رسايل
أيام
وشهور وسنين
والباب مفتوح
لا انا خطيت عتبة بابك
ولا خطيتى
ولا هبت من قلبك علي قلبي
نسمة عشق ترد لهذا الجسم المبلي الروح
عارفانى
لا عمر القلب ف يوم خانك
ولا كان خوان
حبيتك وزرعتك جوة ضلوعي مكان
وشجر وورود
نوار وألوان
وشواطئ مادخلهاش قبلك انسان
وبكل شقاوة وغباوة وبراءة اطفال الدنيا
هديتى
ياشقيقة الروح
ان كان رح يفضل فى القلب جراح
ووجع مسموح
فدة ذنبي
فأنا اللي اخترت
ولكنك
انتى اللي بديتى
raouf
رد مع اقتباس
المفضلات