!! دليل لاغلب مشاكل و حلول السوفت للاجهزة الحديثه

**hassan moamen** · 03-09-2009, 02:21 AM

السلام عليكم ورحمه الله وبركاته

الملاحظ فى غالبيه الاقسام وخاصه قسم BB5 ان ناس كتير جدا بتدخل تكتب موضوع بدون عمل بحث عن المشكله او انهم بيكتبو المشكله وشافو حل وعملوه ولكن الحل فشل فبيطر انه يكتب موضوع جديد ليبحث عن حل جديد

النهارده جتلى فكره وهى اننا نعمل دليل حلول شامل لاغلب الاجهزة المتداوله فى السوق ونحط حلول السوفت المعروفه والغير معروفه لاغلب الناس وبالتالى ده هيكون مرجع خاص للمبتدئين نبتدى على بركه الله

( خد بالك احنا بنتكلم عن حلول السوفت فقط يعنى العيب بعد عمل خطوات السوفت ومجبش نتيجه بنتجه لشغل الصيانه)

جهاز 3110C

1_مشكلة الريستارت
_عند دخول الميمورى الجهاز بيعمل ريستارت وعند تشغيل الهاتف بدون ممورى الجهاز يعمل جيد جدا ... والحل
1_عمل فورمات للميمورى وفورمات للهاتف سواء فورمات يدوى او فورمات على البوكس
2_الدخول على التطبيقات وحذف المجموعات والتطبيقات وعمل استعاده ضبط مصنع من داخل الهاتف
3_ طبعا مشكله الجهاز بيرستر او يجيب كلمه نوكيا ويطفى فطبعا لازم حضرتك تنزله اعلى فيرجن وهو 7.21
4_ان وجدت المشكله كما هيه فاعطه سوفت وير 3500 ومشكلة الريستارت ستنحل ولكن الجهاز سيعمل بدون انفرا

2_مشكلة عدم وجود الاله الحاسبه

تنزيل اعلى فيرجن للهاتف مع عدم عمل فورمات للهاتف يكتفى بضبط مصنع فقط

او انك هتعطى ملف CNT للهاتف لنفس فيرجن الهاتف

3_ مشكلة اثناء التفليش على بوكس التورنيدو
وبتكون بالشكل ده
DATA_BLK_ERROR at: 0x00020000, 00
ERR: CMT FLASH WRITE D_BLK 000000000000000910000000B172, LN: 0x000280, Time: 00:04
Process Failed, Repowering Mobile

لو حضرتك معندكش غير التورنيدو فالحل هو
هتعمل كوبى للملف ده

RAP3Gv3_algo.fg in

وهتحطه فى المسار التالى

C:\Program Files\Nokia\Phoenix\Flash

وهتفلش وان شاء الله بيمشى الحال

او انك تفلش على بوكس الجاف+كابلات 7 بن وهيفلش بدون اى مشكله

Error preparing flashing-4

المشكله دى بنلاحظها كتير جدا فى اجهزة السيمبيان زى 3110 5300 5200 وغيرهم

المشكله دى هنلخصها فى حلول ويا ريت نمشى خطوه خطوه
1_الرساله دى بتظهر اثناء التفليش على بوكس الجاف فاعمل ريموف للبوكس والتسطيب بتاعه وسطب من جديد واتاكد من الكبل المستخدم
2_لو المشكله كما هى فلش على الجهاز باستخدام كبل اليو اس بى واختار DEAD USB
2_لو المشكله كما هى غير البوكس المستخدم واشتغل على التورنيدو لانه قوى فى اجهزة السيمبيان
***************************

3500c

الجهاز ده اكتر مشكله موجوده فيه هيه الكونتاكت سيرفيس

قبل اى شئ لازم حضرنك تشوف الانفو بتاع الجهاز وتدقق النظر على
1_السيريال نمبر هل هو سليم
2_الكونفيج كى والبروفيدر

لو الاتنين تمام حضرتك هتعطلهم PM مع استخدام خاصيه SX4 ولو مجبش نتيجه هتعمل داونجريد للهاتف وبعدين هتعمل نفس الحكايه وهتكتبله بى ام
(خد بالك لازم تاخد باك اب للهاتف منعا للمشاكل)

لو الكونفيج ضارب وكان بالشكل ده

lock status:
config key: Ffffffffffffffff
provider key: Fffffffffffffff

حضرتك الاول هتسحب الباك اب وهتعمل read pmوبعدين هتعمله انلوك على bb5 king او اى من برامج فك الشفره وبعدين يستحسن ان حضرتك تفلشه باعلى فيرجن

ايضا فى بعض الاحوال الجهاز بيجيلك تعريب وعند تعريبه الجهاز يجيب كونتاكت سيرفيس وبعد عمل كل الخطوات السابقه المشكله كما هى حتى بعد عمل سيلف تيست وظهور كل من
Simlock Tab & Security failed

