نقاش جاد وجاوب بكل صراحه؟؟؟؟

[GhArOmA]

1/ كيف بدات رحلتك (حكايتك) مع المنتدى وكيف وصلت لهـ..!
اول حاجة خاااااالص سمعت عن الجيم من البيطار
وجيت سجلت ونزلت مواضيع بس مكملتش اسبوع وزهقت بامانة لان المنتدى ساعتها كان لسه بيتبدى ومكانش فيه ناس كتير
بعد كدة فكرنى بالجيم طارق اون رجعتله بعد سنة غياب
بس اييييه من ساعتها وانا مش قادرة ابعد ابدا


2/ منتدى "الجيم فلاش" ماذا يمثل لك..!
حاليا بيمثلى كل حاجة
كل اخواتى واصحابى فيه
واقربلى من اى موقع تانى مشتركة فيه
حاولت ابعد عنه بس مقدرتش
الجيم دة ادمااااااااان ومش عايزة ابطله


3/ هل تفكر في المنتدى وانت خارجه والي اي درجه..؟..( .وبما تفــكر )..!
وانا برة لا مش دايما الا لو كان فيه مشكلة او حاجة جديدة ومهتمة بمتابعتها
لكن اصحابى اللى فيه دايما بفكر فيهم ودايما ف بالى
لكن بقى اول مبقعد على النت مستحيييييييل مفتحوش ولو لدقيقة واحدة حتى لو كنت مشغولة قد ايه


3/ ما أول شئ تفعله عند دخولك المنتدى..؟ >>> (بشرح لو سمحت)..
اول حاجة بشوف الشكر اللى عندى ولو فيه رسايل
وبشوف مين من اصحابى اون لاين
وبعدين بشوف لو منزلة موضوع ولا حاجة مين رد عليه
وبعدين اتابع بقيت القسم الترفيهى واتنطط شوية ف باقى لااقسام


4 / من هم الاعضـاء الثلاثه الذي يشغلون تفكـــــيرك وانت خارج المنتدى..؟ >> بكل صراحه..!
هما مش تلاتة بس
مينا زبادو - مرمر - طارق اون


5 / من الثلاثه الذي تبحث عنهم وانت في المــنتدى..وتتمنى وجودهم..!..
نفس التلاتة وزيادة عليهم
وائل النجار - نور - جهاد



6 / من العضو الذي يسعدك مرورة في موضوع لك ويوقع فيه..!
نفس الناس دى
بس برضه مقدرش انكر ان اى رد ف موضوع ليا بيفرحنى ويسعدنى جدااااا


7 / موضوع تمنيت ان تكتبه لكنه موجود باسم عضــو آخر..!
لا مفيش حاجة معينة لكن فيه مواضيع كتير بحس انها بتعبر عنى انا اما بقراها
وبستغرب ازاى طلعت من صاحبها تحكى عن شئ حساه بالتفصيل دة من غير مايعرف ايه اللى بفكر فيه


8 / رساله خاصه الي مين ترسلها وماذا تقول له..!



( اسم العضو )..:
اعضاء الجيم فلاش

( نص الرساله )..:

بجد بحبكو كلكووووووو ومحستش احساس الاخوة دة الا وانا وسطكو كدة
ولو فيه حد زعلان منى ارجوه ميزعلش


9 / ما هو الشئ الذي يقلقك في المنتدى وتتمنى اصلاحـه..!
مفيش حاجة معينة
بس اوقات بيكون فيه مشاحنات كدة بسيطة بين الناس هنا بتضايقنى
لاننا كلنا اخوات ومفيش اى حاجة تستحق اننا نخسر بعض والخلاف فى الرأى لا يفسد للود قضية


10 / اصعب موقف مرة عليك في المنتدى ولا تقدر ان تنساه..؟
حاجات كتير حلوة ووحشة
بس اكتر موقف اما رجعت تانى للمنتدى
فكنت بعمل التواقيع بتاعتى صور رومانس
ناس كتير اعترضت عليها مع انها عادية جدا
وف لحظة اتوقفت خدمة التوقيع عندى لانى عندت ومرضيتش اغير الصورة
اتضايقت اوى وكنت هسيب المنتدى وقلت محدش يتعدى على حريتى وانا حرة احط اللى عايزاه طلما محترم
بس يعنى اتحلت الحمد لله وبقيت سمن على عسل مع كل الناس

