يوميات رمضان (يوم لكل عضو)

[HELAL ALI]

* استعداداتك (ماذا فعلت كي تقابل هذا الشهر الكريم)؟
الحمد لله نضفت الادراج وطبعا السخاوى والبيطار فهمنى وعلقت الفوانيس وجبت الياميش
* لكل شخص طبق مفضل لديه ما هو طبقك المفضل.؟
اى حاجة فيها لحمة
*مشروبك المفضل.؟
التمر الهندى الصينى لالالا
*ماذا تفعل بشكل اساسي ويومي في شهر رمضان.؟
شغل وقرائة قران وصلاة
*شي لا يجب الاستغناء عنه خلال شهر رمضان.؟
لمة العائلة وصلة الاراحام
*عند تثبيت شهر رمضان واعلان ان يوم غد اول ايام رمضان ماذا يكون احساسك؟.
يسلام ببقاء مرعوب طبعا انتوا عارفين بس الحمد لله كل سنة بيكون احلى من ال قبلها
*اشخاص تتمني ان تتناول معهم افطار رمضان.
الجيم فلاش كلة (بس ياريت كل واحد يجيب فطارة معاه)
* ما هي اضافتك لمائدة الافطار بالمنزل.
المريلة بتاعت عبد الرحمن
* ماذا تفضل (الافطار بالمنزل او مع الاصدقاء).
فى المنزل
* تمت دعوتك الي مائدة الجيم فلاش الرمضانية ماذ ستحضر معك.
يعنى شوية تقايم على شوية شكر وطبعا الدعاء الصالح
* ما هي عادات وتقاليد اهل المنطقة في رمضان والاكلات المفضله..
نفس عادات مصر كلها
* مواقف جميله مرت بك وانت صائم.
فى يوم دخلت المطبخ قبل الفطار وقعدت اكل من دى شوية ودى شوية هوب دخلت الحاجة وقالت انت بتعمل اية يا فقرى طبعا انا كنت ناسى
والحمد لله كملت اليوم ال كان باقى فية 10 دقايق
* ماذا تتمني في شهر رمضان المعظم.
اتمنى من الله الكريم ان ينعم على اخواننا فى غزة بالامان والسلام الذى نعيش فية وان يفك الله حصارهم
* بماذا تبداء فطورك؟
بالماء وبعض التمر
* اتي اليك اعز صديق في رمضان ماذا تقدم له عند الافطار؟
كل ما يقدرنى ربى علية وبعدين نتحاسب
* احساسك والعيد
يا سلام وبالذات اذا كنت ممن اقاموا الصلاة وادو فرض الصيام لله
*نصيحة رمضانيه لرواد الموضوع
رغم انف عبد ادرك رمضان ولم يغفر لة
*كلمة اخيرة في حق هذا الشهر العظيم

اللهم اعد علينا رمضان اعوام عديدة
* تدبس مين بعدك
احمد عبد الحميد
سنايبر

[Elbetar]

بقى كده بردوا ياحمد بتدبسنى يامعلم اوك ياريس ولا يهمك

* استعداداتك (ماذا فعلت كي تقابل هذا الشهر الكريم)؟

عادى يعنى ولا جديد زى اى شخص عازب مش فى الدماغ يعنى يعينى على المتجوزين بقى ربنا يكون فى عونهم

* لكل شخص طبق مفضل لديه ما هو طبقك المفضل.؟

الشوربه

*مشروبك المفضل.؟

المانجه
*ماذا تفعل بشكل اساسي ويومي في شهر رمضان.؟

عادى بصحى الساعه 2 الظهر او 2.30 اقوم اصلى الظهر واطلع على المحل اقعد قدامه بس لغايه المغرب مفيش شغل طبعا فى الصيام وبروح افطر وارجع بعد العشاء اشتغل لغايه الساعه 12 وبعدين نروح نلعب كوره لغايه السحور حد يعمل فريق ويجى يلاعبنا

*شي لا يجب الاستغناء عنه خلال شهر رمضان.؟

الصلاه وقراءة القران وزياره الاهل والاصحاب

*عند تثبيت شهر رمضان واعلان ان يوم غد اول ايام رمضان ماذا يكون احساسك؟.

رمضان جانا وفرحنابه بعد غيابه اهلا رمضان بصراحه بيكون احساس جميل جدا وبكون فرحان قوى لانه شهر كله خير على الناس كلها وشهر بيقرب الناس من ربها وبيقربهم من بعض كمان

*اشخاص تتمني ان تتناول معهم افطار رمضان.

اولهم ابويا اديله 7 سنيين مسافر ونفسى بجد افطر مع كل اعضاء الجيم والله بلا استثناء

* ما هي اضافتك لمائدة الافطار بالمنزل.

ولا حاجه كفايه انى بكون موجود هو فى احسن من كده

* ماذا تفضل (الافطار بالمنزل او مع الاصدقاء).

ممنوع منعا باتا الاكل خارج المنزل طول الشهر فيها مخالفه ب 1500 ولا كانك بتسوق فى الاتجاه المعاكس

* تمت دعوتك الي مائدة الجيم فلاش الرمضانية ماذ ستحضر معك.

