السلام عليكم

انا هاتكلم معاكم عن اخوانكم المدنيين فى غزة

اخباركم ايه ؟؟ متابعين حال اخواتكم فى غزة و لا لسه منفضين

اوعى تكونوا تخيلتم ان الحوار خلص و ان الحرب خلصت
اوعى تكونوا هديتم خلاص ... سخنتم بس فى الاول لما اتفرجتوا على الصور و الشهداء الاطفال و النساء و بعدين دلوقتى زهقتوا و ريحتوا

عارفين لو انتو نفضتوا للبيحصل؟؟ اسرائيل لسه منفضتش
اسرائيل لسه بتقتل اخواتك الصغيرين
اسرائيل لسه بتقتل فى اخواتك البنات
اسرائيل لسه بتقتل ربات البيوت
اسرائيل لسه بتقتل العواجيز

النهارده اسرائيل مش عارف تقتل مجاهدين فتقصف بكل قسوة اهداف مدنيه
اسرائيل دلوقتى 95% من ضحاياها مدنيين.. يعنى مافيش مجاهدين استشدوا الا قليل اوى

عارف ايه الحصل النهارده ديه نماذج للحصل
1-قتلوا اب و ام و 5 من اولادهم
2-واحد راح يجيب لعياله "اكل" بعد ما خرج من بيته بثوانى معدودة قصفوا بيته قتلوا مراته " حامل" و 4 من اولاده
3-عايله مزارعين ... الجيش الصهيونى الملعون جمعهم فى مبنى واحد و ضربهم بصواريخ فقتلهم كلهم "60 شهيد" اطفال و نساء و شيوخ... اليحرق دمك اكتر ان البيقرب من المكان علشان ينقل شهداء او مصابين للمستشفى بيضرب بالنار!!! تخيل
4-دكتور من الاسعافات و هو بيعالج مصاب اضرب بالنار ... اهله عملوا مكان يستقبلوا العزاء في ... المكان اضرب بالنار

انا مش مألف الاخبار ديه و محدش افتكسها ... المصدر من قناة الجزيرة و العربية و بى بى سى

كل دول مدنيين ... اسرائيل مش عارفه توصل للمقاومين فبتضرب مدنيين علشان تزود الشهداء و المصابين و خلاص

انا مش عايز اجيبلك اكتئاب... المقاومة طحناهم بس انا مش باتكلم على مقاومة انا باكلمك عن المدنيين

الوضع صعب جدا ...و انت لازم تكون متابع البيحصل

متخليش اليصهاينة فرحانيين ان الشباب المسلم فاضى و مش واعى بالبيحصل حواليه
متخليهمش يفرحوا فيك ان اخواتك بيموتوا و انت عامل دماغ و مش عايز تطيرها

متخليهمش يقتلوا اخواتك و انت تقول " مش طالبه وجع دماغ و حزن و دم " لا خليها تطلب... لازم تحس باخواتك


سلام عليكم