ديوان (غــربــة) تم اضافة القصيدة الثالثة (وشوشة)ص3

[&& اشكوزا &&]

بسم الله الرحمن الرحيم
اخواني الكرام
اتمني ان تشاركوني هذا الموضوع وعايز اعرف رأيكم
قررت عمل ديوان وسميته
غــــربــــة
وان شاء الله هرفعه هنا في الجيم فقط
ودي أول قصيدة

الـــنـــهـــايــة

النوبادي
قلبي حاسس
اننا بنكتب نهاية
واننا بنطوي الدفاتر
واننا بننهي الحكاية
والسلام علي قلب حب
وعمر راح
والسلام علي دمع سال
فوق الجراح
والسلام علي شمس غابت
من سمايا
قلبي حاسس
اننا بتكتب نهاية

النوبادي
قلبي حاسس
اننا بننسي اللي فات
ومش هيفضل من هوانا
غير دموعنا وذكريات
مش هيفضل في العيون
غير الدموع
مش هيفضل الا نار
جوا الضلوع
مش هيفضل غير عذاب
قلبين ضحايا
قلبي حاسس اننا
بنكتب نهاية

النوبادي
مش هنقدر
نعتذر ونقول نصيب
مش هتشرق ياحبيبتي
شمسنا بعد المغيب
مش هنلقي حضن دافي
يضمنا لحظة ضياع
ولما هنفوق ياحبيبتي
هنلقي حتي الحلم ضاع
وهنلفي فرصة الرجوع
مقفولة من كل الزوايا
قلبي حاسس اننا
بنكتب نهاية