ممكن ندردش سوى عن البروسيسور
يعنى الاساتذة المشرفين اللى هم اكثر من امثالى خبرة ( طبعا بفارق رهيب ) يكلمونا شوى عن طرق تبديل البروسيسور والفلاش واى سى الباور فى الاجهزة 1200 و1112
انا شخصيا حتى الان لم افلح فى تغيير اى واحد منهم واكيد العيب موش فى الاجهزة
بس يمكن الدردشة دى تساعدنا كتير فى التعامل مع الايسيهات المزعجة دى
فى الانتظار
لا اله الا انت سبحانك انى كنت من الظالمين
أنا معاك فى التوضيح ده
بس أحب أقولك أخى الفاضل بأن ايسى الفلاش فى هذا النوع من الأجهزة مع أنه محمى بس ممكن فكه وإعادة تركيبه مرة أخرى بس طبعا مع أخذ الإحتياطات المناسبة والحزر الشديد وانا قمت بهذه التجربة ونجحت معى أكثر من مرة أما ايسى الباور فلم تفلح معى أبدا
وربنا يسهل
شكرا على التواصل اخى علاء
طيب كيف تفك اى سى الفلاش المواد المستخدمة الطريقة درجة حرارة الهوت اير
لا اله الا انت سبحانك انى كنت من الظالمين
أولا درجة الحرارة ممكن تكون عند العلامة 6 وهذا لانى لا أملك هوت رقمى
ثانيا مشرط حاد ورفيع جدا وأنا أفضل المشارط رقم 11
ثالثا يجب حماية ايسى الباور بقطعة من القماش المبلل بالماء
رابعا التسخين على ايسي الفلاش مع التحريك حوله وبحذر شديد حتى لا يحدث انتفاخ تحت الايسى
خامسا تحريك مكون صغير كمقاومة مثلا بجوار الايسى وعندما تتحرك أبدا برفع الايسى عن طريق إدخال سن المشرط تحته برفق
ثم الإستخدام العادى لرفع القصدير من على البورده سواء بالشيلد والكاوية أو الشيلد والهوت وإزالة زيادات مادة الحماية وبناء أرجل الايسى وإعادة تركيبه وباقى الحوار المعروف
بس خلى بالك علشان مايطرش أرجل من أرجل الأيسى الموجودة على البوردة
ولو فى حاجة ممكن تزودها سيادتك تكون مشكور قوى
جزاك الله خيرا اخى علاء
قلت لك لم افلح حتى الان فى تغيير اى سى فلاش لأى جهاز حتى لو هو 1200 يعنى مافيش حمايه عليه حاجرب كما قلت وربنا يسهل
شخصيا بتعامل ازاى
اسخن على الفلاشة من دول ، ارفع الاى سى غير المحمى ، بسن الجفت الطبى مع التسخين بالهوت باشيل بقايا القصدير من البوردة او الاى سى ، اعيد تركيبة وكالعادة باعتبر الجهاز خلاص مات ، برغم انى بارفع الكريستالات بنفس الطريقة واركبها بنفس الطريقة وبنسبة 90 فى المية بتشتغل الا ان الباور والفلاش والبروسيسور مابينطقوش
وطبعا باحسدكم
ربنا يبارك فيكم
لا اله الا انت سبحانك انى كنت من الظالمين
طيب ايه ميزه الهوت اير اليزر اللى موجود فى السوق فى الموضوع ده مع العلم ان تمنه 2000 جنيه مصرى على اخر سعر عرفته لانى سمعت انه مخصص للانواع دى من الايسيهات والكونفرتات فارجوا الاستمرار فى المناقشه
بارك الله بك وزادك علما وفضلاالمشاركة الأصلية كتبت بواسطة محمدلطيف
أخى الفاضل
إن للعمل فى هذا المجال يحتاج طبعا الى دقة كبيرة قبل الدراسة
وتتفاوت درجات الدقة من شخص لشخص
وتأتى هذه الدقة بإذن الله بالممارسة المستديمة
وكذلك ما هو أهم الا تبخل أبدا فى ان تشترى المعدات اللازمة للعمل والأفضل منها على الإطلاق
لأنها تساعدك بدرجة كبيرة
وما جعلنى أقول لك هذا الكلام ليس لشىء فأنا لا أعرفك إلا أخا لى فى الله
ولكنك تقول انك ترفع الأيسى بالجفت الطبى مع العلم بوجود أدوات أحدث تستخدم مثل الملاقط المجهرية والتى هى على درجة كبيرة من التحمل ومدببة جدا جدا
وهكذا أخى الفاضل
وبارك الله فيك وساعدك على الوصول لمبتغاك
لا علم لى بهذا الجهاز لأنى لا أملكة ولم أتمكن من العمل به ولم تتثنى لى الفرصة فى رؤيته
لذلك لا أعتقد بأنى أستطيع الإفادة
اسف أخى الفاضل
رد مع اقتباس
المفضلات