[IMG]http://www.**********/forum/style_emoticons/default/naughty.gif[/IMG] واحد غلبان حظه حلو بيحب واحدة قمر بس فيها عيب
[IMG]http://www.**********/forum/style_emoticons/default/tomato.gif[/IMG] ايه هو ياتري
[IMG]http://www.**********/forum/style_emoticons/default/Jumpy.gif[/IMG] تعالي نشووووووووف
النهارده هما رايحين الكافتيريا ياكلووا [IMG]http://www.**********/forum/style_emoticons/default/naughty.gif[/IMG]
تعالو نشووووف بقي الي حصل [IMG]http://www.**********/forum/style_emoticons/default/Jumpy.gif[/IMG]
احمد: اقعدى ياحبيبتى
سلمي: اقعد فين دا المكان مزحوم ومافيش غير كراسى
احمد: اقعدى على الكرسى
سلمي: ايوا بس الكراسى دى بلاستيك وانا متعودة على الخشب
الجرسون معدى راحت شاداه من قميصه
سلمي: مافيش كرسى خشب يااسطه
الجرسون: لا ياهانم الكراسى بلاستيك
سلمي: على فكرة انتا يااحمد جايبنا فى مكان مش كويس دول ماعنداهم خشب كانوا يقولولى والخشب عندينا فى البيت كتير
احمد: طيب اقعدى والنبى الناس بتبص علينا
سلمي: عشان خاطرك هستحمل
رفعت الجيبة وشمرتها لفوق
احمد: يالهوي انتى هتعملى ايه
سلمي: انتا مش قلتلى اقعد
احمد: انا قلتلك اقعدى مش انزلى بحيرة وعومى
سلمي: اعمل ايه مااعرفش اقعد وانا مزنوقه فى الجيبة احب اخد راحتى
شمرت الجيبة وقعدت ومالت على الكرسى الكرسى وقع واتكسر
احمد: ايه اللى عملتيه ده
سلمي: مش بقولك ياحبيبى كراسى ورق
احمد: معلش قومى على الكرسى اللى جنبه وماتميليش عليه اوى
بعد ماقعدت راحت خاطفه ايده وهى بتزعق
سلمي: احمد ياحبيبى مابيجيبوش هنا مسلسل شرارة انا بحبه اوىوتشده من ايده وقع على الارض
بصت بهبل
سلمي: احمد انتا وقعت ليه ياحبيبى ايه اللى حصل
نفض هدومه وقعد تانى
مسكت ايده تانى وهو يشد ايده من ايدها وهى ماسكة فيها
سلمي: ايه يااحمد انتا مش بتحبنى ولا ايه
وهو بيشد ايده
احمد: والله بحبك بس سيب ايدى
سلمي: يااحمد البنت اللى هناك ماسكه ايد الواد وانا عايزه اعمل زيها
وقع تانى قام وهو بينفض الهدوم وقعد تانى
جات تمسك ايده
احمد: ارجوكى ابوس على ايدك بلاش
الجرسون جاه انتوا تطلبوا ايه
بصيتله وهى بتقول بصوت عالى
سلمي: ماعندكمش محشى عنب
الجرسون بص بااستغراب
احمد حاطط ايده على بقها وبيقول للجرسون
احمد: ماتاخدش عليها هات محشى ورق
اسف عايزين فراخ
الجرسون مشى
قامت للطرابيزه اللى جنبهم مسكت دورق الميه وقعدت تشرب والميه دعكت هدومها
احمد: بيمسكها ليه بس عملتى كدا
اسفين حضرتك
سلمي: ايه كنت عطشانه ياحبيبى
الفراخ جات ومعاها الشوكة والسكينة
مسكت الرز باايدها وقعدت تاكل والفراخ باايدها وبتاكل
الزباين ابتدت تقوم
احمد: ايه اللى بتعمليه ده
اصلى اتعودت على كدا فى البلد
كل ياحبيبي كل مش بتاكل ليه
مسكت شوية رز باايدها وحطيتهم فى بقه وهو بيقاوم
سلمي: كل دا انتا خاسس اوى
بعد مااكلت
احمد: يلا بينا
سلمي: ليه ياحبيبى مابدرى
شافت الجرسون مسكته من الجاكته باايدها اللى ملغوسة اكل
الجرسون: ايه ده
سلمي: لا انا بسالك مافيش عندك كبده
الجرسون شد شعره
احمد: يلا بينا كفاية
سلمي: كفاية ايه والا كل دا بفلوس نرجع ناخده
احمد: لا يلا بينا ارجوكى ابوس على راسك
حاى يبوس راسها راحت خابطاه روسية وهى بتقول كمان عايز تضربنى
قام وهو ماسك راسه والجرسون بيقطع فى هدومه
ونبى شوفلى اسعاف وقلهم يجوا يخدونى
قامت سلمي شالته ومشيت بيه وهو بيحاول ينزل
سلمي: ماتخافش ياحبيبى انا هداويك واطببك
وهى نازله شايلاه والجرسون بيشد فى شعره وهو بيقول
بلد بتاعت مجانين صحيح
طلعت فى الشارع وهى شايلاه والناس فى الشارع فاطسانين من الضحك
وقفت فى اخر الشارع وهي بتقول انا مش عارفه بس طريق صلاح سالم يمين ولاشمال
واحد معدى قالها ياهانم دا طريق صلاح سالم الناحية دى
سلمي: وكمان بتقولى غلط هو من الناحية دى ومشيت فى طريق الزمالك
والنهاية كالاتى
احمد نزل يجرى وهى بتجرى وراه فى الشارع والناس والجرسون بيجرى ورا الاتنين عشان الحساب
احمد روح البيت وكل عظمة فى جسمه واجعاه من كتر ماجرى منها ومع ذلك قعد يضحك
وهو مش عارف ايه اللى بيخليه بيحبها اوى كدا بس اكيد هو بيحبها والا مايستحملش منها دا كله
التليفون رن رد
وطلعت سلمي
سلمي: كدا يااحمد تسيبنى وتجرى هو دا الحب
ااحمد: ايه ده انتى بتعيطى ياحبيبتي
سلمي: لا بضرب علبة كشرى وجعانة اوى ماتعرفش تبعتلى سندوتش فى التليفون
احمد: بيضحك لا للاثف لسه ماركبوش الخدمه ديه
المهم انتى عايزه ايه عشان انا تعبان وعايز ارتاح
سلمي: ازاى دا ابويا اللى هو عمك عايزك ضرورى
احمد: ماينفعش يتاجل الموضوع ده
سلمي: لا يااحمد تعالى دلوقتى ضرورى
خد بعضه ونزل تانى وراح على بيتهم اللى فى اخر الهرم
ولما طلع الشقه فتحله اخوها كتكوت وهو مستغرب ازاى سموه كتكوت وهو ضخم زى الفيل
استنونا بقي في الحلقه الجايه ونشوف كتكوت هيعمل فيه ايه [IMG]http://www.**********/forum/style_emoticons/default/naughty.gif[/IMG]
المفضلات