هسه خايف من فراقك لما يحصل ببقي كيف
زي ورد في عز نداه خوفه بكره يزوره صيف
-----
من عرفتك كنت حاسس الزمن لي مابيسيبك
وكنت حاسس رغم حبي إني زي الما حبيبك
والحنان البينا ولف لانصيبي ولانصيبك
الزمان عارف مصيرنا حقه لي ماكان يجيبك
-----
الفرح في دربي عارفه أصله مابيطول كتير
زي غمام في سمايا عدي وسابني في عز الهجير
كم فراشه علي ورده طاله أصله ما قايله بيطير
فات وراح شايل هناها خوفي من نفس المصير
-----
يازمن علمني أنسي المحال نسيان عيونه
حتي لو أيامي طالت ما أظني أعيش بدونه
ما أظن أيامي تاني زي حنانها تكون حنونه
إنت خوني زماني كله إلا أوعك يوم تخونه
-----
حقه يا عيني توالفي الصبر قبال فراقه
ما إنتي عارفه الجاي بكره وبرضه تغرقي في إشتياقه
كم عيون في الريده غرقت والزمن من ريده ساقه
ما كتير القلبه حب وياما كم في هواه لاقه
المفضلات