لوانسان غالي عليك وعرفت انة غالي فجاءة تقولة ازاي

**GSM_BB5** · 11-05-2009, 10:05 PM

لوانسان غالي عليك وعرفت انة غالي فجاءة تقولة ازاي....................

ولو حسيت انة كل حياتك تعمل اية.......

ولو قولتلة تتوقع يقولك اية........

شارك برايك هنا

**أحمد السيوفي** · 11-05-2009, 10:14 PM

انت وقعت ولا ايه ! ! ! ! ! ! !

علي فكرة هتختلف من انسان لاخر !
ياتري الانسان ده معاك في شغلك ولا بتشوفه صدفة ولا صحبك ولا قريبك .
ونوع العلاقة اللي بينكم دلوقتي ايه ؟
هتفرق كتير .
عن نفسي لو فيه حد انا معجب بيه وبشخصيته هقوله بكل صراحة انا حاسس بايه من نحيته . . . . . . .

**السخاوى** · 11-05-2009, 10:19 PM

كلامك مظبوط جدا يا سيوفى

وانا عن نفسى بجد بجح جدا فى الحاجات دى وبقول ولا بيهمنى اى حاجه

وتيجى زى ما تيجى بقى

**GSM_BB5** · 11-05-2009, 10:21 PM

هو موضوع مفتوح اولا

2:للي انا اقصدة لو بتعزة اوووووي وكل ما تحاول تقولة تلاقي الكلام وقف وخلص

ولما يبقي بعيد بيبقي قلبك مش سعيد خايف اووووووووووي محتاج يطمن علية

بس مش قادر ممكن تخاف تقولة يكون مجروح او مرتبط بس بتقرا في عنية كل اللي انت عايزة

**Tarek On** · 11-05-2009, 10:35 PM

والله ياحبيبي انا مش هفضل اتعذب كل ما افتكره
يعني احلها من الاخر وان كان مرتبط او غيره
المهم ارحلو واكلمو واقله انت من اغلى الناس على قلبي وهو طبعا لو مرتبط هيقولك انا مرتبط
وربنا يخترلك الخير

المهم بشكل عام الغلاوة مش بتنقاس بالارتباط
يعني الانسان الغالي بيفضل غالي لو انت بعيد عنه
خود مثلا : من اغلى الناس عندي حبيب قلبي ياسر : المصري : وهو بعيد عني
فاهمني حبيبي

ربنا يختارلك الخير يارب