مبروك انت مواطن سودانى

**NasirNS** · 25-10-2009, 02:36 PM

مبروك انت مواطن سودانى

عمرك بين ال18 و الستين؟

سوداني او مولود لأب سوداني داخل او خارج السودان؟

يجب ان تخضع للجنة الاختيار العامة و بعد ذلك للجنات فرعية متخصصة

و التصنيف سيكون كالاتي :

عندك شهادات و واسطة: حبابك ألف

ماعندك شهادات وعندك واسطة:
برضو حبابك ألف

عندك شهادات و خبرة و ماعندك واسطة:
سيب رقم تلفونك في الاستقبال و اكيد حاتسمع مننا

ماعندك شهادات و لا واسطة:
! امشي انتحر

شين (قبيح المنظر) و صوتك حلو:
تبقى فنان

شين (قبيح المنظر) و صوتك ماحلو:
برضو فنان

سجم و دمك يلطش و تجيد فن مصمصة الشلاليف و غرويد العيون و الأاااااأآآآآآت:

اذن انت مذيع سوداني

سمحة و غبية:-

نوعين :-

الاول سمحة و نحيييفة:
مذيعة في النيل الازرق

التاني سمحة و سمينة:
هارموني او الشروق

شينة و سمينة:
تلفزيون السودان

شينة و مسيخة:
مضيفة جوية

شينة و قليلة ادب:
طالبة جامعة

عدم احساس جلد تمساح:
ناس سودانير

قنعان من روحك و عايز تدعم المنتج المحلي:
تركب سودانير

سبع صنايع و البخت ضايع:
موظف حكومة، مدرس، سواق تكسي

سبع صنايع و البخت الرائع:
موظف اتصالات

امك داعية ليك:
ياخدوك في دال

رجل المستحيل:
كستمر كير

المستحيل بي عينو:
خدمة سودانية ترقى لمستوى لا بأس

عزيز قوم ذل:
طبيب

مصاص دماء:
تشتغل في جهاز المغتربين

سياسي عمرك فوق المية (ديناصور):
معارضة

خالي مؤهلات و مستهبل:
سفير للسودان بالخارج

خالي مؤهلات و أهبل:
مسؤول

كترتها و مسختها:
مستشار

عايز تشتهر:
اخترع ليك حركة خزعبلاوية لتحرير السودان

حمار شغل:
الفئة دي مافي عندنا

مدهوك معجون معفوص ممغوس موجع مقطع مرقع جيعان وسخان قرفان تلفان سجمان رمدان غالبك التسوي:
مبروك انت مواطن سوداني

مع الاعتذار لكل من الشعب السوداني و اخواني و اخواتي ممن مسته النوت دي من قريب أو من بعيد اعفو لينا يا جماعة

**وائل النجار** · 25-10-2009, 02:39 PM

ههههههههههههههههههههههههه

والله فيكم البركة يا عمو ناصر

نورت الترفيهي يا ريس

**elbono1** · 25-10-2009, 02:45 PM

مدهوك معجون معفوص ممغوس موجع مقطع مرقع جيعان وسخان قرفان تلفان سجمان رمدان غالبك التسوي:
مبروك انت مواطن سوداني

ههههههههههههههههههه
اية ده كله
بس اطيب شعب واللهى