وركبت الاتوبيس فى عز الضهر بعيد عنكم ورحت اللقاء الثاتى لحبيب قلبى اوباما
على الباب انتا جيت امبارح
اه بس الريس وعدنى اكمل اللقاء بعد المؤتمر
اوك طبعا عارف القوانين المتبعه
طبعا اقلع الجزمه والشراب
وبعد القلع دخلت صاله كبار الزوار الله هواها بحرى
اهلا يا ابو انجى
اهلا يا ريس ربنا يخليك لينا
لالالا كلمنى عادى احنا خلاص بقينا صحاب يا راجل قلى برعى دا اسمى الاساسى اللى صحابى بينادونى بيه
ميصحش سيادتك يا ريس
لا برعى قلى برعى انتا خلاص بقيت صديق لينا
خلاص يا برعى نبتدى اللقاء
انتا اتكلمت كلام حلو جدا وعجبنى بالنسبه للمسلمين والعرب عموما
حبيبى ادينا بتكلم احنا خسرانين حاجه
لا كمان سيادتك زرت جامع اسلامى
يعنى اجى مصر ومتفرجش على السياحه كان نفسى اروح الاقصر بس الجو عندكم حر
وهيلارى والله وهى لابسه الحجاب كان هياكل منها حته
ايه رايك مش احسن مكنت جبت كوندليزا وطلبت مشلتت بالقشطه والنبى
وكمان سيادتك اتكلمت فى حق الفلسطينيين كويس المره دى
حبيبى انا بتكلم بس والباقى على اسرائيل وانتا عارف ديل الكلب
والله خبره يا باشا فعلا بتريح كل الاطراف بالكلام الحلو ده
هههههههههههه يا خلبوص يا ابو انجى فقستنى
طيب والايرانيين هتعمل ايه معاهم
حبيبى انتا عارف اننا ماشيين على نظام مش ممكن نحود منو بس لازم اظهر للعالم كلو اننا اتغيرنا
وادينا بنتفاوض عشان محدش يقلنا بنكيل بمكيالين
والله فكرتنى سيادتك طيب واسلحه اسرائيل ليه متطالبوش اسرائيل زى ما بتعملو مع ايران
ايه يا ابو انجى وقف هو انتا هتعمل اسرائيل زى ايران برضو عيب عليك يا راجل هتزعلنى ليه
لالا مقصديش والله يا برعى
وقف وكمان متقلييش برعى بره يا كلب هتتكلم عن الاسياد
ارمو الواد ده بره
اى اى اى انا غبى انا وحش ليه بس جبت السيره دى كنا ماشيين حلوين
انتهى اللقاء ولان لم احصل على جزمتى والشراب
ارجوكم ردوى الجزمه والشراب واعتزل الصحافه خالص ومش هعمل لقاءات تانى ابدا