رحلة
شوية هرتلة داخلية محدش هيفهم منها حاجة
ولكن لنحاول
- انا زهقت
- انا كمان
- ماتيجي نكُت.. نحوشلنا خمسين ستين جنيه ونكت بره البلد
- قشطه نروح فين
- المجر.. بلغاريا
- ممكن النمسا.. أصلى كائن بحرى
- ممكن جدا
- فيينا
- ها و حنعمل ايه هناك؟
- انا اول ماهروح هانط ف البحر على طول .. اخلص وبعدين نشوف بقي ممكن نعمل ايه
- تانى خطوة
- تاني خطوة
- نشوف مسرح نحضر فيه حفلة كلاسيك لايف
- اشطه و نسررررررررح معاها
- وبعدين نقعد نشرب قهوة في اي مكان... اكيد القهوة عندهم مختلفة ...
- ونشترى مركب
- عايزة مركب؟
- جدا..جدا
- كده الفلوس مش هتكفى .. بس مش مشكلة.. ملعونة الفلوس
- نشتري مركب صغير
- و كمان عايزة اشترى فستان اسود سوراية جامد طحن
- ماشى
- نعدي علي محل.. بس بقولك ايه.. علي شرط
- شرط ايه؟
- يكون غالي..اه.. فستانك ممكن نخلص عليه فلوسنا.. معنديش مشكلة
- و حلبس عليه سلسله رفيعه جدا... فيها مفتاح الحياه
- ماشي.. عايزة ايه تاني؟
- اتعلم رقص التانجو
- ممم... طب مااقولك حاجة احلي
- ها؟
- احنا نقف في وسط ميدان ونرقص مع بعض رقص غير منتظم بالمرة
- ونهلل
- ونعلي صوتنا
- ونصرخ
- ونضحك
- ايه رأيك؟.... مش احلي من التانجو؟
- احلى كتير.. و نعيط؟؟
- لا بلاش عياط.. العياط ساعتها هايفكرنا... انا هابقي مش عايز افتكر
- ماشى.. معلش اصلى نكديه شويه
- نضحك علي قد مانقدر... نضحك لحد ما ندمع من الضحك... ونقع علي الارض
- ممكن جد
- و الدنيا تمطر
- وفستانك الجديد يتوسخ!!
- و ايه يعنى .. مش مهم .. طز
- مش مهم .. نشتري واحد غيره
- و اقلع الجذمه
- اقلعي الجزمة وطوحيها
- هحطوحها لأبعد حته فى الدنيا
- وانا كمان.. هاشمر البنطلون
- واجري
- وانط.. انط في الهوا
- و انا حضحك باعلى صوت
- اه
- صوت..عالى ..عالى.. عالى موووووت
- و اغنى منير" انا بعشق البحر.. زيك يا حبيبتى حنون ..و سعات زيك مجنون"
- اقولك
- قول
- احنا نجري في كل الشوارع... نلف البلد كلها جري... ونلمس الحيطان
- اه نلمس الحيطان بأدينا وبجسمنا
- ونسلم علي الناس كلها.. ونضحك في وشهم.. ونقولهم اننا مجانين
- ايوة
- نوقف الناس ونقلهم "ان احنا مجانين علي فكرة"
- انا موافقه جدا... ونروح البحر.. وننزل بهدومنا
- نغرق بعض.. ونطلع.. نترمي ع الرملة.. بهدومنا برضه
- علي فكرة
- ها؟
- ممكن اغمي عنيا وانتي تقلعي فستانك وتنزلي المية... انا هاستناكي.. عشان اعمل كده بعديكي
- الصراحه.. انا طول عمرى نفسى اعمل كدة
اه .. ابقى كده منى ليه.. خااااااالص.. و لا اى شىء.. و اسيب نفسى للميه.. اكون بس مفعول به
- ايه المشكلة يعني.. ماحدش يعرفنا هناك
- وياريت لو فيه جزيرة بعيدة شوية.. نعوم لحد عندها
- لالالا... لازم يكون فيه ناس
- ليه؟ ايه فايدة الناس؟ طز في الناس يا بنتي
- لا عشان نغيظهم بس مش اكتر ونقلهم اد ايه احنا سعدا..
- فل.. ونطلعلهم لسانتنا
- نطلعه على قد ما نقدر
- ونشاور عليهم ونضحك
- عالى بصوت عالى
- اعلي كمان
- عالى اوووووووووووووووووووووى
- نحاول نوصله للسما.. علي اد ما نقدر
- لا ابعد
- ابعد؟
- اه ابعد من السما
- فل اوي.. ابعد من السما
- وطز ف كل حاجة
- طزززززززززززززز
- تعالي نجري.. هاتي ايدك.. ونجري... لحد مايتقطع نفسنا
- و نقع ع الارض
- نقع.. ونتمرغ.. ونبهدل بعض بالتراب... دي ياريت لو طينة.. وورق شجر.. وهوا
ورق شجر اصفر ودبلان وناشف -يطري بالطينة
- نقع على الطين و يلزق فينا
- كلك طينة وانا كمان كلى طينة.. عارفة
- ايه ؟؟
- حاسس ان احنا لسه في اول التكويين
- مفيش حد غيرنا... انا وانت و ربنا
- وبس
- كائن واحد
- كائن واحد!!ا
- ماسكين ايد بعض.. وبنط.. بنوصل للشجر او للسحاب ونشوف ناس تانية نسلم عليهم ونضحك في وشهم ونقلهم طزززززززززززز عارف احلى حاجه ايه
- ايه؟
- اننا مش عايزين حاجه من بعض.. مش عايزين حاجه من بعض غير الاستكانه
- يا بنتى احنا الاتنين ولا حاجة.. ولا حاجة خالص.. نقطين مية في بحر
- احنا الاتنين طز
- هههههههه طزززززززززززز جدا...
هااااااا حد فهم حاجة
ولا ايه الظروف
المفضلات