الحل ساعتها بيكون ملف ار بى ال وده الحل الاكيد
*************************

5800

الجهاز ده تفليشه سهل جدا ولكن المشكله ان فيه فيرجينات معينه نزلت للهاتف ده وخاصه فى دول امريكا اللاتينيه الفيرجينات دى بتكون عليها حمايه وعند تفليش الهاتف سواء داونجريد اوابجريد الجهاز بيعطى يا اتصل بالبائع يا كونتاكت ومهما حاولنا من ارجاع الباك اب الهاتف مش بيقبل ويبقى الحال كما هو عليه

حضرتك هتفلش الجهاز mcu باى فيرجن مش محمى وبعدين هتعطيله الفلاشه اللى كانت عليه (الفلاشه المحميه) وان شاء الله الهاتف يشتغل معاك

كمان فيه مشكله ومطروحه فى هذا البوست واخونا الكريم مرفق ليها حل

حل مشكله 5800 display key on off

*****************************

e51....6120c
اشهر العيوب الموجوده للجهاز ده هو ان الجهاز يفتح يجيب شاشه نوكيا ثم يعطى شاشه سودا وينطفئ وعندما تعطيه سوفت وير الجهاز ياخد السوفت تمام التمام بدون اى مشاكل والمشكله كما هيه

الحل
حضرتك هتحط الملف ده هنـــــــــا مكان mcu وهتفلش وبعدين هتعطيله اعلى فيرجن موجود وان شاء الله الجهاز يشتغل معاك بدون اى مشاكل

*************************

e71......e63

الجهاز يفتح يجيب شاشه نوكيا ثم يعطى شاشه سودا وينطفئ والفيبريشن يشتغل فقط والتليفون يفصل بعد 30 ثانيه وعندما تعطيه سوفت وير الجهاز ياخد السوفت تمام التمام بدون اى مشاكل والمشكله كما هيه

الحل
هتحط الملف ده هنـــــا
مكان ppm وهتفلش وبعدين هتعطيله اعلى فيرجن موجود وان شاء الله التليفون يشتغل معاك

تابع

03-09-2009 02:21 AM

**hassan moamen** · 03-09-2009, 02:23 AM

n95

الجهاز ده مشاكله بتكتر عند عمل ايريز فلاش والجهاز مهما تفلشه بردوا بيفتح شاشه بيضا ويجيب نوكيا وبعدين تسود الشاشه

الحل هو ان حضرتك تعطيله ملف eno وفيه موضوع مثبت به الملف وازاى تستخدمه وبعدين هتفلش باعلى فيرجن وان شاء الله بيمشى الحال

n95 8g

الجهاز ده كتير مننا بيجيله فك شفره وفيه برنامج زولا مدعمه ولكن كلامنا عن نوع واحد وده حصلى اكثر من مره وهو جهاز مقفل على شبكه فودافون انجلترا عند فك شفرته على برنامج زولا الجهاز بيقف على شاشه سودا وكمان البروفيدر كى بتاعه بيضرب ومهما عملنا من رجوع باك اب وتفليش للاسف المشكله كما هى وللعلم غالبيه اجهزة فودفون انجلترا اللى جتلى كانت على فيرجن 30.0.018

هناك حل وجاب نتيجه مره وفشل بعض المرات وهو ان حضرتك هتاخد الباك اب وتعمل full read pm وبعدين هتعمل unlock وترجع تفلش بنفس الفيرجن اللى كان عليه بواسطه mx-key

او ان حضرتك متعملش انلوك خالص على برنامج زولا وتستخدم يا اليونيفرسال بوكس يا mt وده الحل الاضمن وان شاء الله هيفك معاك بسهوله

6500S,5610,7510C

الجهازين دول اكتر عيب منتشر فيهم هو الريستارت وخاصه عند الدخول للاستديو ونسبه 80% بتنحل عن طريق فورمات +ضبط مصنع على البوكس +ضبط مصنع على الهاتف
لكن طبعا مع مشكله الكبلات وفين وفين لما بنلاقى كبل شغال كويس وبيدخل لوكل مود وتيتست مود بنلاقى صعوبه نعمله فورمات او ضبط مصنع وخاصه فى جهاز 6500
والحل عن طريق التالى

عمل ضبط مصنع للهاتف من على البوكس وعند انتهاءه عمل ايضا ضبط مصنع من داخل الهاتف

حل اخر

اعطاء الهاتف ملف cnt واحيانا التليفون بيعمل تشيك تمام وعند التفليش بيقف وخاصه عند كتابه الفلاشه والحل هو ان حضرتك هتعمل فورمات ولكن لكل الدرايفرات c e z ودول هتلاقيهم فى الاختيارات بتاعت الفورمات وبعدين هتفلش سواء بملف cnt من نفس نوع الفلاشه او بفلاشه كامله

