بسم الله الرحمن الرحيم

السلام عليكم ورحمه الله وبركاته

احترف اعطال وتعويض مسارات الشاشه اللحام

اخواتي فالله النهارده ان شاء الله هنتكلم عن الشاشه اللحام واعطالها

الموضوع يشمل جميع الاجهزه النوكيا ذات الشاشه اللحام


الاسئله المتكرره في هذه الاجهزه
1- غيرت الشاشه والجهاز فصل باور بعدها
2- محتاج تعويض اضاءه
3- محتاج تعويض بيانات
الخ.........................
 ويجري علي النت ويلاقي صور ويبدا يطبق مع ان توجد صور اعطال كثيره علي النت خطأ 100%
طيب ماتتعود تعتمد نفسك وتفهم العطل الاول وتحدد في اي قطعه بالظبط من خلال المخطط او مراجعه المواضيع وفهمها.
هنتكلم النهارده علي جميع مسارات الشاشه ونستعرض بعض اعطالها وطرق التعويض المختلفه

اولا نعرف اسم كل تر اك ووظيفته

تتكون تركات الشاشه من 12 تراك 4 ارضي و8 لهم وظيفه

نبدا من علي اليمين بس طريقه العد من اليسارر

12-ارضي - او GND

11 - موجب اضاءه الشاشه او+ VL ED

10- سالب اضاءه الشاشه او -VLED

9 - ارضي او GND

8- فولت مسئول عن البيانات عند وجود خلل به يفصل الجهاز باور وقيمته( VAUX(2.8

7- الفولت المغذي لجميع دوائر الجهاز اسمه الفولت الشعبي عند وجود خلل به يفصل الجهاز باور وقيمته( VIO(1.8

6-مسار LCD_CLK

5-مسار LCD_SDA

4 - ارضي اوGND

3 - مسار L CD_CS

2 - مسار LCD_RST

1 - ارضي او GND

زي ما هو موضح في صوره مخطط

احترف اعطال وتعويض تراكات شاشات النوكيا اللحام

ودي صوره تركات علي البورده


احترف اعطال وتعويض تراكات شاشات النوكيا اللحام

تمام كده عرفنا كل اسم تراك ووظيفته

ندخل بقي علي العطل لو تراك فاصل هاعرفه ازاي

فيه طرقتين

لو دقتت النظر في المسار هتلقيه مقطوع زي ماهو موضح في الصوره

احترف اعطال وتعويض تراكات شاشات النوكيا اللحام

اوعن طريق قياس الممانعه

موجب الافو علي ارضي البورده وسالب الافو اقيس بيه تقيس والشاشه مرفوعه مش راكبه المسار ال لايعطي ممانعه او قراءه يبقي فاصل غير تراك واحد فقط في بعض الاجهزه

هيبقي في اختلاف في تراك واحد مش هيعطي ممانعه مع انه واصل علشان تتاكد منه قيسه مع اقرب نقطه علي المسار
ودي احصائيه للاجهزه
1-اجهزه نوكيا c1.01-c2.00-110-112-1280-1616-1800-(التراك رقم 10-
\-VLD)لايعطي قراءه


2-اجهزه نوكيا- 107-101-x1.01(التراك رقم 11+VLED)لايعطي قراءه

3-جهاز نوكيا 105التراك رقم 2 (LED_RST) لايعطي قراءه

4-جهاز نوكيا 108 جميع التراكات لازم تعطي قراءه

دي جميع الاجهزه ال اخدت عليها الملاحظات





طريقه التعويض

حضرتك انا علقت علي موضوع انك تجري علي النت وتدور وتقعد تجرب تعويضات والحل قدامك سهل ومش محتاج مخطط ده لو المسار مقطوع من فوق مش من عند قطع توالي زي ماهو موضح في الصوره السابقه

صدقني لو تعبت شويه واجتهت واعتمدت علي نفسك هتحس انك صلحت عطل بمجهودك وه هيزود ثقتك بنفسك



