واضح جدا

[بشرى عبدالرحمن]

وأضح جداً!!!!!!
أنك ناوي تسيبنا وترحل
وما هاميك إحساسنا تجاهك
ريدك ،عشقك نفرح ،نزعل
كل جسور الإلفة انهارت
وكل غناوي الريد الاجمل
ياما هويتك وكم غنيتك
وريدك جوا دواخلي اتنزل
بس اتذكر!!!
إنت نويت ياغالي تفارق
وقلبي الرادك وفيك اتغزل
سبتو يقاسي وراك أحزانو
دمعو النازل وليلو الطوّل
ماهماك عذابو البيهو
ولا حاولت تفكر تسأل
ووأضح جداً!!!!!!
وبس اتذكر
قلبي هواك بصدق احساسو
إلا قساوتك كانت اشطر
الانسان مقياسو اخلاقو
مامقياسو جمال المنظر
وانت جمالك كان عنوانك
هو الاغراك خلاك تتكبر
وماتستبعد يسكن غيرك
جوووه حنايا الروح يتحكر
وواضح جداً
بس اتذكر
باكر تعرف قيمة ريدي
وباكر ترجع ولي تتوسل
وماحيفيدك أسفك طبعاً
بتلقى قليبى سلاك وأتحول
واضح جداً
بس اتذكر!!بشرى عبدالرحمن

[..::Mr.TpO::..]

الله الله اشجينا ي بشرى

[بشرى عبدالرحمن]

الله الله اشجينا ي بشرى

تسلم ياغالى على المرور الطيب كل زوق

[Mohamed ashour]

سلمت يداك يابوب
مزيد من موضوعاتك الرائعة

[raouf_ra3]

لا
تسلم ايدك

[LYON]

احساسك رائع يا بشرى
الف شكر

[SaiD_KHeirallaH]

وصل احساسك حبيبي

[بشرى عبدالرحمن]

وصل احساسك حبيبي

تسلم على المرور الطيب يارائع انت

[king of Royal]

قلبي هواك بصدق احساسو
إلا قساوتك كانت اشطر
الانسان مقياسو اخلاقو
مامقياسو جمال المنظر

الله ينور

[بشرى عبدالرحمن]

قلبي هواك بصدق احساسو
إلا قساوتك كانت اشطر
الانسان مقياسو اخلاقو
مامقياسو جمال المنظر

الله ينور

من زوقك يابرنس تسلم على المرور