11 / لحظه مرت عليك في المنتدى ولم تنساها ألي اليوم من شدة الفرح بهـا..!
يوم ماتعرف على حد والقاه فعلا ونعم الاخ او الاخت ويستحق صداقتى وثقتى فعلا



12 / اي قسم ترتاح فيه وتحب ان تكون فيه واي قسم الذي تبدع فيه..؟
الترفييييييييييييهى طبعا
ومن بعده الاغانى والنغمات والانجلش


13 / عضو معاك في المنتدي تريد ان تقول له شئ..( نصيحه _ عتب _ شكر _ ملاحظه )..!
هما نصيحتين ولما هقولهم صحابهم هيعرفوا نفسهم
الاولى
لا تندم وتجزن على ارادة الله مهما كانت ولو فيه امل حاول تاخد خطوة متستناش الفرصة تيجى لوحدها بالعكس دى بتبعد
التانية
طنش تعش تنتعش الحياة مش بتقف على حد ولا لحد يبقى مالوش لزوم تحرق ف دمك وشوف الاصلح واعمله


14 /هل تريد ان تقول شئ قبل ان تغادر..؟
بجد بقالى كتير كنت مفتقدة المواضيع الحوارية دى واللى بطلع كل اللى جوايا فيها


15 / ( 4 ) أعضــاء لن تنساهم حتى بعد مغادرتك المنتدى..!
نفس الناس اللى قلتهم فوق
بس الاغلب انى مش هقدر انسى اى حد من هنا ابدا


16 / من خلال معاملتك مع المراقبين والمشرفين ..أكتر شخص قريب منك منهم من..!
طبعاااااااا مينا زبادو
طارق اون
جهاد
وائل النجار


17 / ومن خلال تواجدك مع اعضـاء منتداك..أكتر عضو بعجبك أسلوبه و يهمك وجوده..!
السخاوى واشكواز وغزل مواضيعهم افكارها حلوة اوى
مرمر دمها شرباااااااات وبموت فيها

18 / أقتراح تقدمه للـمنتدى..؟
ياريت تزودوا البنات شوية ياجدعان عشان الحياة يببقى ليها طعم كدة
انا ساعات بحس انى داخلة الجيييييييش كله رجالة وبس


19 / من هو العضو الذي ترشحه او تورطه بعدك كي يشرفنا
في الموضوع ويحكي حكايتهـ..!

طبعاااااااااا
مرمر
او
جهاد

[السخاوى]

مشكوره غرااااااااااااااااااااااااااااااام

بس نبدأ بجهاد وبعدين هوه يدبس مرمر

اتفقنا ؟؟؟؟؟؟؟؟؟؟؟؟؟؟

تم استدعاء الاستاز جهااااااااااااااااد

[Jine]

مشكوره غرااااااااااااااااااااااااااااااام

بس نبدأ بجهاد وبعدين هوه يدبس مرمر

اتفقنا ؟؟؟؟؟؟؟؟؟؟؟؟؟؟

تم استدعاء الاستاز جهااااااااااااااااد

إيه دة ياااااااااااض
إنتة شايفني أديش مشغول يا بوب

بس تكرم عيونك إنتة والاخت غرام

:::::

1/ كيف بدات رحلتك (حكايتك) مع المنتدى وكيف وصلت لهـ..!

بص يا سيدي دي قصة طويلة جداً
بس جتنا دعوا من أحد صحابي دلوقت هوة مسافر ربنا يرجعه بلسلامة
وأول شخص تعرفت عليه هوة زيزو وهوة إلي حببني بلمنتدى دلرجة ما بتتصوروها خالص
وكان همة الاول والاخير بإني أسبق عمو ناصر بلمشاركات والمواضيع وقتها

2/ منتدى "الجيم فلاش" ماذا يمثل لك..!
الجيم فلاش بحسه قطعة مني والله العظيم زي أيدي أو عيوني
وما بقدر على بعده خالص مهما كانت الظروف

3/ هل تفكر في المنتدى وانت خارجه والي اي درجه..؟..( .وبما تفــكر )..!
اكيد بفكر بلمنتدى وأنا مش فيه وكثييييييييير جداً ودائماً بدخل من الجوال بليل :D وبطمن على كل شئ قبل ما أنام لأنه ما بيجيني نوم قبل ما أطمن خالص أو حتى بإني أتأكد من وجود حد من الإدارة بلمنتدى
أسحق مينا ناصر جرجيس صادق إي حد

