&&& روحـــــي &&& بقلمي

[&& اشكوزا &&]

روحي
وانتي واخدة
معاكي روحي
روحي
سبيني عايش
بين جروحي
روحي
واما تلاقي الحلم خانك
واما تلاقي الوهم نار
انتي عارفة فين مكانك
لسة قلبي ليكي دار
لسة والله بحبك
لسة بحلم بيكي تاني
قلبي برضه رغم بعدك
لسة عايش في الاماني
روحي

طول عمرك وانتي
من الحقيقة بتهربي
وعايشة في وهم
فوق حدود المستحيل
انا قولت اسيبك
عيشي حلمك جربي
وامشي في صحاري الوهم
حتي بدون دليل
روحي

أنا قلبي انقسم اتنين
ولكن غصب عني
نص عاشقك
ونص رافض قسوتك
وانتي غرقانة
في بحر من التمني
ورفضاني حتي صديق
معاكي في سكتك
روحي
واما تلاقي الحلم خانك
واما تلاقي الوهم نار
انت عارفة فين مكانك
لسة قلبي ليكي دار
لسة والله بحبك
لسة بحلم بيكي تاني
قلبي برضه رغم بعدك
لسة عايش في الأماني
روحي