وان شاء الله جارى تكمله الموضوع لاشهر عيوب السوفت

بالتوفيق ان شاء الله للجميع

hassan

**AhMEd TOhAMY** · 03-09-2009, 06:40 AM

6131

الجهازه ده عنيد فى التعامل مع وليه معامله خاصه

يجيلك الجهاز بيرستراو واقف على نوكيا فهتفلش الهاتف باخر اصدار عربى وهو 6.10 الفرجن ده فيه مشكله وهى عند تحويل الهاتف الى الغه العربيه الهاتف يرستر

طيب الحل

هتفلش الهاتف بفرجن 6.60

الفرجن ده لايوجد بها لغه عربيه

مش مشكله احنا هنفلش بيها علشان الجهاز

يطزبط بعد كده
هنعمل down grade

ونفلش الهاتف بفرجن 5.50

طبعا هنعمل فورمات لبطاقه الذكره

يتبع

**AhMEd TOhAMY** · 03-09-2009, 07:25 AM

العنيد n91

nokia n91

الجهاز ده فى منه نوعين 4 جيجا و 8 جيجا ولكل واحد منهم فلاشته الخاصه

رغم ان النوعين rm- 43 طيب هنعرف ازاى

اخر فرجن 4 جيجا هو 2.20 اما 8 فهو 3.10

طبعا ناس كثيره اول مابيجى الجهاز ده وفى مشكله يقوم اول حاجه يقول انا هفلش باخر اصدار وهو فرجن 3.10

الفرجن الخاص ب 8g يقوم الهاتف ضارب سريل 123456

ويصبح اتصل بلبائع

ناس كثيره تقول ده كده محتاج rpl لا طبعا الهاتف يمكنك اصلاحه وارجاعه الى طبيعته حتى لو متمتلكش ملفات

البياكب ازى بقى هنعمل دون جريد ونرجع فلشتوا الخاصه اللى هى 2.20 والسريل هيتصلح والهاتف يعمل بدون اى

مشاكل

نيجى بقى لمشكله تانيه وهى الهاتف مبيحفظ الملفات على الهاتف

ولا على الهارد ديسك او الهاتف يتجمد على كلمه نوكيا عند تركيب الغطاء الخلفى

ويعمل طبيعيا بدونه

الحل

عمل فورمات للهارد ديسك

او عمل دون جريد وتفليش بفرجن

2.10.13

يتبع

**R E M O** · 03-09-2009, 07:39 AM

!! دليل لاغلب مشاكل و حلول السوفت للاجهزة الحديثه

6085 & 6300

الجهازين دول دايما بيجولى بعيب عجيب جدا

الزبون : الى بيتصل بيا مش سامعنى
الفنى : تمام كدة هانفك ونغير مايك

غلط طبعا لان بعد التغير نفس المشكلة

الحل

التفليش بأعلى اصدار موجود للجهاز

طيب عايزين نتأكد قبل مانفلش أو نفك الجهاز

ندخل على التسجيل ---> تشغيل --->نسمع التسجيل

لوسجل يبقى نفلش
لو ماحصلش يبقى تفك على طول

**hassan moamen** · 03-09-2009, 01:18 PM

مشكلة تفليش n96 على كبل fbus

عارفين ان الجهاز ده مدعم بالتفليش على usb من زمان ولكن احيانا لا يظبط وبنضطر اننا نفلشه على كبل fbus خاصه لما يجيلنا الجهاز بيقف على نوكيا ويجى عند رساله الترحيب الجهاز يعمل ريستارت ولكن عند التفليش بكبل fbus يطلع لينا هذه الرساله

Patching CMT loader step1...
Patching CMT loader step3...
CMT Loader Ready
Error finding ape boot

الجهاز ده لازم تتأكد من الكبل كويس جدا ويستحسن انك تستخدم كبل GPG او ip mart ... وبخصوص الرساله فكل اللى عليك انك هتضع البوت لودر اللى فى المرفقات فى المسار التالى

C:/program files/odeon/jaf/flash

وان شاء الله هيفلش معاك تمام

**AhMEd TOhAMY** · 07-09-2009, 05:32 PM

6630

الجهاز ده لم يجيلك تعريب مثلا او عليه فيروس

بعد التفليش بنلاقى الجهاز بيرستر حتى لو كارت الميمورى متفرمط

فى ناس بتفتح الجهاز وبتشتغل فيه هارد وناس بتعمل ايريس فلاش وبتدخل فى متاهات

طيب الحل

هو تغير ملف الغه اى ملف ppm

على سبيل المثال احنا مختارين ppm

RM1_6.050340.v30

نغيرو

ونختار

RM1_6.050340.v12

بتوفيق لجميع

يتبع

**AhMEd TOhAMY** · 07-09-2009, 10:14 PM

6300 + 3110c

الاجهزه دى بعد التفليش بتعمل معانا مشكله مش كبيره اوى

بس فى بعض العملاء بتهتم بيها

وهى

كبسه الشباك لاتعمل صامت ( Silent )

طيب الحل

هو عمل اعاده ظبط المصنع من داخل الهاتف

بعد التفليش

بتوفيق لجميع ان شاء الله