بسم الله الرحمن الرحيم
السلام عليكم ورحمه الله وبركاته
احترف اعطال كونيكتور الشحن USB
طريقه معرفه جميع تركات كونيكتور الشحن بدون المخطط
هذه الطريقه تشمل جميع الاجهزه ماعدا السامسونج والايفون
كتير بيسئل عن عطل الشحن
مثال
1- جهازفاصل شحن وغيرت اكتر من كونيكتور ؟
2- جهازتركات الشحن طايره وعايز تعويض ؟
3- جهاز شغال بس لما اوصل الشاحن الجهاز بيفصل ؟
4-غيرت كونيكتور الشحن والجهاز بيشحن وهمي(في بعض الحالات الكونيكتور يسبب شحن وهمي) ؟
5- لما بوصل الجهاز بالكومبيوتر بيشحن بس لايقراء تعريف ؟
الخ...................
اليوم بأذن الله موضوعنا انك تكون محترف وفاهم و تعتمد علي نفسك وتجتهد في عمل التعويض بدون مخطط لان يوجد اجهزه كتير المخطط الخاص بها مش متوفرويكون مرجع شامل لتعويضات كونيكتورالشحن .
اولا وقبل اي شي لما يدخلك جهاز عطل كونيكتور شحن
تنظر الي داخل الكونيكتور هل هو هرم عادي ام هرم مقلوب
لان بعض الكونيكتورات شبهه بعض جدا بس الاختلاف في الهرم من الداخل وده لايصلح مكان ده لان توزيع التركات بتكون مختلفا تماما ويسبب شورت في دائره الشحن من اعطاله انه لو واصلت اليه الشاحن الجهاز يفصل باور ولو واصلته علي الكومبيوتر جهاز الكومبيوتر هيظهر رساله بالاحمر معناها ان يوجد شورت في دائره الشحن
ماهو الهرم العادي وماهو الهرم المقلوب ؟
قبل مانعرف الفرق بينهم دعونا نعرف ما هي وظيفه كل تراك في الكونيكتور
شرحنا هذا علي جميع الكونيكتورات ال 5 ارجل فقط
وظيفه التركات هي
التراك رقم 1
موجب فولت الشحن او-VCHC –او-VBUS
التراك رقم 2
DATA MINUS اوD- اوDM
التراك رقم 3
DATA PLUS او +D او DP
التراك رقم 4
ليس لها عمل NC
ملحوظه: توجد اجهزه لها عمل ووتحمل مسار ID زي E7 نوكيا- ويكون وظيفتها تحديد هوية الضيف الوافد الى الكونيكتور – هل هو شاحن ام مسارات داتا (-D+/D )
التراك رقم 5
ارضي او GND
ودي صوره توضح
كدا عرفنا جميع وظائف ومسميات كل تراك او رجل في الكونيكتور-السوكت-.......................
ماهو الهرم العادي وما هو الهرم المقلوب ؟
الهرم العادي ال وجه تلامس الريش لاسفل في مدخل اليو اس بي وممكن تعرفه عن طريق قياس الممانعه اول رجل من الشمال هتديك ممانعه قراءه ال هي هتكون فولت الشحن واول رجل من اليمين هتديك ارضي
ملحوظه هتقيس واتجاه السوكت نحيتك اكنك هتغيره وده موجود في معظم سوكتات النوكيا الا بعض اجهزتها زي E7وموجود الهرم العادي في معظم سوكت الاجهزه الصيني
ودي صور
الهرم المقلوب
وجه تلامس الريش لفوق فبالتالى هتلاقي تراكاته عكس يعني اول رجل من اليمين هتديك قراءه ممانعه ال هي موجب هتكون فولت الشحن واخر رجل من علي الشمال هتديك ارضي بس هتقيس واتجاه السوكت نحيتك اكنك هتغيره موجود بكثره في معظم اجهزه البلاك بيري والسوني وبعض النوكيا وبعض الهاي كوبي
ودي صور السوكت الهرم المقلوب
دلوقتي عرفنا الهرم العادي والهرم المقلوب
سؤال؟
طيب اعرفهم ازاي ممكن يكون السوكت متغير؟
وال مغيره مركب واحد غلط او الجهاز داخل الصيانه بدون كونيكتور شحن
ج- في الحاله ده يوجد حلين
هتقيس ممانعه عن طريق الافو موجب الافو علي الارضي وسالب الافو تقيس بيه لو اول رجل من الشمال اديتك قرايه والاخيره ارضي يبقي هرم عادي وشه لتحت اما لو اول رجل من عااليمين اديتك قراءه واخر رجل من علي الشمال ديتك ارضي يبقي هرم مقلوب
الحل الاخر انك تنظر جيدا مكان التراكات هتلاقي جميع التراكات التي لها ممانعه لها جذوع –خط في البورده-
سؤال اخر
س- لوجميع التركات كلها طايره اعمل ايه
ج- في الحاله دي ركب اي كونتكور متوافق في الحجم والشكل ولايفرق هرم فوق او تحت لانك هتوصل بريدجات-كباري- لمكان التعويض
فمفيش تراك هيعمل معاك شورت
الملخص
علشان تشتغل صح اعمل الاتي
تنظر علي هرم السوكت قبل التغير
