هنا مقر السيد شيخ الحاره لفض النزاع

[aladin02002]

بكل تأكيد أخى الفاضل
انا عاوز الاول أسالك سؤال ممكن ولا لا
ومش هاقدر أجاوب على سؤالك السابق الا لما انت تجاوب الاول على السؤال اللى هأسألهولك
ممكن
ولا لا

[&& اشكوزا &&]

اتفضل يا جميل اسأل اي سؤال يخطر علي بالك

[aladin02002]

انت كان شعورك ايه لما كان فى أشخاص بتعرض أكواد بتقول فيها
( زود رصيدك ببلاش من فودافون أو موبينيل )
ومكنش طبعا فى رصيد بيزيد ولا حاجة بس كان بينقص طبعا وأكيد سيادتك عارف ليه؟
وطبعا الناس دى أذكياء ذكاء فوق الطبيعى لأنهم بالأكواد دى قدروا يضحكوا على شركتى فودافون وموبينيل
قوللى يا أخى الفاضل وبكل صراحة وبالله عليك انت بقى كان ايه شعورك

[&& اشكوزا &&]

اكيد طبعا كنت بشعر اني لو شوفت العضو دة اجيبله ارتجاج في المخ لانه حرامي
لكن ايه علاقة السؤال دة بالموضوع

[aladin02002]

يبقى انت مقرأتش مشاركة العضو ( الفنان 122 ) كويس
اللى بيقول فيها
دلوقتى و بعد عناء كبير جدا تم التوصل الى حل مشكلة الغة العربية مع الهواتف الصينية و هذا الحل موجود عندى و بس حتى فريق الانفنتى لغاية النهاردة مش قادر يوصل لحل مشكلة العربى المكسرو لو حد عنده شغل عاوز يظبطه ممكن يكلمنى و انا اعملهله
وعاوزك تركز على حتى فريق الانفنتى لغاية النهاردة مش قادر يوصل لحل
وأكيد سيادتك عارف يعنى ايه الكلام ده
صح كده ولا أنا غلطان
وهو ده كان شعورى

[وائل النجار]

السلام عليكم جميعا


أنا موجود معاكم من البداية ومتابع كل الردود بس مستني أما تتوضح الصورة بالحوار بينكم

الحمد لله أهوا بقت واضحة تمام

أخي الكريم علاء الدين ((aladin02002 )) الفكرة هيا سوء تفاهم وأنا هشرحلك الحكاية

بالنسبة للعضوا ( الفنان 122 ) نزل موضوع في قسم عروض البيع الشراء الخاص بالأعضاء

والموضوع سليم ومفيش أي تلاعب ومش زي بتوع أكواد والإحتيال عشان في برامج تقدر تعدل الفلاشة بتاعت الصيني وتنزل بيها لغة وتغير صورة رسالة الترحيب وتعمل حاجات زي كده لذالك حضرتك فهمت غلط وتوقعت بأنه كلام وهمي وغير صحيح

والشباب هنا عاملين جوا للتقرب من بعض ولا يوجد أي قصد للإستهزاء بأحد

وكلنا هنا عيلة وحدة وإن شاء الله أخوات

بالنسبة لأعضاء شيخ الحارة يرجى عدم النداء بخارج هذا الموضوع بلقب شيخ الحارة أو ما شابه لكي لا تحدث أي خلافات


وما شاء الله عليكم كلكم أعضاء محترمين وفعالين وليكم مجهود ممتاز بالمنتدى

وهذا التعليق لتوضيح بعض النقاط لكي لا يكون هنالك أي خلاف أن شاء الله بلأيام القادمة


دمت بخير جميعا

[&& اشكوزا &&]

بص ياجميل
اول شئ لازم تعرفة هو اني لو مكانك اعتقد اني هارد بنفس الصيغة
ثانيا احنا استدعيناك انت عشان انت اللي رديت
ثالثا انا شايف ان العضو عايز يعمل شغل لنفسه وغالبا الكلام اللي بيقوله مش صح وحتي لو صح احنا في منتدي
وكل اللي يقدر يساعد يتفضل اما اللي يحاول يستفيد فقط ده احنا مش عايزينه في وسطنا


رابعا انت قلبت الموضوع جد اوي ليه احنا هنا في مشيخة الحارة بنحاول نوضح الامور ونحل المشاكل وانت ضيف عزيز علينا

[&& اشكوزا &&]

اهو وائل وضح الامور كلها واهلا بيكم جميعا في المشيخة

[aladin02002]

إخوانى الأفاضل
السلام عليكم ورحمة الله وبركاته
أولا أبدأكلامى بأن أقول لكم
إنى والله أحبكم فى الله
وأحب كل من فى هذا المنتدى محبة خالصة لوجه الله
انتم عارفين ليه
ممكن تشوفوا اللى مكتوب فى اللينك ده وأنتم تعرفوا ليه انا أخدت الموضوع جد
وإزاى بعد كده ما أخفش على المنتدى ده وأغير عليه
بيتهيألى إنى لازم أحافظ بقوة على هذا ولا أجد مكانا للتهريج أو الإحتيال وحضراتكم عارفين طبعا حال الدنيا ايه وإزاى الحياه صعبة
ولكن من أخطا فعليه إصلاح خطأه
وبما ان العضو ( الفنان 122 ) لا يحتال علينا
فأنا فى غاية الخجل وسوف أسحب مشاركتى من موضوعه
وجازاكم الله كل خير

[وائل النجار]

أهوا هم دول رجلة الجيم فلاش


الله ينور عليكم


شيخ الحارة شد الهمة وشفلك شغنالة أحسن منت واقف تتفرج كده ههههههههههه