مرحب بكم اخواتى فى الجيم فلاش
فى هذا الموضوع سنتكلم عن موضوع موقع GlobadAdMart الخاص بالاعلانات
يقولوا على الشركه انها : اسرع وتعرف علي سوق الاعلانات العالمى مع شركة GlobalAdMart واربح دخلآ ثابتآ شهريآ
نصيحة! و كل واحد براحته بعدين ..
عشان بس نغلس شوية ;) على الناس اللى بتستهبل فى الحوارات دى كل يوم بشركة اسم مختلف و عاملينها تسول شبكي ... !
مهم جدا انك تقراه و تفهمه من غير ما تتعصب !!
مفيش حاجة اسمها اكسب 1000 دولار عشان تشوف اعلان .. لان مفيش اعلان على النت يوصل تمنه لـ 10 دولار عشان مواطن يتفرج عليه فقط !
الملايين اللى بتتوزع دى و ملهاش صاحب "نصب" ..
و اخرها كمان عربية جاجوار !! وسعت منهم اوى اوى دى ...
الايام دى شغالة اوى شركة GlobadAdMart و بتدفع فيها 500 دولار عشان تفتح حساب و بتكسب شهريا 200 دولار على الاقل و ما فوق..
و كذا واحد قالى عليها و واضح ان فى ناس كتير اضحك عليها و للاسف بعد ما بيتورط و يشترك بيحاول يقنعك "او ينصب عليك" عشان تشترك و يعوض خسارته و فى الغالب هيعرض عليك هات الفلوس و انا افتحلك الحساب برصيد النقط اللى عندى ..
شوية ملاحظات سريعة:-
1- مفيش شركة بأى حال ممكن تدفع لحضرتك 10 و 15 دولار عشان تشوف اعلانها ! دي جوجل اقوى شركة اعلانات فى العالم الاعلان بتاعه ب0.03 دولار
2- مفيش شركات اصلا بتعلن عندهم، يعنى لا هتلاقى اعلانات اديداس و لا بيبسي زى ما هيقولك اللى بيورطك فى البداية
3- الشركة محدش يعرف عنها حاجة اصلا عشان محدش يكلمك بثقة عنها و من الاخر الدومين بتاعها اتسجل يوم 17 ديسمبر 2012، يعنى من اقل من شهرين
واثبات كلامى شوف موقع العالمى اليكسا وهو الموقع الخاص بترتيب المواقع
http://www.alexa.com/siteinfo/http%3...baladmart.com#
وهنا موقع الارشيفه للمواقع هتلاقى ان الموقع اترشف فى 2013
http://web.archive.org/web/201208010...obaladmart.com
4- مفيش حد استلم جنيه من الشركة لحد انهاردة، لان حسب شروطهم اول 4 اسابيع مش ينفع تسحب فلوسك و لازم رصيدك يوصل لـ 500 دولار عشان تطلب تحويل المبلغ .. يعنى لازم يمر 4 شهور على الاقل عشان اى حد يقولك "انا استلمت" !!
و بناءا على ان الدومين اتسجل يوم 17/12/2012 و بفرض ان الموقع انطلق بعدها بـ 5 دقايق !! يبقى لازم اول واحد يستلم يكون فى شهر مايو ..
5- الشركة نفسها ظهرت من سنة باسم مختلف، و نصبت على الناس باسم LocalAdClick و ناس كتير اتنصب عليها و محدش قبض حاجة
6- المفاجأة بقى اللى اكتشفتها، ان الساذج صاحب الشركة لسه محتفظ بالموقع القديم على الموقع الجديد، شوف من هنا http://www.globaladmart.com/new/
7- موقع الشركة مفيهوش اى معلومات حقيقية عن الشركة، مثلا لو دخلت هنا http://www.globaladmart.com/contactus.html
هتلاقى ان التصميم ركيك جدااا، على يمينك المفروض يكون فى اعلانات و مفيش عندهم و لا اعلان واحد !! .. و على شمالك فى الصفحة هتلاقى "خدماتنا" و عبارة عن ابراج، و توظيف، و زواج، و بناء مواقع و هكذا ..
الخدمات كلها متناقضة و ملهاش علاقة بنشاط الشركة، اللينكات للخدمات دى معظمها مش شغال و بتفتح فريم جوة البوكس و واضح اللى صمم الموقع واحد فى 3 اعدادى! ..
8- عنوان الشركة اكيد طبعا وهمى (بس مفيش دليل)، و هما عاملين نفسهم جزء من شركة ViSim Advertising Limited اللى هى اصلا متسجل الدومين بتاعها يوم 26 يناير 2013 .. يعنى من 3 اسابيع !
