ماهي الحلول الواجب اتباعها للخروج من الازمة ؟

[احمد مشعل]

السلام عليكم ورحمة الله وبركاتة

طبعا ياجاعة الكل يتابع الاحداث الاخيرة في مصر

والازمة الموجودة بالساحة اية رأيكم تعالوا نتناقش

في حلول تخرجنا من هذه الازمة ووحدة الصف مرة اخري

لأن بجد شئ محزن للغاية قمة التفكك والفرقة بين ابناء

الشعب المصري الواحد انا بجد اول مرة ابقي مش عارف

ابقي مؤيد ولا معارض طبعا احنا هنتكلم لأيجاد حلول وليس

مين مع مين ولا دول الغلط ولا دول الغلط الموضوع

مفتوح للجميع النقاش الجاد ولأيجاد الحلول ولازم نعرف

ان ديمقراطية الرأي مكفولة للجميع ولانريد التجريح في اشخاص

عايز تنقض انقض براحتك اي طرف بس بدون تجريح في الطرف الاخر

وبجد اتمني دخول شخص عزيز علية في المنتدي

نفسي اشوف لية ردود اليومين دول واول ماينزل بالمشاركة هقول علية علي طول

ماتفهمونيش غلط والله ماقصدي اي سوء بأحد

وشكرا .

[mohamed allam]

ولا حتلاقى حد يعبرك ويقولك على حل

عارف ليه
لان الاخوان فاكره نفسها على حق

عشان الفلاحه ماتت ولازم نسلم نفسنا يامحمد



انصار البرادعى وحمدين فاكر ين انهم على حق

عارف ليه

مين سي لطفى لامؤاخزه يابنى

والاعلام فاكر نفسه على حق

عارف ليه

الليله ياعمده الليله

والامر من ذلك
المصريين اللللى شغالين بره وبيسخنوا طيب قول واحد منهم كده تعالى انزل ورينا نفسك سواء مؤيد او معارض
واثبت على مبدأك مع الناس اللى بيبات فى الشارع
ابقى قابلنى لو شوفت وشه

عارف ليه
عشان احنا رجاله ووقفنا وقفت رجاله يامحمد ياسويلم

على فكره ياحمد موضوع اديك فيه 10 /10
بس صدقنى جاى فى وقت متاخر مش حينفع فيه حاجه
عارف ليه

لما احب اكلم الشعب المصرى اكلم مين



استقيــــــمو يرحمــــــــــكم الله


وانا فى انتظار اللى انت منتظره

[mohamed183]

لا يوجد غير حل واحد هوا اهمال الدستور الى اطبخ والرئيس يدعى الى جمعيه تأسيسيه جديده تضم جميع طوائف المجتمع المصرى والتنازل عن الاعلان الدستورى الذى نصب فيه نفسه الحاكم بأمر الله
لا يوجد اى كلام اخر كلامى يعجب من يريد ويحبه من يريد لانى اعلم الانقسام الذى فيه نحن الان وهوا يعجب سيادة الرئيس

[احمد مشعل]

ياعني اية يامحمد مافيش حل انت شايف كدة بس انا مستبشر خير
ان شاء الله
ولازم يكون في حلول
وبرضو انا منتظر اللي انا منتظرة
وعلي العموم انا هبعتلة الموضوع في رسالة
علشان بجد هو الوحيد اللي بقتنع برأية السياسي
وحكمتة وعقلة .

[mohamed allam]

ياعني اية يامحمد مافيش حل انت شايف كدة بس انا مستبشر خير
ان شاء الله
ولازم يكون في حلول
وبرضو انا منتظر اللي انا منتظرة
وعلي العموم انا هبعتلة الموضوع في رسالة
علشان بجد هو الوحيد اللي بقتنع برأية السياسي
وحكمتة وعقلة .

انها الديمقراطيه يامنى
ينكرون حق اعتراض الاقليه
الدستور مسلوق يامنى
وانا باكل الدستور مقلى
وعلى راى الست ام كلثوم
متفيش امل

[aladin02002]

الفتنة مشتعلة

وفى زمن الفتنة يجب أن نخطو على نهج الحبيب محمد

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ :

" سَلامَةُ الرَّجُلِ فِي الْفِتْنَةِ أَنْ يَلْزَمَ بَيْتَهُ " .

