اصعب موقف مر بك

**HELAL ALI** · 19-06-2009, 03:18 PM

وها نحن فى انتظار البوب الكبير اخونا محمد جودى ليحكى لنا

**MohamdJwdee** · 19-06-2009, 03:35 PM

السلام عليكم أزيكم ياجماعة .

يعني من شوية دخلنا النت لقيت نفسي متدبس من حبيب الملايين مينا ليه كده بس

, بسيطة ان شاء الله .

طبعا شكر لصاحب الموضوع اللي قلّب علينا المواجع

وفكرني بحاجات قديمة .

المهم أصعب موفق بعتبروا مر عليا لحد الأن كان من فترة حوالي 7 أو 6 سنين .

كان وقتها أخويا الكبير مسافر ووالدي مريض وأشتد بيه المرض واضطرينا ننقلوا المستشفى لأجراء عملية ليه وكانت الظروف المادية مش زيادة يعني عشان كده كنت مضطر أشتغل بالمحل لوحدي طبعا المهنة كانت غير الموبايلات , وبقيت ضايع بقى بين الشغل ونجاح عملية أبويا وأخويا اللي مش هنا ومفيش شباب غيري بالبيت وحاجات كتيرة جدا وكلو كوم والمواصلات كوم تاني لان العربية كانت قدام البيت ومش قادر أحركها لان ممعيش شهادة سواقة لان سني ميسمحش بكده فخفت احركها واتحجز وازيد الأمور تعقيد .

كان أسبوع صعب جدا جدا لحد مالوالد رجعت صحتوا تمام واخويا رجع من السفر ورجعت من جديد مش شايل هم حد .

الحمد لله كان امتحان صعب جدا واتعلمت من الموقف ده امور كتيرة وقدّرت تعب ابويا علينا وهو شايل همنا وهم كل حاجة , والحمد لله على كل حال .

المهم ياجماعة اللي حيتكلم بعدي حبيبي وائل النجار أصل شايفوا متحمس وبيشكر الكل ههههههههههههههههههههههههه

يلا حبيبي وائل مستنينك أوعى تمشي

**akbam1974** · 19-06-2009, 03:53 PM

وعملت ايه فى العربيه؟

**MohamdJwdee** · 19-06-2009, 08:01 PM

مقدرتش أحركها وقتها , بس دلوقتي معايا شهادة سواقة

**HELAL ALI** · 19-06-2009, 08:16 PM

اسبوع بس والله دا انت فى عز انا مش بحسد انا بقر بس
مشكور اخى محمد وتقبل مرورى

**التجانى** · 20-06-2009, 09:05 AM

مشكور حبيبنا مينا وفكرتنا بايام الجيش ياراجل ومواقف كثيره جدا صعبه
والف شكر لحبيبنا محمد جودى ومن مثل هذه الايام نتعلم كيف نتحمل المسؤليه
وفى انتظار حبيبنا وائل النجار