كلمات اعجبتني

[مصطفي شهاب]

قرأت شعرا فيه كلمات جميله هادفه

واردت ان اكتبها لكم

يقول الشاعر

ولقد عتبت علي الزمـــــــان وأهله ***** فــــوجدته في فعله كالمــــنخل

يعلي النخال علي الدقيق سفاهة ***** ويـــــــــحط لب لبابه من اسفل

وكذلك المـــــــيزان في افـــــــــعاله ***** يدني الرواجح والنواقص تعتلي

[&MR.SemSem&]

انا مش فاهم حاجه بس تسلم ايديك حبيبى ولك احلى تقييييم

[AhMEd TOhAMY]

كلام جميل كلام معقول

[السخاوى]

الحب الحب

بولوبيف بولوبيف


مشكور ياغالى

[مصطفي شهاب]

انا مش فاهم حاجه بس تسلم ايديك حبيبى ولك احلى تقييييم

هههههههههههههه

مش فاهم ايه بس يا عم سمسم

انت من دول شرق اسيا ولا ايه

الراجل بيقول

ولقد عتبت علي الزمـــــــان وأهله

عادي يعني مش عاجبه اللي بيحصل في الزمن ده وبيعتب علي الناس وبيسأل يعني ليه كل اللي بيحصل اليومين دول من مكر وخداع وضعف في النفوس وذل ومهانه وحجات تانيه كتير احنا عارفينها كويس جدا


بيقول

فــــوجدته في فعله كالمــــنخل

بيشبه فعل الزمان اليومين دول بالمنخل والمنخل ده عباره عن شبكه فتحاتها ضيقه جدا عادة ما تكون سلك او غير ذلك وبيكون السلك ده مشدود علي قطعه من الخشب تستخدم في تنقية الدقيق من الشوائب التي فيه وعادة ما تستحدمة الفلاحات في القري او في المخابز الكبيره مش عارف وصلك المعني ولا لأ بس لو لسه ممكن اشرح تاني باسلوب تاني


وبيقول

يعلي النخال علي الدقيق سفاهة

بيصف فعل المنخل انه بيعلي النخال اي الشوائب التي لا نفع فيها ولامصلحه اكثر من الدقيق بيجعله يعلو فوق الدقيق الصالح الذي نفعل كل هذا من اجله اصلا وهذه الرفعه ليست لكون النخال احسن من الدقيق ولكن هذا سفاهة لأنه النخال عما قليل سيرمي او انه عديم الفائده مقارنة بالدقيق


ويـــــــــحط لب لبابه من اسفل

يقولون وكل لبيب بالاشارة يفهم فاللب هو العقل اي وكل ذي عقل وذكاء يفهم فقط بالاشاره فاللب هو اهم شيء في الجسم ومع ذلك فالمنخل يجعل اهم وانقي شيء فيه في الاسفل
والذي لا فائدة منه في الاعلي


وكذلك المـــــــيزان في افـــــــــعاله


وبيشبه الزمان كمان بالميزان من ناحيه انه يعلي شيء ويخفض اخر



يدني الرواجح والنواقص تعتلي

وبيشرح لنا وجه التشبيه اللي هو قصده وهو ان الميزان دائما ما يعلي ويرفع النواقص ويخفض الرواجح . لو افترضنا مثلا اننا عايزين كيلو طماطم مثلا مش احنا بنحط الكيلو الحديد في كفه والطماطم في كفه واحنا لما بناخد بناخد الطماطم مع انها بتكون تحت وهي المفيده والاحسن طبعا من الحديد مع انه بيكون اعلي منها فالعلو هنا مش معناه انه افضل

ارجو اني اكون قدرت اوصلك المعني

[مصطفي شهاب]

كلام جميل كلام معقول

شكرا استاذ احمد وشرفني مرورك وتعليقك

[مصطفي شهاب]

الحب الحب

بولوبيف بولوبيف

مشكور ياغالى

ايه ياعم اللمبي

خد بالك البولو بيف اليومن دول بقا كله لحم خنازيز

فبلاش تجيب سيرته هنا

انت صحيح تستاهل الحبس

شكرا علي مرورك يا سخاوي

[الاسد فريد]

كلام جميل الف شكر

[مصطفي شهاب]

كلام جميل الف شكر

الف شكر علي المرور والتعليق

[مصطفي شهاب]

الف شكر علي مروركم يا شباب