السلام عليكم ورحمة الله وبركاته

- أول كلمة بحبك قولتها وتفاصيل الموقف
اول كلمة بحبك قولتها كان ليها حكايه كده وهى ان ليا اخين اكبر منى "طارق ومحمد" وهما بكل صراحه كانوا اشقيا جدا جدا

المهم همه كانوا مصاحبين بنتين اخوات وكانوا بيزوغوا من المدرسه ويروحوا يقبلوهم وفي يوم لما عرفت انهم زوغوا من المدرسه خافوا احسن بعدين اقول للحاج والدى فطبعا اخدونى معاهم وجابولى اخت البنتين صحابهم اقعد معاها على شان طبعا اكون مشترك معاهم فى الغلط واخاف اقول للحج

وطبعا اخوكم فضل يسمع اخواته بيقولوا ايه وقال زيهم

بحبك._مقدرش استغنى عنك._وحشتينى._ بولبيف بولبيف

على الرغم ان دى كانت اول مره اشوفها

المهم ساعتها انا كنت فى اولى اعدادى

2- أول كلمة بحبك سمعتها وتفاصيل الموقف
اول كلمة بحبك سمعتها كانت من اول حب فى حياتى
بنت اسمها "ريم"
كنا فى المدرسه مع بعض فى اولى سنوى وحسيت انها عاجبانى جدا ومش قادر ابطل تفكير دايما فى بالى المهم اتصلت بيها على التليفون الارضى طبعا لان كنا لسه يادوب بنشوف الموبايل بس فى التلفزيون.. المهم باباها رد عليا وشتمنى

تانى يوم لقيتها بتكلمى وقالتلى انها عاوزه تشوفنى تانى يوم بعد المدرسه
قابلتها قالتلى "اسلام انا بحبك قوى قوى ارجوك خليك جنبى واوعى تقول لحد انك قابلتنى "

وسابتنى ومشيت

طبعا اخوكم ظهرت عليه علامات الغباء وفضلت حوالى 3 دقايق واقف فى مكانى متنح مش قادر استوعب انى انا اتقالى الكلام ده من البنت اللى زى القمر دى


3- ما هم أكبر مقلب اخدته في حياتك ورد فعلك كان ايه
هوه بصراحه كان مقلب حراميه جامد جدا
لما اكتشف ان البنت ريم اللى زى القمر دى " البنت تتاكل اكل"
نفضتلى وصاحبت اخويا الاكبر منى "طارق"


4- أكتر انسان خنقك في حياتك مين وكيف

زوجتى السابقه..

كانت من ضمن الستات اللى بيتفننوا فى صنع المشاكل



5- ما هي أخطر عيوبك وماذا فعلت لاصلاحها
احيانا عصبى بدرجه كبييره وبصراحه لم افعل شىء لاصلاح هذا العيب


6-هل فكرت في يوم في ترك الجيم فلاش
ابــــــــــــــــــــــــــــدا


7- هل دفعت رشوة من قبل

من منا لم يدفع رشوه
بكل تاكيد نعم لان الحياه اصبحت على هذه الوتيره دائما


8- هل كنت بتغش في الامتحانات وهل تم ضبطك
طبعا ورفدونى لمدة سنتين


9- شخص اذيته وتريد ان توجه رسالة اليه من هو وما هي الرسالة
والدى فقد وضعته مؤخرا فى ورطه كبيره جدا واريد منه ان يسامحنى بقلبه الكبيركما عهدته دائما


10-هل تمنيت ان تصبح مشرف واذا كانت الاجابة لا فلماذا واذا كانت نعم هل تري في
نفسك القدرة وأي قسم تريد
لا يوجد شخص بالمنتدى لم يتمنى الاشراف بهذا المنتدى لان هذا شرف كبير جدا لاى عضو .
اما بالنسبه لمقدرتى فانا لم اعرف من قبل مسؤليه الاشراف وما هى متطلباتها