تركيب مايك ديجتال
السلام عليكم يا شباب والله عندى سؤال ياريت حد يفيدني انا تقريبا قربت اسيب شغلانه الصيانه دى بسبب تركيب المايك الديجتال عندى جهازين 9060 وj2 ووالله يا اخوانى جربت تركيب المايك بكل الطرق ومش بيظبط حراره بسيطه جدا وجربت اعزله بورق حرارى من فوق عشان يظبط برده لا اوصله بسلك مفيش فايده هل ايه الحل فى المشكله دى يعنى فيه اكتر من نوع فى السوق مثلاا والا كله زى بعضه والا انا اللى مش عارف اركب والا ايه حد يفيدني مش اكتر عن خبراته
الموضوع سهل وبسيط بإذن الله ومتيأسش من أول مشكله...
أول حاجه لازم تعملها عند تركيب المايك الديجيتال انك تقصدر رجول المايك بالمكواه قبل التركيب وتنظف مكان المايك في البورده وممنوع دخول الفلكس أو التنر أو اي ماده بتنضف بيها داخل المايك.. عشان لو المايك حصل منك تنر او فلكس يبقي باظ من قبل ما تركبه..
ثانيا..
لو المايك فتحته من تحت يبقي تسخن من فوق زي j1 ace
ولو فتحته من فوق يبقي تسخن من تحت s3
لأن لو فتحته حصلت هوا من الهوت هيبوظ برضه..
يعني لما تركب المايك تسخن عكس الفتحه بتاع المايك وتوطي الهوا علي 300 وتخلي الحرارة علي 350 وانت بتركب..
وتهز المايك بالراحة لغاية ما تلاقيه ركب مكانه وتضغط عليه بالراحه..
وتشيل الهوت وتخليك ضاغط لمدة خمس ثواني عشان اللحام يثبت..
وبالتوفيق بإذن الله...
بسم الله الرحمن الرحيم
(سُبْحَانَكَ لَاعِلْمَ لَنَا إِلَّا مَا عَلَّمْتَنَا إِنَّكَ أَنتَ الْعَلِيمُ الْحَكِيمُ )
صدق الله العظيم
حبيبى الله يسعدك انا فعلا كل مره كنت بقصدره ولكن كنت بأستخدم فلكس تحت المايك وعلى الاجناب وانا بركبه ممكن يكون ده اللى بيبوظه طيب لو سخنت عليه من غير فلكس عادى لانى كنت اشوف فيديوهات الناس بتحط فلكس خفيف على البرده ولكن كلامك ده مش انت اول واحد تقوله واحد برده قالي كده ان شاء الله اجرب والله المستعان
اه يتركب عادي من غير فلكس بس اضغط عليه بالراحه وانت بتركبه وهيضبط معاك بإذن الله
بسم الله الرحمن الرحيم
(سُبْحَانَكَ لَاعِلْمَ لَنَا إِلَّا مَا عَلَّمْتَنَا إِنَّكَ أَنتَ الْعَلِيمُ الْحَكِيمُ )
صدق الله العظيم
salim2011 شَكر
الفضل لله أولا ثم لكل من ساهم معي فى حل المشكله وأرشدني تم حل المشكله بنجاح فى جهازين من أول تركيب بأشكر كل أخواني اللى ساعدوني وجزاكم الله خيرا
التعديل الأخير تم بواسطة salim2011 ; 23-08-2017 الساعة 03:58 AM
ربنا يكرمك ويزيدك من علمه....
بسم الله الرحمن الرحيم
(سُبْحَانَكَ لَاعِلْمَ لَنَا إِلَّا مَا عَلَّمْتَنَا إِنَّكَ أَنتَ الْعَلِيمُ الْحَكِيمُ )
صدق الله العظيم
salim2011 شَكر
مساعدة موفقة
مبروك حل المشكله
بالتوفيق ان شاء الله
رد مع اقتباس
المفضلات