حبيبى قلبى هاجيب معايا كل واحد شقه فول وشقة طعميه اكيد فى ناس هنا فاهم انا بقصد اى هههههههههههههههه

* ما هي عادات وتقاليد اهل المنطقة في رمضان والاكلات المفضله..

عادى يعنى الناس بتبادل الزيارات والاكلات المفضله والحلويات زى الكنافه والقطايف لانهم دايما بيكون مرتبطين برمضان

* مواقف جميله مرت بك وانت صائم.

رمضان كله مواقف حلوه وربنا يديمها علينا علطول

* ماذا تتمني في شهر رمضان المعظم.

رجوع والدى من السفر وانى كل الناس تكون مبسوطه وربنا يوفقنى فى مشروعى الجديد ان شاء الله

* بماذا تبداء فطورك؟

بسم الله الرحمن الرحيم

* اتي اليك اعز صديق في رمضان ماذا تقدم له عند الافطار؟

امممممممممممممممممممم يجى بس وملهوش دعوه

* احساسك والعيد

العيد فرحه بستناه طبعا بفروغ الصبر علشان بشوف فيه ناس مش بشوفها غير فى الاعياد والمناسبات الحلوه دى

*نصيحة رمضانيه لرواد الموضوع

ان يقولوا معى

اشهد ان لا الله الا الله وان سيدنا محمد رسول الله

*كلمة اخيرة في حق هذا الشهر العظيم

ربنا يبلغنا رمضان كل عام بخير

* تدبس مين بعدك

حبيب قلبى

مييييييييييييييييييييييييييييييييين

مييييييييييييييييييييييييييييييين

محمد عبد القادر

محمد 183

حبيب قلبى يابوسيف

[NasirNS]

موضوع مميز من شخص مميز ,,, شكرا ياصالح بس احب انوة انو قبل الاختيار حاول تراسل الشخص الى

عاوزين تختاروة علشان ميكنش فى احراج او ميقدرش يشارك ,,, المهم تحياتى لايكم وبالتوفيق

ورمضان كريم عليكم وعلينا وعلى كل الامة الاسلامية ان شاءالله ودعواتنا ان يعم الخير والسلام

والحب والؤام ان شاءالله

[EXplORer_70]

شكرا لك اخى صالح
بس اعذورنى اخى واللهى انا مش فادى

[HITMAN_GEM]

معاكم ان شاء الله ياشباب وعلي بركة الله
واسف عالتأخير في الرد لاني برجع من الشغل الساعة 11.30

[Abu Ahmed*GEM]

منتظرينك حبيبي hitman_gem

[HITMAN_GEM]

استعداداتك (ماذا فعلت كي تقابل هذا الشهر الكريم)؟
والله كل اللي عملته اني قلت كل سنة وانت طيب لكل شخص قريب مني مش أكتر من كدا لاني مضغوط جدا في الشغل.؟(بس الصراحة نفسي أرجع زي زمان أيام لما كنا نتجمع كلنا في مدخل حد من جيراننا ونبدأ نعمل زينة رمضان ونعلقها,ونفسي أبويا برجع يسحبني زي زمان من ايدي ونزور كل قرايبنا)

