اقتباس المشاركة الأصلية كتبت بواسطة magdygem مشاهدة المشاركة
تمام ياشباب بس في حاجة ملاحظها على المناقشات عموما يعني انا عملت مناقشة قبل كده عن موضوع الكيبل ال8 بن وال10 بن وبعد 3 مشاركات تحول الموضوع بما يشبه حرب البوكسات بين الجاف وبين الامتي بوكس
انا ياشباب قصدي حاجة واحده انه مايحصل اعتقاد في حاجة معينة
بوكس معين ولا كبل معين
يعني في اي مناقشة لازم تكون متحيز لفئة ومافي حاجة اسمها الحياد ودا في نظري شئ خاطئ
انا الان بقول ممكن full pm و rpl تكفي معناها تحيزي للجاف وهذا الشئ اللي انا مش عاوزه ودا الشئ اللي خلاني اوقف المناقشة اللي فاتت بتاعة 10 بن و 8 بن
يعني مثلا لو فندنا البكب بتاع الام اكس كي حانللقاه عبارة عن full pm و rpl
وتكمن المشكلة في معرفة الشخص بالطريقة الصحيحة لتفليش الجهاز والتعامل معه

يعني لو اخذنا بكب الام اكس كي
ودا مش طعن في امكانيات الدونجل بس شرح مبسط على حسب معرفتي
هو بيسحب 14 نوع من الداتا
لوقارناه بالاربيل والفل بي ام
عندك ال rpl بيحتوي على
NPC_DATA saved OK
CCC_DATA saved OK
HWC_DATA saved OK
دول تلاتة من ال 14
طيب الفل بي ام بيحتوي على
SIMLOCK_DATA (120-308
SIMLOCK_KEY_DATA (120
RF_DATA (1-309
BT_DATA (1-309
LOCK_DATA (120-309
LOCK120_DATA (120
WLAN_DATA (1-309
لاحظ انا كاتب الداتا وكاتب قدامها مكان وجودها في البي ام
7 معلومات موجوده في ال full pm
باقي من ال14 فقط 4 وهي
WMDRM_PD_DATA
WARRANTY_DATA
PROD_DATA
BB_DATA

لوفتشنا كويس حانلقاهم في البي ام او الاربل

طيب الكلام ده معناه ايه استخدم الجاف ولا المكس
استخدم اللي يعجبك بشرط تفهم انت بتعمل ايه
بس كمان الافضل تشتري بوكس بيتحدث ومواكب للتغيرات في الحماية على الاجهزة ولو عايز تشتغل بالقديم تكون عارف انت بتعمل ايه وتتقبل فكرة انك تفتش للودرات والملفات وتحدثه بنفسك وتتحمل نتائج تخلفه يعني اي واحد عندو بوكس الجاف مثلا وعنده مشكلة في السوبر دونجل كي لا يلوم الا نفسه لان البوكس ده ما بيقراش حالة السوبر دونجل كي
انا لما ارجع لموضوع السوفت حاشتري اكثر من بوكس
وحاخد بكب بجميع البوكسات لانه عادي ممكن تسحب ملف ويضرب وممكن مايكونش ضارب بس لاي سبب كان مايرضاش يتكتب في الجهاز تاني
حاجة مضمونة مافي والكمال لله
بس في حاجات تانية تفرق
لما تقول انا اشتريت المكس عشان اريح نفسي ولو لاقدر الله نسيت البكب القا حاجة تسعفني
تفرق من انك تقول اشتريت المكس عشان مش فاهم حاجة في موضوع الاجهزة الجديدة وقااااااااااااااااالو هو احسن اداة للتفليش وبعد ما تفلش يكون عندك 14 نوع من الداتا مش عارف عنهم اي حاجة ولو حصلت مشكلة في الجهاز تكون مش عارف اي نوع هو اللي بيرجع الجهاز
تفرق ولا لا

ارجو ان لايفهم كلامي على انه تفضيل لبوكس على الاخر
هو مجرد رائي
ودعوة للفهم وتشتري وانت فاهم افضل من انك تشتري وانت
حاسس انك مضطر لانك مش فاهم حاجة

