سألو واحد بخيل طحن: تعمل ايه لو الدنيا برد؟ قال:
أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله




مرة واحد عصبى ضرسه وجعه راح للدكتور
الدكتور قاله انت بتشكى من ايه قال له انت شايف الضرس ده قاله ايوه قاله شيل كل الضروس الى حوليه وسيبه زى الكلب لوحده




مرة واحد صعيدى سالوه عرف السيفون قال
صندوق فيه حبل لو شديتة ياتلحق تشرب يا متلحقش



مرة واحد سأل ابوه هو انا جيت الدنيا ازاى ؟
قال له حطيت شوية سكر تحت السجادة وتانى يوم لقيتك مكانهم
راح الولا حط شوية سكر تحت السجادة
تانى يوم رفعها لقى امم من النمل
راخ لأبوه يعيط
ابوه قال له مالك
قال له معيش فوس أأكل العيال دى كلها



واحد بيعاكس واحده سوداء يقولها
يا حلاوه البيبسي راحت تفت عليه قال لها وكمان بتفوري



واحد قابل صاحبه قاله بقي يا راجل اشوفك امبارح انت و المدام في البلكونة و متسلمش عليا؟؟؟؟؟ قال له لا و الله مش انا


مرة ولد شاف قطة فى الشارع قال لأخوه انا هاخد القطة دى اغسلها و اربيها.اخوه قاله لو غسلتها هتموت و سابه و مشى..... رجع بعد ساعتين لقى اخوه بيعيط وبيقوله القطه ماتت.... قاله مش قولتلك لو غسلتها هاتموت ، قاله ماماتتش و انا بغسلها ماتت و انا بعصرها



مره واحد مسطول بيقول لواحد مسطول انا لما بشرب قهوة مبنمش التاني قاله انا عكسك خالص انا لما بنام مبشربش قهوه



مع تحياتى
3llam