دعوة لعودة كرامة تجار المحمول

[أحمد السيوفي]

بس انتم ناسيين حاجه مهمة جدا
دي سياية دولة . . . . .

بمعني انهم محتاجين فلوس لازم يعملوا كده . . . . . . . . . . . . . . . . .

[hassan_mu]

بس المشكله ديه مش تبع شركات الخطوط
اتوقع ديه مسائل جمركيه

[.:MiNa:.]

كلام سليم يادرش بس ياريت الكل يعمل كده

مش يوم ولا اتنين وشكرا

[exx]

كلام سليم
احنا مش تجار مخضرات
شركات الخطوط هية اللى بتعمل كدة وبعلمها كل دة بيحصل
مثلا موبينيل بتعمل مسابقات والمحل اللى بيحقق اعلى مبيعات 2000 خط او 3000 خط ليه جائزة مالية وباقى اللى فى المسابقة بيخسرو طبعا
والعقود بتتسلم بأى صور وتتسجل بأسم حد تانى وتيجى المباحث تسألنا احنا
طيب يشوفو اللى بيبيعو الخطوط بالكراتين من غير عقود
انا موافق على الاقتراح

[Tarek On]

طيب والنبي ياريت ياجماعة اي حد علق اليافطة يصورها ويرفعها هنا

على فكرة ياجماعة لو تقدروا تمتنعوا عن بيع كروت الشحن ايضا لمدة اسبوع

هيجليكو الكلاب لغاية عندكو

[tarekhas]

هو كلام جميل ومعقول بس انت كدة اخت نصف الموضوع وتركت اصل الموضوع

احنا لية بنقفل المحلات لما المصنفات تنزل ان كنت عايز تحل فكلنا ممكن نحل مع بعض انما انت عايز تعاقب وليس تحل

انا سوف انضم لو ممكن نحاول نشوف حل للوضع المهين دة وانما انا شايف انت عايز تعاقب شخص ليس محترم وعندك حق انما رغم كلامك المحترم انا قابلت ناس كتير فى الشركات الكبرى محترمين جدا


اعتذر على الاطالة وانا اضم صوتى لصوتكم فى الحل وليس العقاب

[MR.WONKA]

على فكرة انا مبسوووووووط جدا ان فى ناس فى مجال الموبايل ابتدت تفكر التفكير دة ولكن لو انت مبعتش خطوط غير هيستغل الفرصة وبيبع ممكن للان فى ناس كتير فى الشغلة دى معندهاش كرامة والناس دى بوظت اسواق يامة منها سوق الصيانة نفسو اللى اخد سمعة سيئة عند الناس ان كل اللى بيعمل فى المجال دة حرامى بسبب ناس للالسف مش قلة ياترى هل فعلا الحل دة ممكن يجيب نتيجة وبالذات معا كبار التجار اللى هما اكتر ناس مستفدين انا من رايى ان الحكومة اخدت اول خطوة للتنضيف ودى هيبقى ليها اثر ايجابى ان الكل هيخاف ان يبيع خطوط من غير عقد وبالتالى هيتم ضغط على الشركة من اكثر من مصدر وتاجر وكل اللى مطلوب منك انك متبعش خط من غير عقد ودة هياثر كتير على الشركة ومبياعتها اللى هى قانونا مقلتش ليك بيع من غير عقد
واتمنى من اللة انو يوفقنا جميعا فى الايام الصعبة دى زمان الناس كانت بتشترى الخط ب1000 جنيهة ولحد موصل 200 جنيهة كان بيبتاع زى الفل معتقدش انو لو اتباع ب25 جنيهة هزعل الناس فى حاجة او هيبقى تارجت صعب للناس احنا اللى عودناهم ان الخط ب10 جنيهة وب5 احنا اللى زرعنا ودلوقتى احنا للى بنحصد اللى زرعنا
اسف للاطالة ولكن الموضوع عجبنى فعلا واتمنى ان يكون فى مواضيع من دى فى كتير فى المستقبل القريب

[moatafa]

اخوانى بعيدا عن الحماس الزائد نبدأ خطوة خطوة اولا يجب ان يعلموا مدى احتيجهم لنا ثم نقوم بعرض طلبتنا التى تعيد لنا كرمتنا وذلك فى اطار معرفة ما لنل وما علينا .
وخصوصا الغاء مبدأ الx بين التجار

[HELAL ALI]

لا تعليق

[mohamed183]

للاسف ان الناس كلها مش هتعمل دا لان فى ناس بتعتمد اعتماد اول على بيع الكارت والخط فى اليوم بالكامل واذا امتنعو ضاع اكل العيش فى اليوم دا وللاسف ناس كتير جداا بتشتكى من السوق هذه الايام يبقى هيستغنو عن اكل عيش اليوم اذا كانت الناس كمان بيقفلو المحلات بالعافيه ساعة وجود المصنفات او مباحث الاتصالات يبقى الناس هتقفل اكل عيشها اسبوع يبقى بنضحك على نفسنا اتمنى حلول وليست العمليه عافيه او فتحت صدر لا
لازم نفكر بتعقل لان مافيش حد هيقفل ولا هيمنع بيع كارت من عنده او خط لان الى هيعمل كده حواليه 100 يبعولو وهيقول طيب انا الى خسران دلوقتى ما انا ابيع دلوقتى يبقى نلجأللحلول
وليس الى فتح الصدر؟
اسف على الاطاله