جهاز سامسونج مات بعد التفليش
جهاز سامسونج مات بعد التفليش
جملة بنسمعها كتير فى الآونة الأخيرة
وحصلت معايا انا شخصياً
اتوصلت بقى لحاجة يمكن تكون غايبة عن بعض الناس
وبقيت شغال بيها للحذر يعنى
الجهاز اللى مات ده كان مستنى حد يوصل فيه كابل اليو اس بى ويديله فلاشة من الاودين علشان يريح ويستريح
ويبقى ولا بوت ولا ظعبوط
فقلت اشارك فكرتى معاكم اللى بقيت شغال بيها من فترة كدة
الجهاز لما بييجى بيهنج يعنى تقيل فى الاستعمال حتى بعد الفورمات اليدوى من الريكفرى او واقف على الشعار او شغال وبيطلع رسائل توقف ال أى حاجة عن العمل وتم ايقاف مش عارف ايه
بابقى حاسس ان الجهاز ده بيبصلى بخبث ويضيق عنيه ويقولى فلشنى كدة!
فالحمد لله بقيت الجهاز اللى زى كدة بافلشة 3 ملفات بس من ال 4 بتوعه علشان اقطع الشك باليقين ملف ال pda code ap
وملف ال modem cp
وملف ال csc
من غير ملف البوت علشان هو اللى بيخوفنى
التجربة حتى الآن ناجحة والحمد لله ما فيش جهاز نام منى خالص بالاسلوب ده لغاية دلوقتى على الاقل
انا قلت اعرض فكرتى وتجربتى علشان لو هى صح زى ما انا فاهم يبقى نابنى ثواب فى اصدقائى الاعزاء
والله الموفق
رد مع اقتباس
المفضلات