.gif)
كيف تكون قائد ناجح
دايما النجاح او المكسب بمعني أصح بيحصل لأسباب كتير اهمهم ان يكون عندك فريق قوي و مخلص في شغله, يعني مثلا فريق الكورة مستحيل يكسب غير في حالتين: لما يكون معاه لاعبين علي مستوي عالي و بيتعبوا جدا في شغلهم.. أو يكون اللي بيدربهم مانويل جوزيه
و هي دي النقطة تحديدا اللي جايين نتكلم عليها النهاردة, ان في نفس اهمية ان يكون عندك فريق قوي علشان تكسب, لازم يكون عندك قائد قوي, قائد بمعني الكلمة.
الـGood Leadership شئ مهم جدا واساسي لنجاح اي مجموعة؛ سواء كانت فريق كورة, سفينة ماشية في البحر, او شركة.وعلشان القائد الناجح دا شخص نادر و مطلوب, قررنا في iCareer نجيب ليكوا "أهم الخصائص الموجودة في القائد الناجح".. Seven Qualities of a good leader و هما
كالاتي:
1-مبدأياً كدا شخصية القائد لازم تكون مثالية, و هنا مش قصدي Perfect, المثالية هنا بمعني Exemplary يعني شخصية يتضرب بيها المثل من الاخر, شخصية منظمة و ملتزمة و زكية, و الاهم من كل دا انه يكون شخص محل ثقة.
2-علشان تكون قائد ناجح في مجال معين, لازم قبل اي حاجة تكون بتحب شغلك, عندك شغف للمجال دا, بجانب انك تكون بتحب دورك كقائد, تكون مصدر الهام للناس اللي حواليك, وبتعرف تحفزهم.
3-خليك واثق في نفسك, ثقتك في نفسك هتزود ثقة اللي حواليك فيك و في قراراتك.
4-لو انت من الناس اللي بتتوتر في الاوقات الصعبة, يبقي خليك Follower احسن, مابشتمكش, بس دا مش مكانك يا معلم,
5- ماينفعش تبقي Leader لو ماكنتش صبور, اتعامل مع المشاكل و الازمات كجزء من رحلتك في الشغل, خليك هادئ و حكيم, كله بيعدي في النهاية.
6-مش معني انك Leader يبقي نظرتك للأمور تبقي من بعيد as a whole, لا لازم تحلل كل حاجة و تجمع تفاصيل في ذهنك, هتنفعك اكيد.
7-هدفك هو هدف الفريق بتاعك, خليه قصاد عينيك مهما واجهت من صعوبات.
و أخيرا نصيحة ليك علشان تبقي قائد ناجح, خليك فاكر دايما ان انت مش اهم من الفريق اللي بيشتغل معاك, انت في نفس اهميتهم, مصلحة الجماعة اهم دايما و في اي وقت.
رد مع اقتباس
.gif)
.gif)
المفضلات