دلوقتي عرفت المسار ال فاصل وعايز تعوضه فبتعمل بريدج الي القطعه ال علي المسار من الجهه الاخري للبورده وده شكله مش لطيف لما تفك جهاز وتلاقي كوبري طويل شويه بتحس بحاجه غلط
احنا هنتعلم ازاي اعمل تعويض بكوبري صغير ومش هيبان لانه هيبقي من الجزع الي التراك تحت الشاشه ده اسمه شغل احتراف
والبورده شكلها هيبقي لطيف حضرتك عندك جذوع تحت التراكات كل تراك واصل للجذع
زي ماهو موضح

احترف اعطال وتعويض تراكات شاشات النوكيا اللحام

هنكشط الجذع باي حاجه ليها سن شفره قطر او ابره او سن الكاويه المهم تظبط ايديك علشان متجرحش ارضي ويشبك مع التراك

هيبقي بالشكل ده بعد ما تخدشه

احترف اعطال وتعويض تراكات شاشات النوكيا اللحام

بعد كده هتقصدره وتعمل البريدج وهايكون بالشكل ده بس اشتغل بسلك جرس تالف لانه سمكه رفيع ومش هيرفع الشاشه عند تركيب الشاشه

احترف اعطال وتعويض تراكات شاشات النوكيا اللحام

احترف اعطال وتعويض تراكات شاشات النوكيا اللحام

حتي لو التراكات كلها مقطوعه تقدر تعملها كده بس اظبط ايديك

وتركب شاشتك وتجرب وان شاء الله تشتغل

احترف اعطال وتعويض تراكات شاشات النوكيا اللحام

تمام

ندخل علي تعويض الاضاءه لو المسارات سليمه والعطل في الدايره

نفهم الاول الدايره
ملحوظه هذا التعويض لايصلح للشاشه التي يوجد اكثر من ليدين او بمعني تاني لايصلح للشاشه ذات الكونيكتور يصلح لشاشات النوكيا اللحام فقط
ديراه الاضاءه تتكون من ترانسستور ودايود + ملف فولت بطاريه في معظم الاجهزه النوكيا الا بعض اجهزتها توجد في الدايره ترانسستور+ ملف فولت بطاريه لايوجد دايود
سواء ده او ده
الترانسسنور 3 ارجل
فولت بطاريه
اشاره اينيبول
الفولت الخارج لاناره الشاشه

حصل تلف في الترانسستور وليس عندي بديل في الحاله دي بعمل التعويض ال هو برفع الترانستور والدايود في الاجهزه التي يوجد بها قطعتين اما الاجهزه التي لايوجد بها دايود برفع الترانسستور فقط
بعمل عمليه تحويل من النقطه ال عليها اشاره الاينيبول الي التراك +VLD
كده الدايره مفتوحه لاتعطي اضاءه لازم اقفل الدائره بتحويل - VLED الي الارضي
ملحوظه اشاره الاينيبول تظهر عند قياسها علي هيئه فولت
كده
سؤال

جالي جهاز جديد او غريب ومش لاقي تعويض او مخطط

جواب هترفع الترانسستور والدايود

هتقفل الرجل رقم 10 ال هي -VLED مع الارضي (العد من اليسار زي المخطط) وهتعمل بريدج من موجب الاضاءه وتشغل الجهاز باور وتمشي علي نقط الترانسستور طبعا هتستبعد رجل الموصله بخط البطاريه لانك لو وصلت فيها الاضاءه هتفضل شغاله علي طول مش هتفصل فلازم اعرف النقطه ال عليها اشاره الاينيبول سواء من نقط الترانسستور او مقاومه علي المسار

ال هتشتغل معاك الحم البريدج فيها

ارجو اكون وفقت في شرح الطريقه وسامحوني لو فيها اخطاء
ان شاء الله احاول اعمل موضوع عن الشاشات السامسونج ال ممكن الفلاته تتقطع وانت بتفك الجهاز عن طريق خدش الجذوع وعمل بريدجات توفير ثمن الشاشه
احترف اعطال وتعويض تراكات شاشات النوكيا اللحام

اخوكم فالله احمد زعفراني ابو طاطا