عاملين ايه
يارب تكونوا حلوين اخر حاجه
بدعبس كده فى الفيس بوك وبجيبه يمين وشمال وفوق وتحت
وووووووووفجاه لاقيت جروب عجبنى اخر حاجه
الجروب اسمه (كلمه (اخر حاجه) منتهي الأستفزاز)و
دخلت وربنا صبرنى قعدت قرات معظم الجروب الجروب مش بيتكلم عن كلمه اخر حاجه بس
بيتكلم عن مصطلحات الشباب الروش اخر حاجه
اللى بيقلد وبيقول كلام كتير مش عارف معناه او بيقولوه علشان كل الناس تقول عليه شاب روش اخر حاجه
بس انا مش هاتكلم عن الكلام الجديد
انا هاتكلم عن كلمه اخر حاجه
هيا كلمه اخر حاجه لا عيب ولا حرام
وكمان كلمه مش خارجه ولا حاجه
وانا عن نفسى ولا بتضايق منها ولا بفرح منها ولا بعتبر اللى بيقولها روش واستيل ولا اللى مش بيقولها مش روش ومش استيل
لان الروشنه دى مش جائزه نوبل نفتخر بيها ولا لقب زى تانى احسن لاعب فى افريقيا علشان نحاول كل الناس تقول علينا روشين
بس بحس ان كلمه اخر حاجه دى مش ماشيه مع الجمله بس فيها صور بيانيه وكنايه عن وصول الشى لاقصى درجات الاعجاب
المهم وانا بقرا كتير فى التعليقات اللى فى الجروب
لاقيت ناس بتدافع عن الكلمه بحرقه اوى
يعنى دمه محروق ومحدش يقول على كلمه اخر حاجه دى اى حاجه خالص
حسيت اننا بنتكلم عن اخته او حتى بنتكلم فى شرف بنت
ياعم الحج دى كلمه عاتى يعنى
وواحد تانى بيشتم صاحب الجروب علشان بيجيب فى سيره الهانم (اخر حاجه) هيا الحاجه دى بقه ايه الله اعلم
وناس تانيه بتقول بكره اللى بيقول الكلمه دى اوى ليه بس علشان كلمه نكره الناس
وناس تانيه زييى كده ولا مع ده ولا مع ده
يعنى عاوز تقول اخر حاجه قول اخر حاجه
مش عاوز مش تقولها المووضوع بسيط
بس اللى مش بسيط بقه
انى حسيت ان الشباب عنده مبدا حلو اوى انه بيدافع عن الحجات اللى مش مقتنع بيها اساسا
يعنى واحد قعد يتشم ويطلع فوق وينزل تحت ومتضايق من صاحب الجروب اللى مش عاجبه اخر حاجه
وازاى يقول انه مش عاجبه اخر حاجه
والنبى ده اسمه كلام
انا ممكن اقول لشخص الكلمه دى عيب او وحشه مش تقولها
والواحد ده حر يسمع كلامى ولا مش هايسمعه دى حاجه ترجعله
انما الحاجه اللى تغيظ مش اخر حاجه ولا اول حاجه
اللى يغيظ اننا بنددافع عن ولا حاجه
اه والله ولا حاجه
لو سمحت متتكلمش عن كلمه اخر حاجه لانها لا عيب ولا حرام
على راسى ياعم الحج هيا ولاعيب ولا حرام بس برضه الراجل حر بدام مش غلط فى حد هوه حر
انا مثلا فيه كلام مش بحبه
لو قولت لك مش بحبه تشتمنى
ايه الخيابه دى
وهنا السؤال بقه
الانسان لازم يكون عنده مبادىء ويدافع عنها بس ايه هيا المبادئ اللى ممكن ندافع عنها
اتحدى لو الراجل اللى زعلان علشان اخر حاجه ده اتحرك له ساكن لما غلطوا فى الاسلام والرسول (صلى الله عليه وسلم )جاى بس يدافع عن اخر حاجه
والله فيه هم يضحك وهم بيكى
اهوه ده بقه الهم اللى بيضحك اخر حاجه بجد
رايكو ايه فى المووضوع ده
عاوز اسمع اراء كتير اخر حاجه
ومنى ليكم سلام مخصوص اخر حاجه
المفضلات