى )
وكانت حاجه تخنق خالص
اذاكر انجليزى انسى الفرنساوى
اذاكر فرنساوى انسى الانجليزى
جيت يوم الامتحان وطبعا الطريق سفر ساعتين
ادخل الامتحان اشوف الورقه الاقيها غريبه كانها لغه صينيه
هههههههههههههههههههههههههههههه
المهم كانت اللجان فى مخيم وقاعد جنبى واحد صاحبى من القاهره برده
واقعدنا ندردش فى الكوره ونعزم على بعض بسجاير
ولا هو عارف يحل حاجه ولا انا عارف احل حاجه
المهم طبعا انتم عارفين ان المراقبين عباره عن موظفين حكومه
كانت بتراقب علينا سيده زوق جدا ومظبطه العيال
لقيتنا قاعدين مش عارفين نعمل حاجه دار حوار بينى وبينها
المراقبه : انت مش بتحل ليه ؟
الطالب : مش عارف حاجه
المراقبه : طيب معاك برشام ؟
الطالب : لا والله
المراقبه : طيب ملزمه اى ورقه كتاب اى حاجه تغش منها؟
الطالب : لا مش معايا حاجه خالص اصلى كنت مذاكر ونسيت
ههههههههههههههههههههههههههه
المراقبه : راحت تدور على حد معاه برشام علشان تغششنى
الطالب : فى سرى قولت ايه يا جدعان ده هو فى حد فى الزمن ده لسه بيعمل كده
طيب بما انك طيبه قوى كده جاتلى خطه شريره
اعوذ بالله من الشيطان الرجيم
قولت خلاص انا استهبل واخد ورقه الاجابه معايا وطبعا لو ادونى اقل من 20 هاعمل تظلم
هههههههههههههههههههههههه
افترى بقى
سالنى صاحبى يالا نمشى يا عم قولت له لا استنى انا عندى فكره جامده هننفذها
قالى فكره ايه يا عم باقى نص ساعه سلام وسابنى وسلم الورقه ومشى
المهم قبل الوقت ب 10 دقايق بدا الهرج وامرج فى اللجنه
روحت حاطط ورقه الاجابه فى الجاكيت وخلعت
طلعت بره المخيم وضميرى وجعنى قوى
والشيطان سابنى وجالى ملاك بيقول
يعنى انت علشان تنجح فى ماده تأذى واحده ملهاش ذنب وكمان كانت بتحاول تساعدك
ورجعت وطبعا دخول الحمام مش زى خروجه
الامن : رايح فين يا ابنى
الطالب : رايح اجيب بطاقتى اصلى نسيتها جوه
الامن : ابقى خدها بكره
الطالب : يا سيدى انا من القاهره ازاى اسافر من غير بطاقه
الامن : طيب ادخل بس لو حد قابلك متقولش انك خرجت بره المخيم
الطالب : حاضر
ورجعت ولقيتها يا عينى تايهه فى وسط العيال الوحوش اللى جوه وضاربه لخمه خالص ومش عارف تلم منهم الورق وبتتحايل عليهم لان الوقت انتهى
هههههههههههههههههههههههههه
انا جيت من وراها يا استاذه
الورقه ديه وقعت منك
راحت مزعقا فيا انت مش خرجت ايه اللى جابك
هههههههههههههههههههههههههههه
قولت لها نسيت بطاقتى جيت اخدها
ومشيت وخلص اليوم والحمد لله
وطبعا الورقه زى الفل ناصعه البياض وكل اصحابى عرفوا انى سايب الورقه فاضيه
الجزء التانى
يوم النتيجه
سفر ساعتين مع اصحابى فى الميكروباص وانا عمال اضحك وهم بطنهم وجعاهم يا عينى
هههههههههههههههه
طبعا انا عارف نتيجتى
صفر فى اللغه
والباقى الحمد لله حليت كويس
المفاجأه بقى
انى اقابل احمد صاحبى اللى كان معايا فى اللجنه
واول ما شافنى مبطلش ضحك
ابو حميد حمد لله على السلامه
الله يسلمك
مبروك يا ابو حميد
الله يبارك فيك
قولى انت جبت الدرجات
قالى اه
طيب قولى
وهو بيضحك بهيستريا
بيقولى انت جبت جيد فى اللغه
ههههههههههههههههههههههههههههههههه
وانا سمعتها وموت على روحى من الضحك
ومصدقتش غير لما شوفتها بعنيا
طيب وباقى المواد يا بوب
بيقولى مشوفتهاش
قولت له ليه
قالى اذا كان اللغه الورقه فاضيه على يدى وجبت جيد اكيد باقى المواد امتياز
ههههههههههههههههههههههههههههههههههههههههههههههههههههه
بجد مش قادر امسك نفسى من الضحك وانا بكتب الكلام
وده يوم من عمرى مستحيل انساه
واسف جدا على الاطاله
دمتم بود
رد مع اقتباس
المشاركة الأصلية كتبت بواسطة SALIHMOB
المفضلات