كود بوت لودر CUN-U29 و Custom Touch Recovery

[Andrew Abraam]

اولا ندخل الي هذا اللينك

نضغط علي Register for free

نسجل عن طريق الايميل او رقم الهاتف
الموقع هيرسل كود نكتبه في الخانة الخاصة بيه و بعدها نكمل عملية التسجيل
و نرجع للينك الاولاني تاني و نكتب الEmail و الpassword و نعمل log in

نختار Download وبعدها نضغط علي unlock bootloader

الصفحة اللي جاية دي مهمة جداااااااااا

لازم تبقي عارف إصدار الEMUI بتاع جهازك قبل 5 ولا بعدها
و بعد كدة تختار انت عايز كود هاتف و لا تابلت
و بعد كدة كل خانة جنبها طريقة استخارج البيانات المطلوبة في الحقول
لازم تبقي دقيق في كل حرف ورقم بتكتبه عشان يديلك الكود الصحيح
في الاخر تدوس Commit هيكتبلك الكود المناسب لجهازك واللي بيتكون من 16 رقم احفظه في notbad
بعد كدة تروح للتلفون و تفتح (الإعدادات) و تنزل عند (حول الهاتف)
هتلاقي رقم الموديل
تضغط علي الرقم حوالي 7 مرات عشان تفتح خيارات المطورين
و بعدها ارجع هتلاقي خيار المطورين موجود فوق (حول الهاتف)
ادخل هتلاقي اختيار اسمه (تصحيح اخطاء USB) افتحه و بعدها (السماح بمواقع وهمية) و بعدها (تمكين إلغاء قفل OEM)

و اقفل الجهاز
و بعدها حمل adb من هنا
فك الضغط و ادخل جوة المجلد و إضغط shift+right click

هتفتح command window

اكتب فيها fastboot oem unlock ثم الكود اللي انت اخذته من الموقع و إضغط enter
هتلاقي كلمة waiting for device متقفلش صفحة الدوس دي
(ملحوظة:بعد فك البوت لودر الجهاز هيعمل استعادة ضبط المصنع تلقائياً)
تقدر تعمل backup لبياناتك من برنامج huawei backup اللي بيبقي موجود مع الجهاز و تستعيدها بعد كدة تاني
دلوقتي اضغط علي زر خفض الصوت و وصل كابل الUSB وخليك مستني لحد ميفتح صفحة الBootloader
هتلاقي تحت كلمة fastboot mode<--
وتحتها كلمة FRP Unlocked باللون الاحمر
اول ميتعرف الهاتف علي الجهاز هتلاقي العملية تمت بنجاح و الهاتف هيرستر و يعمل استاعادة ضبط المصنع
و مبروك تم فك الBootloader وتقدر تقفل الcommand window
دلوقتي نركب ريكفري معدل للجهاز للي عايز يعمل روت و خلافه
لينك الريكفري هنا او هنا
بعد تحميل الريكفري غير اسمه لRecovery وانقله للمجلد اللي اسمه adb
دلوقتي نقفل الجهاز برده و نفتح الcommand window بنفس الطريقة

ونكتب الكود ده fastboot flash recovery Recovery.img
و نضغط Enter
و نضغط علي زر توطية الصوت و نوصل كابل الUSB لحد ميفتح
هيفلش الريكفري بسرعة ومبروك عليك الريكفري المعدل
شيل البطارية و رجعها تاني و اضغط علي زر تعلية الصوت و الباور هيدخل علي الريكفري الجديد
دمتم سالمين
منقول من هنا

[..::Mr.TpO::..]

الله ينور عليك يابرنس على الموضوع الجميل

[rabiegsm]

بارك الله فيك

[بشرى عبدالرحمن]

تسلم ايدك على الشرح يابوب

[zhraa501]

مشكور اخي ع الموضوع
لكن عم نتعب كتير في ادخال البيانات و للاسف لا يعطي الكود
هل المشكله بالدوله او الموقع او يحتاج احرف كبيره او صغيره الرجاء التوضيح

[Andrew Abraam]

مشكور اخي ع الموضوع
لكن عم نتعب كتير في ادخال البيانات و للاسف لا يعطي الكود
هل المشكله بالدوله او الموقع او يحتاج احرف كبيره او صغيره الرجاء التوضيح

معاك حق اخي
الموقع يفتح طبيعي من دولتي (مصر) ولم استخدم احرف كبيرة إطلاقا..كله small
لذلك قلت ان تدقق جدا في إدخال البيانات المطلوبة حتي تحصل علي الكود الصحيح

[dadiwalido]

سلام أنا لم تنجح العملية معي لأني فلاشيت هاتف من قبل وتغيرت المعلومات التي داخل الهاتف

[‏ASEM DANIAL]

الله ينور عليك

[Andrew Abraam]

سلام أنا لم تنجح العملية معي لأني فلاشيت هاتف من قبل وتغيرت المعلومات التي داخل الهاتف

​في هذه الحالة انت مضطر تفلش الجهاز بفلاشته الاصلية اولا لتستخرج الكود الصحيح

[dadiwalido]

المشكلة أني فلاشت الجهاز huawei y300 أخر اصدار b208 لا أقدر اللرجوع للوراء