مناقشة حول ما يحدث مع تجار المحمول ( بخصوص مصنفات اجهزه المحمول )

**MiNa*GSM** · 02-04-2016, 05:01 PM

الحقيقة انا بكتب الموضوع وانا مش قارد وحزين على اللى بيحصل فى الوقت الحالي بمصر بخصوص ( مصنفات اجهزه المحمول بمصر )

اعتقد كل الناس عارفه بتكلم على ايه وليه عملت الموضوع ولو مش عارف اعمل سيرش فى جوجل على مصنفات اجهزه المحمول

انا سمعت ان فى مجموعه قالوا انهم هيقفلوا المحل يوم 5 و 6 ابرايل احتجاجنا على ما يحدث

انا عملت الموضوع ده لجمع فيه جميع الافكار ونعمل وقفه بجد وندعمهم لعدم حدوث هذا مرة اخري

ياجماعه لو متجمعناش وصوتنا وصل دلوقتى . عمركم ما هتجمعوا ولا هيكون ليكم صوت مش فى مجالكم بس وفى بلدكم كمان

فى انتظار مناقشاتكم وارائكم

**nightday** · 02-04-2016, 05:15 PM

القفل مش حل بالعكس خراب اكتر علينا .... اقترح محاولة التواصل مع برنامج توك شو مسموع جيدا مثال العاشرة مساء لتوصيل المشكلة للراى العام

**3llam** · 02-04-2016, 05:20 PM

فعلا قفل المحلات مش هيجيب نتيجه
لازم صوتنا يوصل لفوق
ممكن عن طريق اعضاء مجلس الشعب واكيد كلنا نعرفهم
او عن طريق التوك شو
او السوشيال ميديا

**طارق زتونه** · 02-04-2016, 05:26 PM

احنا نعمل مظاهره يوم الاتنين في شارع عبد العزيز جميع المحلات تقفل وتتجمع اليوم ده هناك هيبقا يوم واحد والي موافق يكتب نعم قبل يوم الاتنين وتمنا من صاحب المنتدي انه يعمل تصويت ونشوف التجمع هيكون الساعه 12 ظهرا جمع قسم الموسكي

**nightday** · 02-04-2016, 05:31 PM

ممكن يتعمل وقفة احتجاجية امام مجلس الشعب وبكدة اكيد الموضوع حيسمع

**طارق زتونه** · 02-04-2016, 05:34 PM

ماشي امام مجلس الشعب خلصانه

**fadyfawzy** · 02-04-2016, 05:34 PM

حاجة بجد ام الافترا مش عارفين يعملوا ايه علشان يسرقوا ويدفعوا الناس ويخسروهم
200% من مؤسسات الدولة غلط فى غلط
ربنا يعديها على خير الناس دى مابتخافش من ربنا هتخاف من وقفة الناس ربنا يرحمنا
وقفة مجلس الشعب هتبقى كويس وكل واحد يدور على نائب دايرته امال الناس اتنخبتهم ليه لو ماكنوش هيقفوا مع الناس فى الازمة دى هيقفوا امتى