3/ ما أول شئ تفعله عند دخولك المنتدى..؟ >>> (بشرح لو سمحت)..
اول شئ بشوف إذا في رسائل خاصة أو زوار
بعدين بوشي على الأقسام الإدارة
وبعديها على لوحة التحكم علشان احل شوية مشاكل إن وجدت
وبعدين لفة بلمنتدى وأولها بلأقسام العامة وبلأخص الترفيهي

4 / من هم الاعضـاء الثلاثه الذي يشغلون تفكـــــيرك وانت خارج المنتدى..؟ >> بكل صراحه..!
ممممممممممممممممم
كثار جداً صدقني
بس أكثرهم
أسحق و مينا وناصر
اما شباب سوريا مثل طارق ووائل ومحمد جودي
بكلهم على التلفون تقريباً كل يوم هههههههههههههه

5 / من الثلاثه الذي تبحث عنهم وانت في المــنتدى..وتتمنى وجودهم..!..
أسحق ووائل وعمو ناصر

6 / من العضو الذي يسعدك مرورة في موضوع لك ويوقع فيه..!

وينزو

7 / موضوع تمنيت ان تكتبه لكنه موجود باسم عضــو آخر..!

موضوع مممممممممممممم
من القلب لأحمد البيطار

8 / رساله خاصه الي مين ترسلها وماذا تقول له..!

( اسم العضو )..:

شخص من ناس الجيم كان ليه معزة كبيرة جداً عندي

( نص الرساله )..:
ربنا يسامحك على كل شئ حصل

9 / ما هو الشئ الذي يقلقك في المنتدى وتتمنى اصلاحـه..!

الحمد لله كل شئ بتمناه بعمله
بس أكثر شئ بيخوفني هوة يكون في ثغرة بلمنتدى

10 / اصعب موقف مرة عليك في المنتدى ولا تقدر ان تنساه..؟

أصعب موقف كان يوم حصلت مشكلة كبيرة بلمنتدى وصارت خناقة بيني وبين الإدارة هههههههههههههههههههههههه وعلى أثرها كونت لح أسيب المنتدى علشان كونت بفكر بقلبي مش بعقلي

11 / لحظه مرت عليك في المنتدى ولم تنساها ألي اليوم من شدة الفرح بهـا..!
يوم رجع الجيم بعد ما كان فيه مشكلة بلسيرفر

12 / اي قسم ترتاح فيه وتحب ان تكون فيه واي قسم الذي تبدع فيه..؟

برتاح فيه هوة الترفيهي
واكتر قسم ببدع فيه هية الأقسام الإدارية علشان هية شغلتي بلمنتدى

13 / عضو معاك في المنتدي تريد ان تقول له شئ..( نصيحه _ عتب _ شكر _ ملاحظه )..!

بص يا سيدي هية شكر لأكثر من شخص وكلهم بيعرفو نفسهم
وهية على وقفتهم معايا بعد الأزمة إلي مريت بيها وهمة أخواتي

أسحق مينا ناصر صادق وائل طارق غرام القلب الابيض محمد جودي نور

14 /هل تريد ان تقول شئ قبل ان تغادر..؟
ربنا يخليكم ليا يا حق

15 / ( 4 ) أعضــاء لن تنساهم حتى بعد مغادرتك المنتدى..!
بإذن الله مش لح يفرقني عن المنتدى غير الموت

16 / من خلال معاملتك مع المراقبين والمشرفين ..أكتر شخص قريب منك منهم من..!
كثااااااار جداً صدقني والله وتقريباً كل الناس بتتحط على الجرح بيطيب

17 / ومن خلال تواجدك مع اعضـاء منتداك..أكتر عضو بعجبك أسلوبه و يهمك وجوده..!

والله العظيم أنا أختلاطي قليل جداً بلمنتدى وأغلب وقتي بيكون بين لوحة التحكم والأقسام الإدارية و بدور على حاجات جديدة للمنتدى
بس بيلفت إنتباهي مواضيع الأنيق والسخاوي

18 / أقتراح تقدمه للـمنتدى..؟
بلوقت الحالي مفيش

19 / من هو العضو الذي ترشحه او تورطه بعدك كي يشرفنا
في الموضوع ويحكي حكايتهـ..!