انا عايز يكون عندك خيار
انا عايزك تقول انا اشتريت البوكس الفلاني عشان اريح نفسي من دوشة البكب انا بفلش بكبل عشرة بن عشان ماليش نفس افك الادابتر واحول خط ال tx2
انا حامسح الحقل 120 من ملف البي ام عشان البروفايدر مش من نفس النوع
انا عندي مشكلة في الشحن انا حاكتب الحقل 1 و309 بس عشان البتري كالبريشن في واحد من الحقلين دول

اظن حتى الموضوع اثره النفسي احسن لما يكون الموضوع خيار وفهم
ومش شرط بالتفاصيل على الاقل تعرف ان في معلومة مهمة الجاف ما بيقراها والبوكس الفلاني بيقراها ولها علاقة بمشكلة الجهاز
اضعف الايمان يعني
والتعلم مش عيب
كلنا بنتعلم

انتو عارفين انو موضوع ال rapido rpl اللي بيصلح السم لوك عمله واحد اسمو اليكس في شهر 6 اللي فات يعني قبل اكثر من 5 اشهر
وكمان بيعمل الاربيل بدون اي بوكس وبواسطة برنامج المفكرة
انا مش عاوز كل الناس تعرف انه عمله كيف انا شخصيا حاولت وماقدرت وعلى فكرة هو شخص مقتدر مش راجل اي كلام
بس من فوائد اطلاعي على موضوع اليكس
1-عرفت ان الكتابة على الحقل 120 من البي ام بعمل مشاكل في الجهاز
2-عرفت انه في تزامن بين البي ام 120 و 308
3-عرفت ان الاربيل مبني على المعلومات اللي في البي ام 120 فقط بدون الرجوع لللحقل 308
4-عرفت ان الاربيل يمكن يتخطى موضوع الحماية اللي في البي ام 308
5-عرفت ان ممكن افك شفرة التلفون لو البي ام 308 مش محمي من البي ام 120 السب بلوك زيرو
6- الاربيل يتخطى الحماية اللي على البي ام

كل الفوائد دي وانا ماعرفت الموضوع الاساسي وهو ازاي اعمل الاربيل من البي ام 120

مش ضروري تعرف كل حاجة بس الاطلاع ضروري
وكل يوم بيمر بياكد لي صدق كل لكمة عرفتها من هذا الرجل

ارجو ان اكون وفقت لتوصيل افكاري

بانتظار بقية الاراء

دمتم بخير

وده برضه بيبقي غرضي من المناقشات .. مفيش حاجه كامله ابدا لأن الكمال لله وحده و لكن بالادوات اللي معانا ممكن نحل مشكله احنا واقعين فيها لو فاهمين ....

و فعلا اللي معاه بوكسات قديمه يستحمل الغلطات اللي ممكن تعملها ف التليفونات الجديده لأن المجال ده عايز تكون علي طول Up To Date ومتابع كل حاجه اول بأول وتحاول انك تعلم نفسك كل حاجه جديده و تعرف اصغر معلومه...

لكن انا ليا عتاب صغير علي الخبراء انه لما بييجي يشرح حاجه او يشير لحاجه معينه ما بيعملش حساب ان اللي قصاده ممكن يكون مبتدأ مش محترف اوي او مش ملم بكل المصطلحات ف المجال ف الواحد بيحس انه اتلخبط و تاه و ما بقاش عارف راسه من رجليه ف اتمني من اللي بيشرح حاجه لحد او بيوضح حاجه لحد انه ياخده علي قد علمه و معرفته .....

احنا مش بنفضل بوكس علي بوكس او برنامج علي برنامج احنا كل همنا نوصل للادوات اللي تخلينا نعرف نخلص الشغل بأمان و دون اي مشاكل ...

اتمني استمرار المناقشه وانا متأكد 100% ان كل واحد فينا هيعرف معلومه جديده مفيده ...