لاول جيل دخل على الانترنت

[mohamed allam]

في جيل معانا مش هايفهم يعني إيه لحظة الرعب اللي كنت بتعيشها و أنت بتكتب مسج SMS وممكن بسبب حرفين زياده تدخل على صفحة جديده و تدفع نص جنيه زيادة
.
يعني إيه كارت الشحن ب 115 جنيه, منهم 85 رصيد والباقي ضرايب وحبشتاكانات !! آه والله
.
يعني إيه حتة sim card كانت ب 1000 جنيه
.
يعني إيه فودافون كان إسمها كليك و موبينيل كان إسمها ألو, ومكانش في إتصالات grin emoticon
.
يعني إيه المنتخب كان بيلبس تيشرت أخضر وعليه إعلان كليك grin emoticon
.
يعني إيه موبايل بيصور فيديو لمدة تسع ثواني بس, والكواليتي بلح...وكان حواااااار
.
يعني إيه ال نوكيا 3310 ب 800 جنيه
.
يعني إيه "سيمنز"
.
يعني إيه تبعت أغنية infrared وتيجي على 95% وتقطع علشان حركت الموبايل حاجه بسيطة
.
يعني إيه موبايلك يقعد بالتلات أيام ماتحطهوش في الشاحن !
.
يعني إيه تدوق البطارية بطرف لسانك
.
يعني إيه جملة "شاحن رفيع"
.
يعني إيه ضاع ساعات من عمرك وانت سهران بتحاول تألف رينج تون بالأرقام
.

[mohamed allam]

يعني إيه "نغمات بوليفونيك"
.
يعني إيه تشتري رينج تون "النغمة بنص جنيه"
.
يعني إيه لعبة "التعبان" Snake
.
يعني إيه لو الموبايل خلص شحن, تقفله وتشغله تلاقي البطارية ظهر فيها شرطة !
.
يعني إيه إشتغاله شركات المحمول, أنك تشيل السيم كارد و أنت بتتكلم, وهاتكمل باقي المكالمة ببلاش
.
يعني إيه "برنامج تسجيل المكالمات"
.
يعني إيه MMS و GSM
.
يعني إيه صاحبك يمسي عليك ب "ميسد", وترد عليه ب "ميسد"
.
يعني إيه الدقيقة كانت بإتنين جنيه و تلاته جنيه !
.
يعني إيه تشتري الخط في "علبة سي دي"
.
يعني إيه "خط الساحر"
.
يعني إيه "فترة سماح"
.
إحنا أول من قال lol و brb و rofl و tyt و wtf و كتبنا 3 بدل العين و 5 بدل الخاء و 7 بدل الحاء

[SaiD_KHeirallaH]

ياههههههههههههههههههههههههههه
يعني تفتكر ايام زمان يا ريس
يعني سوفت 3310 ب150 جنيه
ومن قنا نبعت القاهره علشان تعملو

[jehadabodan]

ههههههههههههههههه

[diaa0]

انا كنت بنزل نغمات
النغمة بي جنية ونص
هههههه وكنت ببعت رسايل من بص وطول و نمرة واحد

[mustafa ali]

ههههههههههههههههههههههههههه

[دلو فون^_^]

انا في وقتو كنت بنزل نغمات االجهزة 5 نغمات ب 5$
ههههههههههههههههههههههههههه

[بشرى عبدالرحمن]

هههههههههههههههههههههههههههههههههه حلوه جد ياعم mohamed allam

[HosaaM HasheM]

112154
112165
1176543
226541#
اللي هيفهم دي يبقا من الجيل دة فعلاااا

و الله فكرتنا بالايام الحلوةو كان ممكن افضل سهرران اقلب ف النغمات ههههههههههههههه

[diaa0]

يعني إيه ضاع ساعات من عمرك وانت سهران بتحاول تألف رينج تون بالأرقام

112154
112165
1176543
226541#
اللي هيفهم دي يبقا من الجيل دة فعلاااا

و الله فكرتنا بالايام الحلوةو كان ممكن افضل سهرران اقلب ف النغمات ههههههههههههههه