ممكن خمس دقايق من وقتك..
السالفه وما فيها أبي خمس دقايق من وقتك الغالي يا غالي\ة .. وإذا ما عندك وقت خلاص قفل\ي الموضوع ومتى ما فضيت\ي إقريها وإنت هادي\ة ورايق\ة ومركز زين زين ..
أرجوك تقرا هذا الموضوع إلى الأخير .. وتأكد إنك إنت المستفيد وراح تحس براحه رهيبه :
شوف\ي .. أكيد إنك شايف\ة الناس هالأيام كيف قاعدين يسعون ويتفننون في طلب الرزق .. هذا راح ياخذ قرض ودخل بالأسهم وهذاك طول يومه بمعارض السيارات والثاني احترق وجهه بالصناعيه وهذاك طاحت عيونه من كثر ما درس وسهر وتعلم .. وهذا ما عاد شاف أهله من كثر ما يدور بالمخططات والمساهمات العقاريه .. و و و و و .. وبصراحه ما أحد يلومهم .. الكل يبي رزقه يكثر وينبسط بحياته ..
بس فيه شغله ناس كثير جدا جدا ما فكروا فيها .. حتى أكبر العقليات الإستثماريه ما جت على بالهم إلا من رحم ربي .. يقول الله سبحانه وتعالى { فقلت استغفروا ربكم إنه كان غفارا * يرسل السماء عليكم مدرارا * ويمددكم (بأموال) وبنين ويجعل لكم جنات ويجعل لكم أنهارا * } ..
الإستغفار : يا ناس يا عالم الإستغفار سبب رئيس لأشياء حلوه في حياتنا .. أشياء ياما وياما تمنيناها ..
من فينا ما يحب المطر ..؟
من فينا ما يحب المال ..؟
من فينا ما يحب يكون عنده أولاد وبنات ..؟
من فينا ما يحب يعيش بوسط جنات وأنهار في الحياه الدنيا ..؟
هذي كلها أشياء خياليه .. من جد خياليه .. وماهي صعبه ولا مستحيله على رب العالمين سبحانه .. الله قادر إنه يحققها لنا .. بس إذا حققنا المطلوب منا .. وش المطلوب منا ..؟
شي واحد وبس .. ولا أسهل منه .. {الإستغفار} والإكثار منه .. طيب والنتيجه ..؟
أنا أقولك النتيجه :
النتيجه عسى ربي يحفظك ويسلمك إن الإستغفار سبب في نزول المطر {بإذن الله} .. وسبب في زياده الرزق وبالعربي زيادة المال .. وسبب في إن الواحد منا يرزق بالذريه الصالحه إن شا الله {البنين} .. وسبب في تحول أراضينا إلى جنات وأنهار .. وهذا مو كلامي ولا كلام الشيخ ...... أو المطوع ........ أو الداعيه .......... لا
هذا كلام الله سبحانه ..
الله الله في الإكثار من الإستغفار .. {استغفر الله الذي لا إله إلا هو الحي القيوم وأتوب إليه} ..
ملاحظه خطييييييره :
إذا استغفرت\ي ربك الحين أكيد إن لك أجر .. أجل وش رايك لو بعد سنه مثلا ويجون ألف واحد يستغفرون وإنت لك مثل أجرهم بالضبط .. وش رايك ..؟
طيب تخيل\ي كم عددهم بعد سنتين .. ثلاث .. عشر سنين ؟
طيب تخيلي إن هالشي ما يكلفك ولا هلله وحده .. ما يكلفك إلا تقريبا 20 ثانيه .. شلون ..؟
الشغلة كلهاا انك تنشر هذا الموضوع او ترسله للناس اللي تغليهم..
تخيل\ي نفسك يوم القيامه وإنت واقف\ة والله سبحانه يحاسبك .. وقتها تتمني مو حسنه نص حسنه .. وما تدري إلا وعندك جبال كبيره من الحسنات والأجر والثواب .. والسبب موضوع ما ياخذ من وقتك ولا خمس دقايق في قراءته وإرساله .. عشان كذا أرجوك
لا توقف\ي الرساله عندك ..
اسأل الله العظيم رب العرش الكريم بأسمائه الحسنى وصفاته العلى أن يجعلني وإياك من أهل الجنه .. آمين ..
.. ولاتنسا أن الإستغفار سبب في زيادة المال والرزق ..
منقول
رد مع اقتباس
.gif)
المفضلات