رسايل 6

[raouf_ra3]

اقرا باللهجة الصعيدى

بسم الله
تحية طيبة وبعد


كان لازم نبعد
هو انتى
هتعيشى مع واحد فقرى ازاى
الارض براحى
ولحافى السما
وبكمل من نومى عشاى
اه وانا عارف ان لحاف السما دا مابيدفيش
وانك لو جيتى ف يوم وقولتيلى
طب ايه ....؟
فين الشقة التمليك
عايزين
بيب بيب
رح ارد مافيش
وانا عارف
ان الحب بيخلص
ومابيكفيش .....
ولكنى عشقت
والعشق عموما
فى الأصل حلال
لا يجيبه الجاه
ولا كتر المال
واحنا صعايدة ولينا أصول
والأصل يقول : لازم نبعد
انا مش عايزك جنبى يابت الناس
ماهو مهما بعدتى ومهما بعدت
رح تفضلى عايشة ف قلبى خلاص
فى ضحك البحر
وف وجع الناى
فى امبارح راح
وف بكرة الجاى
وف كل سؤال بينى وبين نفسى بيقول أزاى
ازاى انا شوفتك
ازاى انا عرفتك
وازاى حبيت
وازاى ساكنانى كما العفاريت
وازاى الروح بتروح لو عدت مرة ف ساعة شوق من جنب البيت
الفين ازاى
واولهم
هتعيشى مع واحد فقرى ازاى
الأرض براحى
ولحافى السما
وبكمل من نومى عشاى
,,,,,,,,


raouf

[king of Royal]

الله ينور
اخى الكريم

والصعايده اجدع ناااس

[3llam]

تسلم يدك
......