* لكل شخص طبق مفضل لديه ما هو طبقك المفضل.؟
المكرونة بجميع أنواعها (مكرونة بالصلصة,مكرونة بشاميل,مكرونة باللحمة المفرومة,مكرونة مسلوقة)
*مشروبك المفضل.؟
في رمضان اللبن بالبلح (وطبعا بحب أكسر البلح بايديا مش حد تاني يعمله) أما في الأيام العادية مدمن نسكافية.
*ماذا تفعل بشكل اساسي ويومي في شهر رمضان.؟
بحاول اني أقرأ في المصحف علي قد ما أقدر سواء في الشغل أو المواصلات أو البيت دا الشئ الاساسي وطبعا بقية اليوم جزء منه في الشغل والباقي نايم.
*شي لا يجب الاستغناء عنه خلال شهر رمضان.؟
السواك والمصحف الشريف
*عند تثبيت شهر رمضان واعلان ان يوم غد اول ايام رمضان ماذا يكون احساسك؟
بحس بأيام زمان أيام الخير والبركة
*اشخاص تتمني ان تتناول معهم افطار رمضان؟
جدي(الله يرحمه)
* ما هي اضافتك لمائدة الافطار بالمنزل؟
بناول الأطباق وبصب المشروبات في أكواب وبكسر البلح مش أكتر من كدا
* ماذا تفضل (الافطار بالمنزل او مع الاصدقاء)؟
مفيش أحلي من لمة البيت والأسرة كفاية بس انك تلاقي والدك بيدعيلك ووالدتك وجدتك والناس اللي انت بتحبهم ويفتحو نفسك عالأكل
* تمت دعوتك الي مائدة الجيم فلاش الرمضانية ماذ ستحضر معك؟
(بسبوسة) لان في ناس حبايبي عندهم محل وبيتوصو بية فدي تعتبر هدية متواضعة وجميلة لاخواني
* ما هي عادات وتقاليد اهل المنطقة في رمضان والاكلات المفضله..؟
الصراحة مش عارف لاني منقول للبيت الجديد من 5 سنين وساكن في الدور الرابع وماليش خلطه بالجيران فمش عارف هما ايه عاداتهم
* مواقف جميله مرت بك وانت صائم؟
في موقف جميل قوي كل ما أفتكره أحس ان الدنيا لسة فيها خير,في واحد جالي المحل مرة زبون زي أي زبون كان عنده مشكلة في عدته المهم المشكلة كانت بسيطة فتحتله العده وعملتهاله ومرضتشي أحاسبه لأنه شكله راجل طيب وأنا استريحتله, فيشاء السميع العليم اني في يوم من أيام رمضان كنت واقف تايه قبل الفطار بساعة مستني أي عربية توديني لحد الموقف ومكنتش لاقي خالص عربيات بس الحمد لله فجأه لاقيت الراجل دا قدامي بيسلم عليا وبيسألني انت واقف هنا ليه فقلتله اني مش لاقي عربيه وعايز اروح الموقف عشان أروح افطر مع جدتي فنادالي واحد من اللي شغالين معاه وركبني معاه المكنه(الموتوسيكل)ووصلني لحد الموقف ووانا راكب ورا الأخ دا افتكرت جملة كان والدي بيقولهالي علي طول (العمل الصالح هينفعك في الدنيا وفي الاخره) سبحان الله كأن ربنا سخرهولي مخصوص انه يبقي واقف هنا في نفس المكان دا ويشوفني وفي رمضان كمان مش أي يوم تاني ويبعت حد يوصلني فالحمد لله لسة في ناس كويسة وفيها الخير.
* ماذا تتمني في شهر رمضان المعظم؟
ان ربنا يغفرلي كل ذنوبي وذنوب المسلمين ويهدينا يارب
* بماذا تبداء فطورك؟
بالتمر واللبن بالبلح
* اتي اليك اعز صديق في رمضان ماذا تقدم له عند الافطار؟
طبعا رمضان كله خير والأكل في رمضان بيبقي له مذاق خاص ونكهة مميزه بس أكيد يعني هأكله مكرونه(هوا طبعا هيشوف نفسي مفتوح عالاكل وخاصة اني بحب المكرونة فان شاء الله نفسه هوا كمان هتتفتح عالمكرونة,او ممكن يكون مضطر انه ياكلها هوا ونصيبه)
* احساسك والعيد
صلة الرحم ومتعتها دا الاحساس والشعور الوحيد اللي بحسه وهو البهجة والسعاده والحب والطمأنينه والخير والأمل وكل شعور كويس في الدنيا بحس بيه لما أشوف قرايبي وأسلم عليهم وأزورهم ويزوروني
*نصيحة رمضانيه لرواد الموضوع
عليكم بالقران الكريم في هذا الشهر المبارك
*كلمة اخيرة في حق هذا الشهر العظيم
صومو تصحو

[Abu Ahmed*GEM]

* مواقف جميله مرت بك وانت صائم؟
في موقف جميل قوي كل ما أفتكره أحس ان الدنيا لسة فيها خير,في واحد جالي المحل مرة زبون زي أي زبون كان عنده مشكلة في عدته المهم المشكلة كانت بسيطة فتحتله العده وعملتهاله ومرضتشي أحاسبه لأنه شكله راجل طيب وأنا استريحتله, فيشاء السميع العليم اني في يوم من أيام رمضان كنت واقف تايه قبل الفطار بساعة مستني أي عربية توديني لحد الموقف ومكنتش لاقي خالص عربيات بس الحمد لله فجأه لاقيت الراجل دا قدامي بيسلم عليا وبيسألني انت واقف هنا ليه فقلتله اني مش لاقي عربيه وعايز اروح الموقف عشان أروح افطر مع جدتي فنادالي واحد من اللي شغالين معاه وركبني معاه المكنه(الموتوسيكل)ووصلني لحد الموقف ووانا راكب ورا الأخ دا افتكرت جملة كان والدي بيقولهالي علي طول (العمل الصالح هينفعك في الدنيا وفي الاخره) سبحان الله كأن ربنا سخرهولي مخصوص انه يبقي واقف هنا في نفس المكان دا ويشوفني وفي رمضان كمان مش أي يوم تاني ويبعت حد يوصلني فالحمد لله لسة في ناس كويسة وفيها الخير.

ما شاء الله تبارك الله ردود جميلة من حضرتك

بس بصراحة الموقف دة أثر فيا بجد ودمعت عيني من قوة تأثيره الجميل

ربنا يوفقك وأشكرك جدا على نصايحك الجميلة ياحبيبي

وأنا أدعو الله أن يتقبل منا صيامنا وقيامنا وصالح أعمالنا

انه سميع قريب مجيب الدعوات والحمد لله رب العالمين

تحياتي لحضرتك

[السخاوى]

بارك الله فيك اخى الفاضل

وكل عام وانت بكل خير

[3llam]

بارك الله فيك