انا شخص عادى جدا نفسى اشتغل بالحلال واكسب اشتغلت فى السنترالات من زمان والحمد لله مهندس صيانة كويس بفضل الله المهم كل اما اعمل حاجة فى السنترال ادفع ليها غرامة مثلا اجيب لوحة اكتب عليها هنا سنترال الاقى الحكومة جاية وتقولى مرافق ياخدوها اروح اجيبها يقولى غرامة اكتر من تمنها اجيب واحدة تانية ياخدوها وهكذا يومين 3 داخلو عليا ضرائب ادفع غرامة يومين احنا بتوع النضافة 70 جنية ياما محضر وقضية وعقوبة يومين كمان والاقى بتوع الخطوط شالوا كل الخطوط وغرامة يومين كمان الاقى بتوع المصنفات فين رخصة الكومبيوتر غرامة ومحضر وقضية يومين والاقى بتوع الكهرباء عشان مش بنزلة اغانى على الموبيل مش برشية يعنى يجبلى فاتورة كبيرة ايومين روح ادفع فاتورة الارضى الاقى الارضى عامل 300 جنية والفاتورة 600 جنية ومحدش بيقعد غيرى وانا بحاسب الزبون بالثانية يومين كمان جبت موبيلات صينى اخدوهم وبقى حرز ولا اكنى بتاجر فى المخدرات

انا ممكن عادى اتاجر فى المخدرات او اسرق او اعمل اى حاجة ماهى كدا كدا نفس الموضوع

هما الحكومة عايزنا نسرق ونقتل وننصب وانا اساسا محامى يعنى مخلص حقوق بقالى سنة ومش عايز اشتغل فيها لانهم بيقولو حرام انا بقول اهى شهادة وهنعلقها على الحيط بس ساعة الزنقة اهى موجودة وعندى 4 اخوات بنات ووالدى متوفى يعنى انا راجل البيت

محتاج كل قرش عشان اجوزهم مع العلم ان انا كمان نفسى اتجوز بس بقولى اضحى عشان استرهم

ممكن كل واحد يقولى رئية اية فى الكلام دا اسرق ولا اقتل وابقى مجرم

ولا اكولها بالحلال بس مش هلاقى اساسا حاجة اكولها وانتم اكيد عارفين الكلام دا الكارت فية 10 قروش يعنى فى 20 كارت 4 جنية وان الله يحب المحسنين فى 24 ساعة وغير اللى بدفعة للحكومة يعنى هما ليهم الكتير وانا القليل وياريتة القليل حسبى الله ونعم الوكيل فى حاميها حراميها

برجاء النظر فى الامر

يأس عاطل