مجنون زعلا خــــــــــــذنــــــــــي غـــــــــــلآ .... تك ....

[الأنيق]

خذني غلا ,,, يا اصدق غلا بالوقـت الاول والاخيـر

أبغاك تـدرس حالتـي أول , وانـا ادرس حالتـك ..

حنا نفس واحد ,, روح ,, وقلب ,, وعيون ,, وضمير

عدالتـي ظلمـك , وظلمـي منتـهـى عدالـتـك !

يابـدري الطلـه ,, وياطلـتـك يالـبـدر المنـيـر

ترى خسوف القمر ( بشـارة ) وصـول اطلالتـك ..

واطلالتك عندي انـا ,, تعنـي لـي الشـي الكثيـر

لاصارت عيوني على خـدك سحـاب ,,, وسالتـك !.

أوقف ,, واسميك ( الملك ) وشوي اسميك ( الأميـر )

أخـاف مـن سطـوة سمـوك واحتـرم جلالتـك ..

حبـك كبيـر ,, وبالمقابـل قـدرك بقلبـي كبـيـر

احسـاسـي بمحبـتـك ,, واحسـاسـي بزمالـتـك

لا يضيق لك خاطر " فديتك " لو يصير اللـي يصيـر

ان كان ماشالتك الارض ((( رموش عيني شالتـك )))

ياأترف مشاعر بالبشر ,, يا أرق من لمس الحريـر !

ساعة زمـن ممشـاك مـن غرفتـك حتـى صالتـك

دلعك يثقل خطوتك ,, وأحيـان ,,, يمنعـك المسيـر

أحيـان اشـك ان الـدلـع سلالـتـه سلالـتـك !!!

يومك تعض شفيفتـك ,,, واصبعـك لعيونـي يشيـر

وتقول : هذي مالتي ؟؟؟ واقـول : طبعـا مالتـك ...

تقولها ,, واعيش نشوتها ,, واحـس المـوت اخيـر

لاشفت موتي بين عقرب ( صـدرك وسلسالتـك ) ...

تدري لاشفت بيالتـك باطـراف ثغـرك تستديـر ...

أضرب على صدري ,,, واقول الحظ حظ "" بيالتـك ""

مادام ابوك الناي ,, وامك ضحكـة الطفـل الغريـر !

وتصيـر عمتـك الشطانـه ,,, والشقـاوه خالـتـك

لازم عليك اغير من نفسك ,, وحتـى منـك اغيـر !

عشـان لـو تطاولـك كـل البـشـر ماطالـتـك ..

ماطالتك يا(( " الاسمر " ,, الجذاب ,, يالملح المثير ))

ياللـي جمالـك جامـع سكـر مـلـح أصالـتـك ..

فتنتنـي بعيونـك الخـدرات ,, والـزول القصـيـر

وحببتنـي فـي طيشـك ,, وحببتنـي جهالـتـك ..

ماعاد لي سلطه على حالي !,, وانـا بيديـك اسيـر

ولا عـاد لـي حيـل يساعدنـي علـى حيالتـك ...

ياعلني فدوتك من " راسك " الى " اصبعـك الصغيـر "

ياكبـر بختـي يـوم ناولتـك يــدي ونالـتـك...

ياصدق غلا ,, واعذب غلا ,, بالوقت الاول والاخيـر

هذي خلاصة حالتي ,, عطني خلاصـة حالتـك ؟...

[NOUR*GSM SYRIA]

تسلم حبيبي على الكلمات