لو متغير قبل كده وشاكك فيه قيس ممانعه اني رجل هتيديك قرايه والاخيره ارضي
تقيس ممانعه علي جميع الرجوع الرجل ال مش هتيدك قراءه يبقي المسار مقطوع احيانا الرجل ال جنب الرجل الارضي في بعض الاجهزه هتعطي قراءه والبعض الاخر لاتعطي هتعرفها من الخبره ان الجهاز ده التراك الرابع متصل وله وظيفه وفي الجهاز ده لايوجد له اتصال يعني تثبيت فقط او غير موصل
كده وضحنا الفرق بين الهرم العادي والهرم المقلوب
طريقه التعويض عن التراكات المفقوده
تنقسم البورد الي انواع بورد يوجد فيها الاتي
نقط نشطه او جذوع او ملف مزدوج ومقاومتين توازي او ملفين مع 2دايود
1- النقط النشطه
ستجد الاتي في اي مكان في البورده مش شرط تكون جنب السوكت
نقط نشطه زي كده
VCHC-او VBUS
او الرجل الموجب
---------
DATA MINUS
OR
DM
OR
-D
-----------------------
DATA PLUS
OR
DP
OR
+D
------------
GND
او السالب
او الارضي
كما موضح في الصوره
وده شكل تاني لبورده تانيه للنقط النشطه
بعد القياس هتعرف التراك الطاير وتعوضه
من النقطه النشطه بتاعته
تمام
---------------------------------
الجذوع
في اجهزه تانيه مش هتلاقي نقط نشطه بس هيبقي فيه جذوع واصله للتراك زي ال في الصوره ويمكن قشط هذه الجزوع لاظهارها واخذ بريدج منها
هتعرف الجذع رايح لايه نقطه وتعمل بريدج منها
--------------------------------------------------
ملف مزدوج لمسارات الداتا
بعض البورد تلاقي وارء السوكت ملف مزدوج او من الناحيه التانيه وممكن لاتجد لمسار موجب فولت الشحن نقط او جذع علي البورده
زي ماهو موضح في بورده سوني
السؤال هنا
لواستلمت جهاز للصيانه اي نوع ومش موجود على مسار الكونيكتور غير ملف مزدوج خاص بالداتا هاعوض ازي ؟
الجواب
انت عندك ملف مزدوج او ملفين ودايودين علي مسارD-/D+
هتوصل اي مسار من الملف الي اي تراك من الكونيكتور الخاصين بالداتا حتي لو مش متاكد من سلامه التوصيل لان بتعمل تست وهترجع تصحح تاني
بمعني انا داخلى جهاز جميع التراكات ال بيثبت فيها الكونيكتور طايره ومش موجود غير ملف مزدوج او ملفين ودايودين
مثلا هوصل الرجل رقم 2 ( (-Dالي اي ناحيه من الملف المزدوج واوصل الرجل رقم3 +D))الي الناحيه الاخرى للملف المزدوج حتي لو مش متاكد لاني هاتكد منه لما اوصل باقي الاطرف
كده فاضل عندي مسارين الارضي والفولت الارضي موجود هيبقي مسار واحد باقي ال هو الفولت
هنا الخبره هتفرق كتير لان فيه اجهزه كتير مش متاح ليها مخططات بس اول ماتفك الجهاز وتنظر للبورده بتعرف ده مثلا درايفر اضاءه وده درايفر شحن وده منظم تاتش الخ
ده من الخبره
جميع دوائر الشحن في الاجهزه الكوبي 3انواع
1- درايفر
2- منظم
3- تزانسستور
ممكن في بعض الاجهزه تجد جانب منظم او درايفر مكثف كبير او نقطه او جذع دايما بيبقي عليه مسار فولت الشحن هتسحب بريدج منه
الجهاز هيحس معاك بالشحن لو شحن تمام واتعرف علي الكومبيوتر كده توصيلات الملف المزدوج سليمه اما لو شحن وهمي او لاتعرف علي الكومبيوتر او ظهر رساله تعجب في التعريف اعكس لحام مسارت الداتا
ودي صور لبعض دوائر الشحن
دائره ذات درايفر شحن
دائره ذات ترانسستور شحن
دائره ذات منظم شحن
دي صوره لبورده نوكيا يوجد فيها جذع ونقط نشطه وملف مزدوج
ودي شكل بورده يوجد فيها 2ملف مفرد+2دايود بس كل قطعه خاصه بتراك
وده لينك تحميل الشرح علي ملف وورد وملف pdf وصور توضيحيه
ط§ط¨ظˆ ط·ط§ط·ط§
متنساش اي بورده تجيلك تغير سوكت شحن وملهاش مخطط او غريبه تصور الدايره بالمسارت وتحفظها عندك علشان لو احد طلب صوره تعويض او انت جالك جهاز التركات طايره متتعبش في التعويض
ارجوا اكون وفقت في وصول المعلومه وسامحوني لو فيه اخطاء
اخوكم فالله احمد ربيع زعفراني (ابوطاطا)
اسألكم الدعاء بالشفاء لابني محمد والهدايه لابني مصطفي .
والسلام عليكم ورحمه الله وبركاته
المفضلات