!!! حلول جديده لاجهزة 6131 و 6288

**hassan moamen** · 18-01-2009, 06:11 AM

السلام عليكم ورحمة الله وبركاته

اخوتى فى الله كثير منا بيواجهه مشاكل فى الجهازين اللى هنتكلم عليهم النهارده
وهما
1_6131 RM-115
2_6288 RM-78

نقول المشاكل بالنسبه للجهازين

بالنسبه للجهاز الاولانى وهو 6131 فبيكون عيبه انه الموبايل شغال و بيجيب كلمه نوكيا وبتختفى تانى واحيانا بيشتغل لمده دقيقه وتنسحب الشاشه ويعمل ريستارت وكمان الجهاز بيدخل لوكل مود وبيقرا الانفو طبيعى جدا جدا وكتير منا بيتعب فى هذا الجهاز اللعين وبينزله اعلى فيرجن والنتيجه صفر وبيقول فى الاخر المشكله هارد وير
نعم ممكن يكون هاردوير ولكن نسبه بسيطه جدا جدا

نيجى للجهاز التانى وهو 6288 تقريبا نفس العيب ولكن الاختلاف هنا ان الجهاز بياخد سوفت تمام التمام وبيشتغل وممكن تعطيه للزبون يشتغل معاه يوم ويرجعلك الزبون ويقلك التليفون لسه العيب زى ماهو ورجع تانى وكمان فيه ان البلوتوث اول ما تفتحه وتاخد حاجه التليفون بيقع سوفت

الحل كالتالى
(مع الملاحظه .. فى مهنتنا مش ضرورى يكون العيب بيتحل بطريقه واحده ..ممكن يكون ليه اكتر من حل منهم عن طريق السوفت وير ومنهم عن طريق الهارد وير لكن احنا بنتكلم عن السوفت وير حاليا )

بالنسبة لجهاز 6131

والملاحظ ان غالبيه الفيرجن اللى عليه 6.10 نمشيها بالخطوات علشان محدش يتوه مننا
1_backup للتليفون علشان نعمل احتياطنا ولانه جزء مهم من الحل
2_هنعمل ايريس للتليفون عن طريق الملفين اللى انا ارفقتهم وفيه ناس هتقول يا حسن طب ازاى نعمل ايريس ...بص يا سيدى
هناخد الملف الاولانى وهنحطه مكان mcu ونفلش ووبعدين ناخد نفس الملف ونحطه مكان ppm ونفلش مره تانيه وكذلك الحال بالنسبة لملف الايريس التانى

(ملاحظه علشان اعطى لكل ذى حق حقه الحل ده تقريبا وصلت لنصه ولكن النص الغائب هو ملفات الايريس ونوعها ودول اخدتهم من حل فى احدى المنتديات لاحد الاساتذه وجربتهم والنتيجه ميه ميه )

3_ هنفلش عادى وملاحظه هنفلش بفيرجن 6.10 اللى موجود على الجهاز وده لينك مباشر للفيرجن علشان اخواتى
هنــــــا

4_طبعا بعد ما عملنا الايريس هنلاقى السيريال نمبر بقا 12345 ... متقلقش احنا معانا backup علشان الحوادث دى وربنا يبعدنا عن الحوادث ههههههه

5_هنكتب للتليفون ملف pm اللى فى المرفقات مع استخدام خاصيه sx4
وان شاء الله التليفون هيشتغل طبيعى

معلش دوشتكم بس استحملونى بقا

نيجى للتليفون التانى 6288

طبعا الكل لما بيجيله حالة مشابهه لجهاز 6288 بيقول على طول ننزله اعلى فلاشه وهى 6.43 ولكن الحل بيبجيب نتيجه صفر
بالنسبة للجهاز ده ليه حلين
1_اننا بنفلشه بفلاشه 6.43 الاول وبعدين نعمله داونجريد بفلاشه 6.10 وبتزبط احيانا
2_وده يمكن الحل اللى جاب نتيجه 99% وه اننا بنفلشه بفلاشه 6.43 الاعلى وبعدين بنعمل داونجريد بفلاشه 6.10 انجليزى والتليفون بيشتغل انجليزى بدون اى اى مشاكل

(ملحوظه ... نسبة 90% من اجهزة 6288 واللى فيها مشكله البلوتوث اول ما يتفتح الجهاز بيقع سوفت ...الجهاز ده بيكون جاى من الخارج ولما بيتعرب فى اى دوله عربيه الجهاز بيشتغل فتره كويس وبيظهر العيب ده فيه ومش بيشتغل غير بفلاشه انجليزى )

اتمنى اكون وفقت فى الحلول واى استفسار انا تحت امركم
ولو اى شخص من اخوتى عنده حلول تانيه يتفضل يقولها وله جزيل الشكر حتى يكتمل الموضوع

بالتوفيق للجميع ان شاء الله
اخوكم

حسن

18-01-2009 06:11 AM

**AhMEd TOhAMY** · 18-01-2009, 06:34 AM

بص ابو على بنسبه لجهاز 6131 المشكله مش محتاجه ايريس فلاش ولاحاجه انا عنيت مع الجهاز ده كثير جداا وبنسبه لى الحل موجود بس من غير الطريقه اللى انت قولت عليه بص ياباشا الطريقه هنفلش الجهاز باخر اصدار وهو 6.60 هتقولى اخر اصدار انجليزى ومفهوش عربى احنا هنفلش بيها علشان الجهاز يطظبط معانا وبعد كده نعمل downgrade ونفلش بفرجن 5.50 والطريقه مجربه على اكثر من جهاز وناجحه

اما الجهاز الثانى فى الطريقه بتاعتك سليمه

تقبل تحياتى..

**melizi_2008** · 18-01-2009, 11:56 PM

برك الله فيكم اخونى على المعلومات القيمه واتمنا ان يستفيد الجميع شكرا لكم

**hassan moamen** · 19-01-2009, 02:20 AM

المشاركة الأصلية كتبت بواسطة ahmed tohamy

هنفلش الجهاز باخر اصدار وهو 6.60 هتقولى اخر اصدار انجليزى ومفهوش عربى احنا هنفلش بيها علشان الجهاز يطظبط معانا وبعد كده نعمل downgrade ونفلش بفرجن 5.50

طريقتك ايضا صحيحه ولكن بنسبه ضئيله جدا تجيب نتيجه
الحل اخى احمد بيكمن فى ملف الايريس والتفليش فيه لو طريقتك مجبتش نتيجه

شكرا لمرورك

بالتوفيق ان شاء الله

**caffecalls** · 21-01-2009, 05:29 PM

تشكروووون على جهودددكم

**MaTaDoRy** · 22-01-2009, 11:46 AM

مشكور يا ابو علي انيق ومتميز من يومك

**bu waleed** · 22-01-2009, 01:26 PM

مشكور حبييبي عالموضوع الرائع

**hassan moamen** · 22-01-2009, 04:54 PM

شرفنى مروركم حبايبى

ايمن (MaTaDoRy) وحشنى والله... عاش من شافك حبيبى ويا رب تكون بخير

بالتوفيق للجميع ان شاء الله

**anathemaroland** · 25-01-2009, 01:21 AM

1-الطريقتين صح بس لو مكان في بوكس جاف لانو الجاف مع الادابيتر تبع الكابل ال 7بين بيصلحن اتنيناتن فورا
2- غير الppm وحط باقة اللغات تبع العبري مع ملف الcnt
طريقة مجربة 100% و التوفيق للجميع