اخواني واخواتي اعضاء الجيم فلاش
كلنا عارفين ان لازم نوصل سالب وموجب البوكس في قاعدة شحن التليفون بالطريقة الصحيحة وبعدين نركب الكابل في سوكيت السوفت وبعدها نعمل بحث على البن اوت وطبعا طريقة سليمة 100%
طبعا بتقابلنا مشاكل كتير عند التفليش او الفورمات وبتكون بسبب تلامس موجب وسالب الكهرباء الخارجة من البوكس مما يؤدي الى فشل العملية واعادتها مرة اخرى وممكن عدة مرات
والمشكلة دي بتقابلنا في الموديلات اللي بيكون المجب والسالب في قاعدة الشحن بجوار بعض والاسم العلمي للانواع دي من البطاريات (bl5f)
والاسم العامي
( بطارية ريش شق )
مثل
n95 e71 u800 e66 الخ......
طيب اية هية فائدة كابلات الكهرباء والارضي الخارجين من البوكس
طبعا الفائدة معروفة وهي تغزية الموبايل بالكهرباء لكي يتعامل البوكس مع الهاردوير الخاص بالتليفون
طيب الطريقة الجديدة هية اية وبتكون ازاي؟
اتبع الشرح
وصل الكابل الخارج من البوكس في السوكيت الخاص بالسوفت من غير ما توصل كابلات الكهرباء الخارجة من البوكس
وبعدها هانوصل البطارية الخاصة بالبوكس وطبعا المفروض تكون فيها على الاقل 20 % شحن
وبعدها نعمل بحث عادي واتبع الخطوات التالية
طبعا في حالة عمل بحث على البن اوت المفروض انك بتضغط على زر البور حتى يلتقط البوكس البن اوت الخاص بالجهاز
وفي حالة التفليش بالبطارية مش هانعمل كدة
اومال هانعمل اية؟
تابع الشرح
طبعا البوكس بيعمل صوت بزر(صفارة ) عند البحث على البن اوت اول ما تسمع صوت الصفارة اضغط ضغطة واحدة على زر البور وارفع اصبعك
( فقط ضغطة واحدة)
اذا لم يجد البوكس البن اوت كرر المحاولة مرة اخرى ولاكن اعكس الضغط اضغط عند انتهاء صوت الصفارة
تابع الصورة
لازم البوكس يشوف البن اوت لاكن بشرط يكون وقت الضغط على زر البور متوافق مع البوكس ودي بتيجي معانا بكل سهولة مع اختلاف وقت الضغط على زر البور
معلومة مهمة جدا
لو فضل الضغط بأستمرار على زر البور الهاتف هايشتغل من غير ما البوكس يشوف البن اوت
الطريقة متجربة من طرفي وتعمل 100 % وهي مفيدة في حالة سحب الفلاشة او التفليش لتفادي مشاكل تلامس الموجب والسالب ببعض
جاري التجربة على الموديلات صاحبة البطاريات المختلفة
تحياتي للجميع
ابو عمر
ahmedana
المفضلات