رد: #.::said.kheirallah. قصة حياة فنى محمول
السلام عليكم اخوتي في الجيم ورحمه الله تعالي وبركاته
شكرا اخي محمد علام علي الدعوه الكريمه يشرفني اتكلم عن قصه حياتي
كفني محمول
اول عمل اشتغلته قبال دخولك عالم المحمول
الصيانه والالكترونيات دي هي كانت هوايه بالنسبه لي من صغري وراثه عن الوالد
فاشتغلت في الكاسيت بتاعنا زمان وباظ والتليفزيون وحصل اخوه والريسيفر(كان عرب سات)(الله يرحمه) بعد كده وراح في داهيه
فانا زعلت من نفسي وقررت اني لازم اتعلم الالكترونيات ده كله وانا لسه في اعدادي اشتغلت صبي في محل صيانه تليفزيون قريب مننا وكان
صاحبه راجل عبقري ابتديت اتعلم منه القطع والمكونات وكملت انا من زمايلي اللي في الصنايع لحد مافتحت محل صيانه تليفزيون وانا في ثانوي
وكملت فيه ريسيفر وكمبيوتر واي جهاز الكتروني بعد كده
اذاى دخلت مجال المحمول او مين السبب انه خلاك تشتغل فى المجال ده
المحل اللي جانبي كان فاتح محمول كان صاحبه مخه في االبيع وبس ولما كان يجي جهاز عنده كان يمشي الزبون
ويجيبهولي بعد كده لحد مفتحت محل تاني محمول بس
اطرف مواقف قابلتك فى المجال
راجل طيب زمان جاب ماكيت 3310 وسابه في المحل عايز يصلحه ومكنتش موجود
جيت المحل الابله اللي في المحل جابتلي عدد الصيانه بقلها ايد قالت جابو واحد
المهم الراجل الطيب وصل واقنع فيه انه دي زي لعبه مش عده مفيش فايده اتهمني بتبديل الجهاز
وبعت جاب عياله وطلع فيهم واحد صاحبي وفهم الموقف طلع انه في واحد باعهولو في الشارع وضحك عليه
اغرب موقف حصل معاه
كنت بغير كفر 73 ايام عزها واتكسرت الشاشه ومكنش لسه شاشتها نزلت بلدنا وصاحبها حلف ميسيب المحل
الا لو تليفونه معاه وطبعا عارفين الصعايده
مقفلين بعت اشتريت جهاز تاني وخدت شاشته ومشيته
موقف شعرك كان حيشيب فيه
اول مره تدخل المصنفات المحل فجاه ولقيت عربتين شرطه وقفت قدام المحل ونزله منها البهوات
ودخلو المحل وانا مش فاهم في ايه وفضلو يطلعو في الخطوط
كان يجي حوالي الف خط
الضابط قللي انا حاخد 300 بس ومشوفش ولا خط تاني
قلتلوا خدهم كلهم ومتخشش المحل بالطريقه دي تاني
واشتريت محل جنبي عملته مخزن خطوط وصيني وريحت دماغي
ذبون عندك بس انت مخنوق منه وعايزه مايجليكش تانى
صاحب محل وعينه يا ساتر لو بص لحاجه في المحل يبقي
لازم تحصل حاجه لما باشوفه باقرا قران لحد ما يمشي
ذبون عندك لما بيجيلك المحلي يبقى دمه خفيف على قلبك ولو موقف حصل معاه احكيهولنا
واحد صاحبي وحبيبي من عشرين جهاز مخدش غير واحد بس
ولحد دلوقتي لما بيجيب جهاز اقوله اكتب اسمك عليه
يقولي لا اكتب اسمك انت يابو صاحبو
هههههههههههههههههه
ياترى فى صحاب بتجيلك المحل بتقعد معاك وانت شغال ومهنتهم ايه وبتكلمهم عن الجيم فلاش
صحابي كلهم يعرفوا اني دايما في الجيم
بس المشكله ان مفيش واحد فيهم في المحمول انا بس ممكن نتلم علي القهوه جنب المحل
ندردش ونهزر حسب الظروف
ياترى لو الزمن رجع بيك للخلف كنت اشتغلت فى مجال المحمول ولا كنت حشتغل فى حاجه
كنت كملت الكليه السنه اللي فاضله وخليت المحمول هوايه بس حسب الظروف
اخرحاجه فكر لما كان فى موضوع فى الجيم فلاش وصاحبك كان قاعد معاك وبيكلمك وانت ناسيه خالص ومشغول بالردود والرد وزعل من ك وسابك ومشى
ياترى ايه الموضوع ده
لا مش صحابي اللي بيحصل معاهم كده
هههههههههههههههههههههههههههه
دي مراتي في البيت انا وفي المحل ارد ردود صغيره وشكرا وبس
مواضيعي كلها عملتها في البيت باكون مركز خالص ومش فاضيلها نهائي
كل يوم تقول: ترجع من المحل تقعد في الجيم اه لو اعرف صاحبه مين كنت وريته الويل
صوره ليافطة المحل
يافطه موبينيل اكيد كل الناس عارفاها
ومكتوب زيادفون موزع معتمد
دمتم بخير
رد مع اقتباس
المفضلات