.gif)
؛¤ّ,¸¸,ّ¤؛°`°؛¤ مكتبه افكار صيانه الجيم فلاش¤؛°`°؛¤ّ,¸¸,ّ¤؛
الســــلام عليـــكم و رحمــــــه الله و بركاته
موضوعنا النهارده حصري
الموضوع للمحترفين و المبتدئين
هنعمل مكتبه لطريقه الشغل و الخطوات اللي بنتتبعها
وذي ما المثل بيقول ( كل شيخ و ليه طريقه )
هنتكلم و نتناقش عن عطل معين و هناخد كل اسبوع عطل
و هننتظر افكار جديده و احنا اكتر ناس عندها ابداع
لاننا في الصيانه شغالين بمعدات من كل المجالات
و اكيد بنجيب افكار و طرق غير تقليديه
كله بقي هيشغل مخه ونشوف ابداعتنا و اختراعتنا
انا هكتب اول موضوع بعد كده هنعمل استفتاء علي موضوع الاسبوع القادم ان شاء الله
ناخد اول موضوع و انا هجاوب علي الاسئله و هنتظر باقي الاعضاء و المحترفين للاجابه
ملحوظه : المعلومه البسيطه عندك ممكن تكون جديده لينا و علي انا شخصيا
اي معلومه اكتبها و متعتقدش انها مكرره
( الفكره القديمه بالنسبه لك جديده لغيرك )
وياريت لو في سؤال ممكن تضيفه في اخر مشاركتك
هنتكلم النهارده عن موضوع بيدخل لنا كتير و بنشتغل فيه او بنخاف
موضوع اليوم
•°o.O تغيير باغه الجلاكسي O.o°•
1- طريقه استلام الجهاز ....!!!!
انا عن نفسي بستلمه شاشه لو الشاشه اتكسرت الزبون يشيلها بتفق كده
2-الخطوه الاولي ايه هي علشان اشتغل علي الجهاز؟
بشوف الكسر فين و هي دي بتكون البدايه و البطاريه مشحونه علشان بشتغل علي الجهاز شغال
3-الشغل هارد وير ايه خطواته اللي بنتتبعها بقي علشان نبقي في السليم و ايه الخسائر المحتمله؟
بصوا انا بستخدم الهوت اير مش ماكينه تغيير باغه....
بشيل القمع الرفيع و برفع الهواء و ببدا بالتسخين علي الباغه بطريقه عشوائيه و بسرعه ( علشان الشاشه متتحرقش و لا تبقع )
و بعد كده بستعمل الفتاحه دي
وبدخلها تحت الباغه و بلاحظ الماده و هي بتسيل و برجع تاني اسخن بالهوت و امشي بالفتاحه
و هكذا طبعا انا شغال بالطريقه دي من يوم ما نزلت الباغه
و معنديش ماكينه تغيير باغات اتعودت علي الهوت اير
الخسائر
تقريبا كده 3 شاشات في كل اللي اشتغلته
4- طريقه وضع الماده
انا بحط الماده خط بالطول وبعدين بنزل بالاغه كانها اسكرينه زجاجيه
و كنت الاول ببهدل الدنيا و الماده بتدخل للسينسور و السماعه
دلوقتي خلاص بقيت عارف المقدار تقريبا
و معنديش جهاز تجفيف لانه كان عندي و عطل
اكتشفت بعدها ان الماده بتلصق باي اشعاع مش حراره
بقت اسلط عليها اي ضوء لمده دقيقه بلاقيها ذي الفل
سؤالي بقي : حد جربها في الايفون ؟
في انتظار ردكم علي الاسئله اللي انا جاوبت عليها
1- طريقه استلام الجهاز ....!!!!
2-الخطوه الاولي ايه هي علشان اشتغل علي الجهاز؟
3-الشغل هارد وير ايه خطواته اللي بنتتبعها بقي علشان نبقي في السليم و ايه الخسائر المحتمله؟
4- طريقه وضع الماده ؟
#gem-flash_team
رد مع اقتباس
المفضلات