صَدَقَ رَسُولُ اللَّهِ صَلَّى مرجع الحديث هنا

وهذا هو المفروض لوحدة الصف

والله أعلى وأعلم

[احمد مشعل]

لا يوجد غير حل واحد هوا اهمال الدستور الى اطبخ والرئيس يدعى الى جمعيه تأسيسيه جديده تضم جميع طوائف المجتمع المصرى والتنازل عن الاعلان الدستورى الذى نصب فيه نفسه الحاكم بأمر الله
لا يوجد اى كلام اخر كلامى يعجب من يريد ويحبه من يريد لانى اعلم الانقسام الذى فيه نحن الان وهوا يعجب سيادة الرئيس

تمام يابوسيف طب لو تم عمل الكلام دة
واهمل الدستور وتم حل الجمعية التأسيسية وعمل جمعية اخري
هياخد قد اية من الوقت ومن هم برأيك الاعضاء الجدد
طب وهل هينفع يحصل الموضوع دة ممكن بس صعب
طب اية اللي ممكن نعملة علشان الموضوع دة يتم
علي فكرة يامحمد انت حر برأيك قول ماشئت فأنت ولا انا نقدر نفرض رأينا علي حد
سواء عجب او ماعجبش حد احنا بنتناقش والنقاش سواء اختلفنا او اتفقنا فنحن اخوة
غصب عن عين اي حد .

[mohamed183]

انها الديمقراطيه يامنى
ينكرون حق اعتراض الاقليه
الدستور مسلوق يامنى
وانا باكل الدستور مقلى
وعلى راى الست ام كلثوم
متفيش امل

فى دستور فى العالم يامنى يتصوت عليه فى 24 ساعه
فى دستور يامنى يتاخد 50 فى 100 من اعضائه من فصيل واحد يامنى اسمو الحريه والعداله الى هما الاخوان المتأسلمين
فى دستور فى العالم يامنى بتعملو ام ايمن
فى دستور فى العالم يامنى بيتعمل لصالح فصيل بعينه ويولع باقى الشعب
فى دستور يامنى الجمعيه تقوله هيتعرض على الشعب فى 15 يوم ويتصوت عليه فى 15 يوم يستقصى ال15 يوم الاولانيين ويخليها على طول تصويت خلال 15 يوم علشان خايف من المحكمه الدستوريه تحكم ببطلانه يامنى
بقولك ايه
صوتى يامنى

[أبى الفاروق]

السلام عليكم ورحمة الله وبركاته
كلام سليم يا اخ احمد
لكن للاسف فى اشخاص لديها امراض قلبيه يعنى من الاخر هو كره وحقد وخلاص
بدون سبب وليس لديها اى انصاف تماما وينكر المعروف بطريقه غريبه
على العموم كل اللى بيحصل ده خير
لان الخونه والمنافقين الى عايزين يخربو البلد
او فاكرين انهم يسقطو مرسى زى مبارك
يبقى اغبياء وحمقى
واقول لهم موتو بغيظكم
والله الحق سينتصر مهما طال عليه الاجل
والناس الى لسه بتقول حمضين وبرادعى انا مش فاهم
ايه هتفضلو تدافعو عنهم لحد امتى
بقى شكلكم انتم وحش قوى اكثر منهم
على الاقل هما بيدافعو عن نفسهم وخلاص
لكن تدافع عن واحد الناس كلها كرهته بكل معانى الكلمه
عجيب ايها الشعب المصرى

[احمد مشعل]

الفتنة مشتعلة

وفى زمن الفتنة يجب أن نخطو على نهج الحبيب محمد

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ :

" سَلامَةُ الرَّجُلِ فِي الْفِتْنَةِ أَنْ يَلْزَمَ بَيْتَهُ " .

صَدَقَ رَسُولُ اللَّهِ صَلَّى مرجع الحديث هنا

وهذا هو المفروض لوحدة الصف

والله أعلى وأعلم

ياعني انت قصدك من الشغل للبيت
وللبيت للشغل ولا انت اية قصدك
بس ياأخي فتن الدنيا بدأت بقتل سيدنا عمر بن الخطاب
ونحن نعيش في زمن مايعلم بية الا ربنا
ولو ماقولتش رأيك ان كان مؤيد او معارض يبقي الموضوع مافيهوش اي مشكلة
وماعلش ماكنش حصل ثورة ولا انت اية رأيك .