على رأي أخوي الشخاوي بندبس الأخت مرمر هههههههههههه
وربنا يستر

[akbam1974]

انتظرنا الاخ روكا لمدة يومين ولم يحضر

لذا .....تم استدعاء الاخت غرووووووووووووووومه وننتظر حضورها

يبدو ان الاخ روكا مشغول ربى يعين

تم استدعاء الاخت غرووووووووووووووومه والله احسن تقييم

[السخاوى]

حبيبى جهوووووووووووووود ربى يخليك

تم استدعاااااااااء مرمر

[Tarek On]

هييييييييييييييييييييييييييييه عايزين مرمر بوووم بوووم عايزين مرمر

هههههههههههههههههههههههههههههه

بس ياختي تعالي لوحدك ومتجبيش مسيو فرفور معاكي

ههههههههههههههههههه

[M A R M A R]

ههههههههههههههههههههههههههههههههههه

يالهوووووووووووووووى ولا استدعاء النيابة تقول قتلت قتيل اوف هههههههههههههههههههههههههه

ناقص تركبونى عربية بوكس وتقولوا ويوا ويوا ويوا ههههههههههههههههههه

اولا : اشكركمممممممم بجد على التدبيسة يارب افرح فيكوا كلكم قريب يارب ههههههههههههههههههه

ثانيا : فى واحد تانى بيشكركوووووا ميسووووووووووو فرفوووووووووووور عارفة ياطروقة ههههههههههههههههههههههههههه

1/ كيف بدات رحلتك (حكايتك) مع المنتدى وكيف وصلت لهـ..!

بصراحة مونمون هو اللى دخلنى هنا ولما دخلت لقيت المنتدى كلة ردالة روحت راقعة بالصوت وقلت مش هادخلة تانى ههههههههههههههههه

بس بعد كدةطمنى كتر خيرة وقالى لا متقلقيش هاتلاقى بنوتات زيك وفعلا لقيت ربنا سترها وقلت اخير هاعمل الى نفسى فية الحزب النسائى ونستولى على المنتدى هههههههههههههههههههه

2/ منتدى "الجيم فلاش" ماذا يمثل لك..!

حاجةكبيرة بجد وبنبسط موت هنا وبالذات لما بشوف الرعب فى عنيكوا منى هههههههههههههههههههههههههههه

3/ هل تفكر في المنتدى وانت خارجه والي اي درجه..؟..( .وبما تفــكر )..!

بصراحة بفكر فى المنتدى دايما وبالذات الضحك والتهريج والهزار مع بعض ولما بفتكر كل دة بقعد اضحك اوى ههههههههههههههههههه

3/ ما أول شئ تفعله عند دخولك المنتدى..؟ >>> (بشرح لو سمحت)..

هههههههههههههههههههههه لازم بالتفصيل الممل اوكى هههههههههههههههههههه

شوف انا اول حاجة بعملها بشوف مين موجود الاول وبعد كدة لو فى تنبيهات ادخل جررررررررررررى اشوف مين بعتلى رسالة طبعا انت عارف انى مهمة اوى فالرسايل بالكووووم ههههههههههههههههههههههههه

وبعد كدةاشوف المواضيع اللى مشتركة فيها وارد واشوف المواضيع الجديدة وابتدى اغتت كالعادةعليكوا هههههههههههههههههه

4 / من هم الاعضـاء الثلاثه الذي يشغلون تفكـــــيرك وانت خارج المنتدى..؟ >> بكل صراحه..!

هما كتير بس الاكثر غرام وطارق اون وعفرتو جوست

5 / من الثلاثه الذي تبحث عنهم وانت في المــنتدى..وتتمنى وجودهم..!..

مونموناية وغرام وطروقة عشان بحب اغتت عليهم اوى ههههههههههههههههه

6 / من العضو الذي يسعدك مرورة في موضوع لك ويوقع فيه..!

امممممم عضوا واحد يعنى هو الكل بنبسط بية بس اكتر طارق اون ولما يدينى شكرا هههههههههههههههههه على رد او موضوع فية تهريج

7 / موضوع تمنيت ان تكتبه لكنه موجود باسم عضــو آخر..!

مفيش بصراحة اهىء

8 / رساله خاصه الي مين ترسلها وماذا تقول له..!



( اسم العضو )..:

مونمووووووووون

( نص الرساله )..:

بشكرك اوى عشان خليتنى موجودة وسط احلى اعضاء واحلى اسرة وليك منى ورده

9 / ما هو الشئ الذي يقلقك في المنتدى وتتمنى اصلاحـه..!

