فضفضه

[ezak]

ربنا يسامحك يا سعيد بس مردودالك يا جزار

موقف صعب وموقف طريف تعرضت له فى المهنه

موقف صعب
كنت مع مينا وبنعمل unlock v3r كان على الاسمارت كليب
وكان محتاج تيست بوينت تحت الشيلد . (وانا اصلا عمرى ما كنت فكيت جهاز قبل كده)
وساعتها اشتغلت تقطيع فى الشيلد بالكتر اكتر من 3 ساعات علشان اجيب النقطه بتاعت التيست واتعمل الحمد لله
وحسيت ساعتها انى عملت عمليه جراحيه وصورتها

موقف طريف

نفس الجهاز اللى فات وعملت نفسى (مجدى يعقوب)
وقولت ده سهل قوى وعملته قبل كده وشلت الشيلد كله بالمفك
طبعا البورده بقت فى الضياع ولسبنا الجهاز ساعتها وكان حوار كبير علشان نجيب بورده زيها

موقف طريف
واحد كان معاه مشكله فى المنتدى
وكل شوية كان بيكلمنى
وفى الاخر قالى ياعم شوفلى حد من الادارة اتكلم معاه

صديق تعرفت عليه فى المجال من فتره وجيزه وتمنيت معرفته من زمان

سواء من داخل مصر او خارجها من النت او بجوارك
بصراحه فى الفتره الاخيره (القريبه) اتعرفت على ناس كتير قوى فى الجيم فلاش
وبجد كان نفسى اكون اعرفهم من زمان


صديق تعرفه فى المجال من زمان ولماتشوفه تقوله نفسى اخلص منك
ابو نظارة وكاب (اسالو مينا عليه)

صديق عرفته من خلال المهنه من على النت وتمنيت ان لاتعر فه ثانيه (بدون ذكر اسماء)

قولنا الموقف بس
اتغدر بيا كتير على النت بس علشان قلبى ابيض مش فاكر حاجة هههههههههههه

حاجه نفسك تتعلمها وتحترف فيها مكمله شغلك فى المجال
امور متعلقه بالويب والبرمجه


طبعا حبيب الجميع هيكون ضيف الشرف
علشان نسمع احلى مواقف كوميديه
HosaaM HasheM

بس مش عايزين موقف واحد بس , احكى براحتك يا حوس

[HosaaM HasheM]

طبعا حبيب الجميع هيكون ضيف الشرف
علشان نسمع احلى مواقف كوميديه
HosaaM HasheM

بس مش عايزين موقف واحد بس , احكى براحتك يا حوس

موقف صعب

محل بيتعامل معايا عملتلو جهاز و تمام 100%
راجع تاني يوم بيقولي انا زعلان السوفت المرة دي مش معبي

بقولو معبي ازاي بيقولي المرة اللي فاتت كان مليان كدة و كلو برامج دة تحسو ناشف كدة

انا لما ببقا فاضي بنزل بعد السوفت وير ال chat app المرة دي مكنتش فاضي ف اديتو السوفت مش معبي

موقف طريف

اوقات ببقا نازل المحل متاخر كالعادة و عايز ساعة مع نفسي افوق

دخلي زبون بيقولي الجهاز دة بيبقا 60% و يفصل اشغلو الاقي 90% اعملوووو سوفت
قولتلو عيب بطارية بصلي بصة مرات الاب و قالي دة مفيهوش بطارية يا اوستاااااااااااااااااااااااااااااااااااااااااز

رديت تلقائيا من دون تفكير اية دة انا اسف مش دة اللي بيشتغل طاقة شمسية ورحت مشاورلو على السينسور

اة هو ياه كان نفسي اشوفو من زمان ممكن امسكو

بص حضرتك هو فعلا عايز سوفت بس حاليا احنا ف الوضع الليلي خلاص عتمت برة

بكرة الصبخ الاقيك واقف قدام باب المحل الساعة 12 موجهة التلفون للشمس و ترن عليا انزل اعملهولك و اروح

انا هنزل عشان خاطرك اوعى متجيش

كان نفسي ينزل

و الله في مواقف تاني بس انا لسة صاحي مش فاكر اي حاجة لسة هعمل ريستور للذاكرة ههههههههههه

صديق تعرفت عليه فى المجال من فتره وجيزه وتمنيت معرفته من زمان

مش واحد بس كتير و بالنسبة ليا اخوااااااااتي كلهم

صديق تعرفه فى المجال من زمان ولماتشوفه تقوله نفسى اخلص منك

لا مفيش

صديق عرفته من خلال المهنه من على النت وتمنيت ان لاتعر فه ثانيه (بدون ذكر اسماء)

الحاقدين كتير

حاجه نفسك تتعلمها وتحترف فيها مكمله شغلك فى المجال

اكمل دراسة ف مجال الاندرويد و البرمجة و اقدر اطور

على الاقل روم مثلا كبداية


الضيف اللي بعدي

هيبقا

الدرفيل

هاتلولي الراجل دة