كان فيه شخص محكوم عليه بالآعدام وكان باقى يوم واحد بس والحكم هيتنفذ . فالملك راح ليه الزنزانه وفتحها ودخل ليه وقاله انا هسيب ليك فرصه للهرب وكمان انا هبعد الحراس اللى واقفين على الزنزانه بس لو معرفتش تهرب هيتنفذ الحكم بالاعدام فوافق الشخص المحكوم عليه بالاعدام
المهم ان الملك خرج وكان فعلا صادق فى كلامه .
وابتدى المسجون يفكر فى طرق علشان يهرب المكان اللى كان محجوز فيه كان فى زنزانه فوق حاجه عامله زى البرج
المهم انه راح يدور فيها على اى فتحه او اى حاجه يهرب منها وبالفعل لقى فتحه موصله لطريق تانى فراح قعد يزحف علشان يروح للمكان التانى ويقدر يهرب المهم انه فى الاخر لقى ان الفتحه مسدوده فرجع تانى للزنزانه بتاعته
وقعد يقول لنفسه مش معقول الملك يكون عاوزنى اهرب ده بيضحك عليه
وكان خلاص فاضل ساعات والحكم هيتنفذ .
وهوه قاعد على الارض بص لقى في الارض فتحه فى جنب الزنزانه فراح دخل جواها وهوه ده كان اخر امل ليه وكان مرعوب موت انها تكون مسدوده زى التانيه وبعد ما عبر فيها مسافه طويله برده لقاها مسدوده . فحس باليأس الشديد ورجع تانى للزنزانه بتاعته وقال خلاص مفيش فايده انا هستنى الحكم وخلاص
وجه فعلا معاد الحكم وجاله الملك ووقف قدام باب الزنزانه بتاعت المحكوم عليه .
ضحك الملك وقاله انته مهرببتش ليه .
فرد عليه المسجون وقاله وأهرب ازاى ومفيش حاجه ف الزنزانه اهرب منها
فالملك رد عليه وقاله طب ازاى ده انا سايب ليك باب الزنزانه مفتوح .
*********
قد يجد الجبان الاف الطرق لحل المشاكل ولكنه لا يفضل سوى الهروب او الاستسلام
المفضلات