تعال ادخل واتفرخ (نكت على المشرفين )
مشرف شغال فى المرور كل مايشوف عربية مخالفة يديها تقييم سالب .
مشرف اتجوز وعمل الحفلة فى منتدى التهانى والمناسبات ووزع على المعازيم تقييمات موجبة
مشرف زعلان من مراته عملها حظر
مشرف عام غطسوه تانى
مشرف خلف توأم إحتفظ بواحد والتانى حطه فى منتدى المكرر
مشرف جاتله فاتورة التليفون كبيرة عملها تعديل
زوجة مشرف نسيت تحط الملح فى الأكل حطلها تقييم سلبى
مشرف زهق من مراته عملها ايقاف
مشرف بيتغزل فى خطيبته وبيقولها إنتى موضوع عمرى ... أنتى مشاركة حياتى .. إنتى كل صلاحياتى مشرف عاوز يخطب عضوة قالها ممكن أسجل عندكم فى البيت بس ياريت والدك ميتأخرش عليا فى رسالة التفعيل
مشرف عنده حالة نفسية كل مايكتب موضوع يحذف
مشرف عاوز يعرف حبيبته بتحبه أو مبتحبوش دخل على المنتدى وبدأ يحذف المواضيع واحد ورا التانى ( بتحبنى - مبتحبنيش - بتحبنى - مبتحبنيش )
مشرف عام موظف فى مصلحة حكومية شرط على كل عضو يكتب مشاركة يحط عليها ورقة دمغة
مشرف دخل منتدى مناقشات الاعضاء طلع منها بخمس غرز وإرتجاج فى المخ
مشرف دخل منتدى المرأة طلع منها بست اشهر
مشرف دخل منتدى القضايا المعاصرة قبضوا عليه فى مظاهرة
مشرف إختلف مع المشرف العام نقلة مشرف على منتدى المكرر
مشرف مردش على الموضوع ده اختفى فى ظروف غامضة .
رد مع اقتباس
المفضلات