.gif)
موال تحفة لمحمد العزبى.. حاجة من الاخر بجد
الأولى أه على القلب اللي متهناش
والتانية اه على اللي صابر بس بخته مجاش
والتالتة اه على اللي في الدنيا لا مات ولا عاش
حبينا يا قلبي لكن شوفنا حبايبنا سابوا اللي يسوى وراحوا للي ما يسواش
يااااااااااااااا ليل
لقيت طيرة بتتألم ونار حامية بتكويها
على عود الحطب واقفة وشوك الدنيا حواليها
وصياد القدر واقف وبرصاصه هيرميها
سألت عليها بدي أعرف لمين هي ومين ليها
قالولي الأم سيباها وأبوها كمان ناسيها
يا عيني
ضحية في الدنيا, يا خوفي الوحدة تضنيها
ده لو هب, مسير العود يميل بيها الهوا ليلة
وقولت يا رب ساعدني. علشان اقدر انجيها
شاورت بإيدي أناديلها, وجاتلي وخدت بإديها
بنيت العش في العالي , وكان قصدي أعليها
وشوفت الفرح في عنيها ولما عششت جنبي,
فتحت لحبها قلبي, وقلت يا رب هنيها
وخدت من الشجر ورقه , عجنته الحنة أحنيها
وخدت من العنب خمره , عشان أشرب وأسقيها
وخدت من العسل شهده , عشان تاكل وأغذيها
وخدت من الهوا غنوة بصوت الناي أغنيها
وجبت الورد من البلدي , عملته تاج يحليها
وجبت بخور من الجاوي , أبخرها وأرقيها
وجبت حرير من الهندي , عملته ستار يداريها
وليلة في العشا جالها واحد تاني يناديها
سابتني للي كان, وحدي , ونزلتله برجليها
رد مع اقتباس
المفضلات