السلام عليكم ورحمة الله وبركاته- النهارده ان شاء الله جايب ليكم ماده جديده للصق تاتش الموبايل الاول نتكلم عن الماده التى يستوردها التجار المصريون من الصين للصق التاتشات ايه رأيكم فى الماده دى بتلصق التاتشات صح اكيد طيب لو انته حضرتك سهوا منك لصقت تاتش ونسيت انك مثلا ما ركبتش الكاميرا او الجرس او اى حاجه فى الجهاز وجيت بعد كده حضرتك تفك التاتش تانى مش بتلاحظ حضرتك ان الماده اللى انته لصقتها حجرت بعد ما نشفت وممكن وانته حضرتك بتفك التاتش تانى ينكسر معاك او ينشرخ وده وارد لانها حصلت كتير مع الناس وبعدين فيه نقطه كمان اللى هيه ايه ان حضرتك لما بتيجى تلصق بالماده بتلاقىها بتسيل معاك اول ما بتبيت التاتش وحتى المنظر بيبقى شكله مش حلو خالص انتوا عارفين يا جماعه المصنع بيلصق التاتش بأيه تعالى حضرتك وانته بتفك اى تاتش من جهاز واول مره تفكه عشان تغيره هل بتلاقى الماده اللى المصنع لاصق بيها التاتش هيه نفس الماده اللى حضرتك بتلصق بيها دلوأتى اكيد لاء وانا عاوز حضرتك تاخد بالك من الكلام ده الناس بتفك وتغير وخلاص وبتقفل الجهاز لو حضرتك فكيت التاتش اللى المصنع لاصقه هتلاقى حضرتك ماده صفراء تحت التاتش ولو جيت حضرتك شديتها هتلاقيها بتمط معاك معنى كده ايه ان الماده اللى بيستخدمها المصنع ماده مرنه مش ماده بتحجر بعد ما بتلصقها انا بكلم الناس كلام علمى عشان كده اول التاتش لما بتغيره لاول مره بالتسخين بتلاقى التاتش بيطلع مرن معاك وكل لما تيجى تكلم حد عن مادة المصنع يقولك دا المصنع يا عم الحج ايه المصنع يعنى هوه المصنع ده مش شغال على اسس علميه ولا شغال على جهل وغير كده لو الماده اللى احنا بنشتريها دى من السوق لو هيه على اسس علمى كان المصنع لصق بيها انما احنا للاسف ما بنفكرش ولا بندور بعلم المهم ان شاء الله النهارده انا جايب ليكم ماده لكى يستفيد الكل وده لوجه الله والله الماده اللى انا بكلمكم عنها اللى هيه فى الصوره هيه ماده الكوله الحمراء اولا ما بتسيلش وتقدر بعد ما تلحم التاتش وتنشف الماده ترفعه كذا مره وتنزله تانى وثانيا ما بتحجرش وثالثا تاتشك بينزل مرتاح ما فيش بروز ولا علو فى التاتش الماده دى يا اخوه تمنها 5 جنيه مصرى فقط لا غير قبل ما تركب التاتش نضف الاول تحته جيدا وابدأ بعود كبريت او اى حاجه رفيعه وافرش مادة الكوله وانتظر 10 دقايق وانزل حضرتك بالتاتش بتاعك واترك الجهاز ساعه تقريبا وشوف النتيجه ايه ولو لاقيت كلامى صح اسألكم الدعاءوانا عامل الموضوع ده لكى يستفيد منه الناس داخل مصر وخارج مصر لوجه الله الكريم --- والسلام عليكم ورحمة الله وبركاته
المفضلات