فرفورى بصراحة بيقول الطريق فى المنتدى زحمة عاوزلة طريق خاص بية هههههههههههههههه

10 / اصعب موقف مرة عليك في المنتدى ولا تقدر ان تنساه..؟

اة هو كان موضوع بس مع الاسف اتقلب لخناقة هههههههههههه هو سؤ تفاهم بس يلا معلش اهىء اهىء اهىء

11 / لحظه مرت عليك في المنتدى ولم تنساها ألي اليوم من شدة الفرح بهـا..!

ايوووووووة موضوع تحت الاضواء كنت داخلة جديد بس حسيت ان الكل فرحان بيا هههههههههههههههههههه وراحوا جايبنى واشتغلوا اسئلة لما الواحد فرقع غيظ ههههههههههههههههههههههه

12 / اي قسم ترتاح فيه وتحب ان تكون فيه واي قسم الذي تبدع فيه..؟

بحب اكون فى الاقسام الترفيهية قسم المسيحيات ونفسى ابدع فى كل الاقسام مش قسم معين

13 / عضو معاك في المنتدي تريد ان تقول له شئ..( نصيحه _ عتب _ شكر _ ملاحظه )..!

شكررررررر ليك على موضوعك الجميل

14 /هل تريد ان تقول شئ قبل ان تغادر..؟

عاوزة اقول انى مبسوطة اوووووووووى انكم دايما فاكرنى فى كل خير بصراحة

15 / ( 4 ) أعضــاء لن تنساهم حتى بعد مغادرتك المنتدى..!

غرومة ومون وطروقة وانت طبعا بعد اللى اتعمل فيا اهىء هههههههههههههه

16 / من خلال معاملتك مع المراقبين والمشرفين ..أكتر شخص قريب منك منهم من..!

امممممم كتير هما بجد

17 / ومن خلال تواجدك مع اعضـاء منتداك..أكتر عضو بعجبك أسلوبه و يهمك وجوده..!

غرومة عشان متسبنيش لوحدى ههههههههههههههههههه

18 / أقتراح تقدمه للـمنتدى..؟

الترابط بين كل الاعضاء مهما حصل لان دة سر النجاح للمنتدى

19 / من هو العضو الذي ترشحه او تورطه بعدك كي يشرفنا
في الموضوع ويحكي حكايتهـ..!

اسحققققققققققققققق عشان متغاظةمنة ههههههههههههههههه

[Tarek On]

ههههههههههههههههههههههههههههه

تسلمي ياختي واحلى حاجة كانت جوابك على سوؤال الاقتراح ههههههههههه وجابوتي عشان الفرفوووووووور
وكمان كنت فاكرك بتاعت هارد وير وقسم النوكيا وحاجات تانية هههههههههههههه

بس والنبي جميلة قوي حكاية اسحق دييييييييييييي فيييييييينك يا اسحق
ههههههههههههههههههههههه

ولعتيها يامرمورة وولعتيها قوووووووووووي

[akbam1974]

طبعا يا مرموره اول ما جيتى سجلتى هنا الكل قلك اهلا بيكى يا عسول

شرفتينا والله ونورتينا فينك من زمان

طبعا سيادتك انبسطتى و

بعد فتره

اه سيادتك غلطتى غلطه صغيره

وبعدين معاكى يا عسوله انتى لازم تاخدى بالك من القوانين ولا ايه رايك

طبعا كدا سيادتك اطمنتى وليكى ضهر جامد حارسك فى المنتدى

يلا يا بت ميهمكيش المنتدى بتاعك ومحدش ليه عنديكى حاجه

ورى العيال دول ابداعاتك

اه غلطه تانى

وبعدين معاكى يا بت انتى مبتجيشى بالزوق لازم تاخدى على راسك يعنى

ههههههههههههه

طبع سيادتك دماغك ناشفه زى كل العسولات اللى زيك

انا هشوف العيال دول ايه اخرهم

اه
سيادتك المره دى بتغلطى بمزاجك طبعا

لا

انتى مين اللى جابك عندنا يا بت انتى
مين اللى عرفك طريق منتدانا ده يا بت انطقى
منمون ولا اسحق يا بت قولى
يا تتكلمى يا هنخلص عليكى مين اللى حدفك علينا يا بت
والله لنخلص عليكى ونريح المنتدى منك ونريح كل المنتديات التانيه
هاتولنا اسحق نشوفو كمان
لما نحقق معاه يعرف البت دى ولا له

هههههههههههههه

منقول

[السخاوى]

تم استدعااااااااء الاخ اسحق