الخلاصة:-
الخلاصة ان ده تسول شبكي، مش تسويق شبكى ..
لما تحب شركة تعمل اعلان هتدفع 10 او 20 سنت بالكتير لكل ضغطة على الفيس بوك مثلا، يعنى الـ 15 دولار اللى هتدفعها الشركة تجيب بيهم 150 واحد افضل من اللى قاعد بياخد فلوس عشان يتفرج على اعلان .. لان اللي بيضغط على الاعلان اللى بيعجبه ممكن يقرر انه يشترى المنتج ..
ده الويب ماركتنج اللى فى العالم كله .. بس فى مصر الناس متخيلة ان فى ملايين تايهة مع الشركات و عايزة توزعها على الناس !!
لو انت مشترك معاهم او مع غيرهم .. فبما انك ما قبضتش حاجة من الشركة اسكت شوية و انتظر لحد ما تتاكد انهم نصابين بنفسك او تقبض منهم (ابقى قابلنى!) ... لانك بكلامك عن الشركة انت كده شغال نصاب صغير معاهم و بتحاول تستفيد من النقط اللى عندك و تطلع اكاونتات لان مش عارف تاخد فلوسك ..
لو انت لسه مش مشترك، اعتقد الكلام اللى فوق يفيدك، و لو انت حابب تجرب و من بتوع "التجارة مخاطرة" فانت حر .. بس المشكلة انك هتحاول تورط اللى حواليك معاك !
****************************
****************************
الرد على الناس اللى بتقولك انا استملت فلوس .. الشركة حقيقية ... الشركة ما دفعش ربع جنيه مخروم لحد انهاردة و اللى استلم يقول .. سواء من الشركة دى او اسم النصب القديم LocalAdClick
***** سر النصباية من الاخر ******
الناس اللى مسكت فلوس ... ده اللى مسك !!
فلوسكم دى من فين لو فى حد مسك فلوس ... ؟؟؟ و هل انتوا كسبتوا !!؟
ببساطة الفكرة انت دفعت 500 دولار للشركة و كسبت فلوس وهمية فى حسابك من شوية ناس جبتها تحتك ... و ظاهر عندك فى موقع الشركة انك كسب 1000 دولار مثلا ؟؟
لكن عشان تحول الفلوس دى يتخصم 30% عمولة (يعنى 300 دولار) و بعدها 50% ضرايب .. يعنى تاخد فى الاخر 300 دولار ....
- فالمصري الناصح يقول "لا ... مفيش اختيارات تانى !؟"
- الشركة تقول لحضرتك انت ممكن تحول الفلوس دى لنقط تفتح بيها حسابات للناس اللى بتجيبها و تاخد منهم الفلوس كااااااش
حضرتك تدور على زبون و تاخد منه الفلوس و تحطها فى جيبك و تقول انا كسبت ... الشركة حقيقة ...انا قبضت .. معايا الدليل .. اكسب الاف الدولارات ... و انت ما قبضتش جنيه واحد من الشركة !!
حضرتك ما قبضتش حاجة و الشركة ما دفعتش ربع جنيه مخروم لحد ... الشركة شغلتك مندوب نصب و حضرتك بتنصب لحسابها و بتاخد فلوس كاش من بعض الناس و الباقى بيدفعوا للشركة ...
الكلام ده على الشركة دى و غيرها
طالما بتكسب ارقام تزيد عن 10 سنت للاعلان يبقى نصب وش .. ده ان لقيت اصلا شركة محترمة بتعلن فى مواقع بتدفع للناس عشان تضغط ...
نقطة اخرى : واحد من ضمن الضحايا , الا عايز اصحابى يدخلوا معه بيقولى ان الموقع فيه 12 ميلون عضو
طيب ازاى ؟؟؟؟؟؟؟؟؟ اذا كان موقعنا الجيم فلاش عدد الاعضاء تقربيا 200 الف فقط , وترتيبه 26 الف
ازاى موقع فيه 12 ميلون عضو بيدخلوا كل اسبوع يبقى ترتيبه 60 الف على مستوى العالم ؟؟؟؟؟
سيبك من دي
طيب افرض انه فعلا فيه 12 ميلون عضو , وعرفنا ان الموقع اعلانات لشركات مش معروفه يعنى لسه جديده
, وقولنا ان الا بتفرج على الاعلانات دي مش الـ 12 ميلون . هنقول ميلون واحد , لكل عضو هيتفرج عليه هيخد 10 دولار , يعنى الشركه 10 مليون دولار بما يعادل 70 مليون مصرى فى الاعلان الواحد ؟؟؟؟؟؟ دي يعمل الاعلان التليفزيون ارخص :D
المفضلات