المساعدة من إخوانا المحترفين samsung d800

[قناع القراصنة]

السلام عليكم ورحمه الله وبركاته
موبيل Samsung Sgh-D800 ’ حاولت أن اعربه ولا أجد له تعريب على الانترنت
وكل الفلاشات الموجودة على الأنترنت معطوبة وليست فعالة وبعضها إنجليزية وليست عربية
حاولت كثير عند أحد محلات الموبيل ونزلنا سوفت وير مش اقل من 10 مرات تقريباً
ولم تعرب الموبيل وفي النهاية حصلت حركة غريبة بدأت الشاشة تجيب ألوان غريبة
نزلنا سوفت وير آخر لقينا الموبيل ثبت على هذه الالوان ولا يريد أن يتغير عنها نهائي طول ماهو على الخلفية أو على الأتصال لكن في القوائم بتظهر الشاشة شوية لكن طول الوقت ضائعه
لقيت صورة بالصدفة علي موقع اجنبي مشابهه تماماً لحالة الموبيل بتاعي ..
حاولت كثير تنزيل سوفت وير عند أحد المحلات ألاخري ولم يتم التغير ..
أشتريت كابل USB وحاولت أن انزل سوفت وير عن طريقة ولم اعثر علي طريقة لتشغيل بيها الكابل الكابل معاه سي دي التعريف وهو متعرف وكل حاجة بس مش عارف إذا كان هذا الكابل ينفع أنه ينزل عن طريقة سوفت وير أم لاء إليكم الصور وأرجو الرد سريعاً من فضلكم ..

[zineelabidine]

أخي أول شيء لا يوجد تعريب لجهازك وثاني حاجة تأكد من أن الجهاز d800 أم d800n

[قناع القراصنة]

تسلم يا غالي علي ردك ..
الموبيل الي ف الصورة طبعاً مش بتاعي انا بوضح شاشة الموبيل بتاعتي بقت زي الموبيل دا بالظبط ..
لكن الموبيل samsung 800 والفلاشة الي كانت عليه D800XXEL8.s3
كل المشكلة حالياً اني بنزل له سوفت وير من علي البوكس عند محلات الصيانه
الموبيل بيفضل زي ما هو ..
انا عايز بس طريقة التفليش من علي كابل اليو اس بي اجرب بيها تاني
لاني حاولت اجرب ببرنامج optiflash بيقولي phone power on .. طبعا الموبيل متوصل بكابل usb وشايل منه الخط ومشغلة علشان يدخل ع الكمبيوتر لو طفيته بيفصل من البرنامج ف مش عارف أتصرف إزاي بجد لو حد يقدر يقولي الحل أية علشان اعمل سوفت وير من علي الكابل ال usb إلي ف الصورة الي عندكم إذا كان الكابل دا بتاع سوفت وير أو مش هو الكابل المراد ..
أرجو التوضيح أيها السادة الأفاضل .. وآسف إني اكثرت عليكم الحديث ..

[hassan moamen]

اخى الكريم المشكله دى حصلت معايا وحلها هو التفليش على بوكس ust بالفلاشه اللى حضرتك كاتبها وهيه موجوده على السابورت الخاص بالبوكس وان شاء الله بيمشى الحال

[قناع القراصنة]

تسلم يا أخي العزيز علي الرد وآسف ع التأخير
أولاً احب أشارك مشاركة جديدة ف نفس الموضوع لكِي يتعلم الكثير من الأخطاء
--------------------------------------
الخطأ الأول أن اغلابية شرح برنامج أوبتي فلاش لا يوجد شرح كافي و وافي للبرنامج وأيضاً لطريقة التفليش ..
والحمدلله حليت المشكلة بالكابل الواضح أمامكم عن طريق برنامج أوبتي فلاش
والخطوات هي :-
أولاً : يجب وضع الهاتف في وضع الأستعداد وكل هاتف له طريقة ف وضع الأستعداد
( طريقة وضع إستعداد السامسونج d800 ( mode flashing ، أضغط Hold + (*) + Power On
كل هذا والهاتف مغلق ، وموصل بكابل اليو اس بي ، ستجد أن الجهاز مطفي والكمبيوتر قد تعرف عليه .
اعرف ال com الموصل بيه الهاتف ثم فلش براحتك لا يأخذ كثير من الوقت في أقل من ربع ساعه أو عشر دقائق أقل بكثير من البوكس ..
ولكن المشكلة الآن / أن الهاتف لا يقرأ اللغة العربية ، كل ما أحتاجة قراءة اللغة العربية وليست الكتابة إذا وجد أحد الطريقة لا يبخل علينا بها وشكراً ...