أحفــظ أختـــك

[Akramnamo]

نقلا عن جروب الاهلى
حملة احفظ أختك

السلام عليكم ورحمة الله وبركاته

تحبو نبتدى منين ......... ياريت الاول الاخ يركن الموبايل على جنب

والاخت تسيب المراية دلوقت .

بصو بقى يا شباب ممكن اسأل الاخوة سؤال الاول,

انت ليه بتعاكس اللى ماشيه فى الشارع ؟

بتستفيد ايه ممكن تقول وبصراحة.

ماتقوليش انها هى اللى بتدفعنى انى اعاكسها بسبب طريقة لبسها أو مشيتها .

طيب هى قبلت على نفسها انها تغضب ربنا انت ليه تغضبه

وتشيل نفسك ذنوب (غض البصر )مش ده أمر ربنا لنا سيبها هى بقى

تمشى زى ماهى عايزة وتعمل اللى هى عايزاه طالما هى لم

تستمع لكلام ربنا تفتكر انها ممكن تسمع كلام أخوها أو والدها اللى

المفروض انها نازلة قدامهم من البيت بالشكل ده.

الغريب فى الموضوع ان فى شباب بيقعد يعاكس كده وخلاص

سواء البنت حلوة أو لا أو محجبة أو لا ,بيستفيد ايه من كده معرفش.

ممكن اطلب منك طلب لو عاكست واحدة فى الشارع فى اى يوم ممكن

لما تروح أسأل اختك كده وشوف حصل لها ايه النهاردة أكيد

حتلاقيها اتعرضت لموقف ضايقها فى نفس الوقت علشان كده انا

بقولك اخى الغالى بالله عليك (أحفظ أختك)

السؤال المرة دى لكى أختى الغاليه لما انتى حاسه انك بتضايقى من

معاكسات الشباب لكٍ ليه ما تلتزميش فى لبسك وطريقة مشيتك فى

الشارع وساعات الامر بيوصل للضحك بصوت عالى ,بعد ده كله

بتزعلى لما أى شاب يعاكسك فى الشارع طب انتى منتظره ايه منه غير

كده ,وماتقوليش ان كل الشاب بيعاكس البنت سواء لابسه كويس أو لا .

حاقولك مش كل الشباب بيعمل كده, أنا ممكن أشوف شباب يساعدو

اى بنت محترمة لو حد اتعرض لها أو ضايقها.

طيب ما تخليكى انتى ملتزمة وانتى فى الطريق أو فى أى مكان

وباحترامك انفسك حتفرضى أحترامك على كل اللى حواليكى .

علشان اكون عادلة أكتر انا بشوف اليومين دول حاجة غريبة وهى

ان فى بنات هى اللى بتعاكس الشباب ودى حاجة فعلا مصيبة

اين حيائك أختى الغالية ؟

وأحب قولك يا أختى الغالية (أحفظى نفسك).
بقلم
بنت مصرية أهلاويه من جروب الاهلى

حفظها الله