.gif)
الشغل ف الفتره اللى جايه
السلام عليكم
علشان ربنا يسترها علينا
والايام دي تعدي علي خير
لاااز م كل صاحب مشروع تجاري أو بيزنس بصفة عامة
يركز في نقاط مهمة جدا
بنسبة كبيرة في الفترة الجاية مشاريع ومصانع ومحلات هتقفل وأصحابها مش هيقدروا يكملوا لو استمر الوضع بتاع تزايد الأسعار ومشاكل المستورد
وركود السوق ع الكلاللي هيقفل مشروعة هيكون لعدة أسباب
1/ البضاعة غاليه فرأس مالة هيزيد للضعف يعني لو كان المحل شغال ببضاعة ب 100 ألف مثلا هيحتاج يخليهم 200 الف وهيا هيا البضاعه
2/المشروع أصلا بيكسب بس مش مكسب كبير يدوب عايش منه فبالتالي مش هيقدر يحافظ علي نفس المكسب لأن السوق هيريح مع زيادة الأسعار
3/ لو كان في مصنع او تاجر جمله بيعطيله بضاعة آجل عشان يقدر يشغل نفسه الفترة الجايه توته علي كبوته
اللي معندوش التلات مشاكل دول هيقدر يستمر ان شاء الله في السوق
بمعني معاه فلوس يزود رأس المال ومحله ناجح وشغال كويس وبيتعامل كاش بفلوسه ،الكلام ده هينطبق علي كل واحد في السلسلة التجاريه من أول تاجر القطاعي وتاجر الجملة وصاحب المصنع والتجار اللي بتورد للمصنع
الفترة الجاية لازم يكون كل واحد في السلسلة ماشي تمام عشان يقدر يستمر ويحافظ علي نفسه وربنا يباركلهوأي واحد عنده التلات مشاكل اللي قولناهم هيقع غالبا ومش هيكمل ولازم كل واحد ياخد باله مع اللي بيتعامل معاه حتي لو محترم لأنه محترم بس الظروف أقوي من الكل
الكلام مهم جدا مش موضوع تشاؤم
بس عشان كل واحد يركز ويتقي ربنا في شغلة ويحافظ علي أكل عيشه
ربنا سبحانه وتعالي يقول(إن الله لايغير مابقوم حتي يغيروا مابأنفسهم)
(فقلت استغفروا ربكم انه كان غفارا يرسل السماء عليكم مدرارا ويمددكم باموال وبنين ويجعل لكم جنات ويجعل لكم انهارا )
إحنا فعلا محتاجين نتغير صح نرجع لربنا بجد وندعي ربنا ونحافظ علي صلاتنا وكل واحد يخرج زكاة ماله وحاجات كتير غلط في حياتنا محتاجه تتظبط وربنا كريم وان شاء الله أزمة وتعدي وربنا يسترها ع الجميع
منقول
رد مع اقتباس
.gif)
المفضلات